Jerimaya 23:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọtiọye na idjerhe rayen kọ dia kẹ ayen kerẹ idjerhe rọ ghworiẹ vwẹ ebri, ra cha djẹ ayen rua rẹ ayen de she; kidie me cha ghwẹ umiovwo rhe ayen vwẹ ukpe rẹ ehwe rayen, eriyin Ọrovwohwo tare.

Jerimaya 23:12 Referans Kwoze

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Jerimaya 11:23

ọvuọvo rayen rhe chekọ-ọ. Kidie me cha vwẹ umiovwo rhurhu ihwo rẹ Anatọt, vwẹ ukpe rẹ ehwe rayen.

Isẹ 4:19

Idjerhe rẹ oruimwemwu na ọ họhọ ebri rode; ayen vughe obo rayen she teye-e.

Une rẹ Ejiro 35:6

Jẹn idjerhe rayen mu ebri rọ ghworiẹ, ye amakashe rẹ Ọrovwohwo vwọ tua ayen!

Iyẹnrẹ Esiri ri Jọn 12:35

Jesu da ta kẹ ayen, Urhukpẹ na vẹ ovwan je dia kri emerha. Ovwan yan vwẹ ọke na rẹ urhukpẹ vwọ herọ na; ọ dia ọtiọye-e ebri na che muẹ ghene ovwan; ohwo rọ yan vwẹ evun rẹ ebri riẹn asan rọ ra-a.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Une rẹ Ejiro 73:18

Uyota wo mu ayen phihọ asan rọ ghworiẹ wọwẹ re nẹrhẹ ayen she ghwọrọ.

Ẹyano 32:34

Ẹkẹvuọvo asakiephana, gba yanran re sun ihwo na kpo asan re me ta kẹ owẹ na, nighe, amakashe mẹ cha ka obaro kẹ wẹ. Dede ẹdẹ re me cha rhe, ke me re ihri rẹ umwemwu rayen.

Ọbe ri Jud 1:13

omimi rẹ abadi rọ họnra, ro gbe iphughe puọpuọ kẹ omaẹvuọ rayen; isio ro beghe ra vwọ hẹrhẹ ebri hwi bẹdẹ.

1 Jọn 2:11

Ẹkẹvuọvo ohwo ro tuoma rẹ oniọvo rọye yọ hẹ evun rẹ ebri, evun rẹ ebri kọye o de muẹ yan, yọ riẹn asan rọ ra-a, fikiridie ebri na rhuro ẹro.

Maika 7:4

Ọ ro me yovwi vwẹ usun rẹ ayen họhọ ebẹn, ọ rọ ma dia ọvwata vwẹ ohri rẹ ayen họhọ ogba rẹ inwe. Ẹdẹ rẹ ọrhẹrotọ rayen, ẹdẹ rẹ ehwe rayen, o te nure; Asakiephana ozighi rayen kẹrẹ otọ re.

Jerimaya 50:27

Hwe irhuẹn rọye ejobi, jẹn ayen yanran bru ọrohwe. Ekan kẹ ayen, kidie ẹdẹ rayen rhire, ọke rẹ ehwe rayen.

Jerimaya 48:44

Ọ rọ djẹ vabọ re oshoẹdjẹ na che she phihọ ọgọdọ na rhe, ọ ro ji wotọ nẹ ọgọdọ na rhe che mu ufi na. Kidie me cha ghwẹ emu nana ejobi na rhurhu Moab vwẹ ukpe rẹ ehwe rayen, eriyin Ọrovwohwo tare.

ỌBE RẸ JOB 18:18

A djẹrẹ nẹ urhukpẹ ra ro ebri, a djẹrẹ nẹ akpọ na.

Urhi Rivẹ 32:35

Ihri ẹriọ ọmẹ mẹvwẹ re hwa osa ọke rẹ owọ rayen da ghworiẹ kidie ẹdẹ rẹ okpetu rayen sikẹre re, ughwu rayen cha kpregede.

Une rẹ Ejiro 82:5

Ayen vwẹ erianriẹn eyẹ ẹruọ-ọ, ayen ra yan vwẹ evun re ebri ighere rẹ akpọ na ejobi ki che kpogho.

Uvwerhe 2:20

Nighe, E Ọrovwohwo rere wọ mrẹ! Ono wọ vẹ ọye gbe ru imu nana vwọ? Kẹ eya re emọ rayen, emọ rẹ ayen vwọ bele na? Eyẹ ke hwe irherẹn vẹ emraro ghwu vwẹ ẹshẹ rẹ Ọrovwohwo?

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.