Jerimaya 22:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kidie enẹ Ọrovwohwo tare kpahe uwevwi rẹ ovie ri Juda: Wọ họhọ Giliad kẹ vwẹ, kerẹ enu ri Libanọn, dede na uyota mi che ru we phihọ aton, phihọ orere re jẹ dia.

Jerimaya 22:6 Referans Kwoze

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Une rẹ Ejiro 107:34

otọ ro yovwẹ emu hirhe phihọ otọ rẹ ughweraka diodi, fiki rẹ umwemwu rẹ ihwo re dia.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Jẹnẹsis 37:25

Ayen tidia te otọ kẹ ayen ria emu, ayen vwọ kpare opharo ayen da mrẹ usun rẹ ihwo rẹ Ishmael ri nẹ Giliad cha, vẹ usun rẹ iyesi rayen re ghwa orhọrhe, adjija, kugbe egẹ, re yanran kpo Ijipt.

Jerimaya 22:24

Obo me herọ na, eriyin Ọrovwohwo tare, owenẹ Konaya ọmọ ri Jehoiakim, ovie ri Juda, dia ubiosa rẹ obọrhe mẹ dede, me je bẹrẹ owẹ kufia ghene.

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 21:11

Wọ je ta kẹ uwevwi ri Juda nẹ, Nyo ota rẹ Ọrovwohwo na,

Jerimaya 4:20

Ẹguọghọ nene ẹguọghọ, otọ na ejobi kọ cha dia ofefe kpregede a teyọ itughẹ mẹ she, ibọkpọ mẹ vwẹ ẹro ẹbrẹ na.

Solomon 5:15

Awọ rọye da họhọ ọgọ rẹ ishani, re mu kpahe usikẹ rẹ oro Erhuvwu rọye kerẹ Lebanọn, yoyovwi kerẹ igẹdu

Urhi Rivẹ 3:25

Me rẹ wẹ, ju vwe wanvrẹn ra mrẹ otọ esiri rọ hẹ ovrẹn ri Jọdan na, ugbenu esiri yena, kugbe Lẹbanọn na.

Ukeri 32:1

Asakiephana emọ ri Rubẹn kugbe emọ ri Gad de vwo uchuru buebu gbidi; ayen da mrẹ otọ ri Jazer kugbe otọ ri Giliad, nighe, asan na da dia asan rẹ uchuru.

Solomon 4:1

Nighe, wo yovwiriọ, ọnse mẹ, Nighe, wọ pha yoyovwi Ẹro wẹn kerẹ ẹro rẹ ilekuku vwẹ obuko rẹ oga wẹn. Ẹton wẹn epha kerẹ ẹton rẹ otu rẹ ẹvwe, re djẹ nene ọghwrọrọ ri Gilead cha.

Jerimaya 50:12

Oma cha vo oni wẹn tototo, ọ rọ vwiẹ wẹ na oma cha vuọ. Nighe, ọye cha ka uko vwẹ ẹgborho na ejobi, aton ọyaya ro shafon.

Zekaraya 11:1

Rhie ẹchẹ wẹn, E Lẹbanọn, rere erhanre vwọ ghwọrọ igedu wẹn!

Aizaya 37:24

Vwẹ oma rẹ idibo wẹn wọ wan phọphọ Ọrovwohwo, wọ da tanẹ, Vẹ ekpẹrẹ rẹ ofovwi mẹ buebu na Eye mi vwo yeri kpo enu rẹ igbenu na, re te obo ẹtan ri Lebanọn, Mi de she igẹdu ri me gro vwọ ejobi, omamọ re owangha re herọ, Mi de rhi te obọ shesheri rẹ ugbenu na, asan obiebi hwi vwẹ egho na.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 8:22

Ifuen gbe hẹ Giliad? Ọbo hẹ oboyi? Kidie rha suọ re gbi sivwi arhọ rẹ ọmọtẹ rẹ ihwo mẹ-ẹ? na-a?