Jerimaya 21:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 21:14 Referans Kwoze

Jerimaya 32:19

rọ rhoro vwẹ ẹghwanre vẹ ẹgba kugbe uruemu; rẹ ẹro rọye rhie phihọ kẹ idjerhe rẹ ihwo ejobi, ọ rọ je hwa osa kẹ ohwo kohwo kirobo rẹ idjerhe rọye vẹ emamo rẹ iruo rọye epha;

Isẹ 1:31

fiki rẹ ọtiọye na kẹ ayen cha re emamọ rẹ idjerhe rayen evun kọ vọn ayen fiki rẹ eghẹnẹkẹ rayen.

Jerimaya 52:13

O da torhẹ uwevwi rẹ Ọrovwohwo na, te uwevwi rẹ ovie vẹ iwevwi ri Jerusalẹm ejobi; uwevwi kuwevwi rẹ rhoro ejobi ọ torherọ te otọ.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

2 Ikun rẹ Ivie 36:19

Ayen da torhẹ uwevwi rẹ Ọghẹnẹ, ayen de kporo igbẹhẹ ri Jerusalẹm te otọ, ayen da vwẹ erhanre torhẹ ighẹn rọye ejobi, ọ da guọghọ ekuakua esiri rọye ejobi.

Jerimaya 9:25

Nighe, ẹdẹ cha vwobọ eriyin Ọrovwohwo na tare, ri mi che vwo hwe otu re yanvwere dede na ayen je hẹ upheruphe.

Zekaraya 11:1

Rhie ẹchẹ wẹn, E Lẹbanọn, rere erhanre vwọ ghwọrọ igedu wẹn!

Jerimaya 22:7

Me cha reyọ otu re ghwọrọ vwọ họnre owẹ, dohwo dekuakua rọye, ayen che she emamọ ri igẹdu wẹn kuoto, a da ghwe ayen phihọ erhanre.

Jerimaya 11:22

ọtiọye na enẹ Ọrovwohwo rẹ otuofovwi na tare, Mi che hwe ayen; imighene na che ghwu ughwu rẹ ọlọkọ; owẹvwe che hwe emeshare vẹ emete rayen ghwu;

Jerimaya 6:29

Ogun ro djuẹ owanvwe na vughu vughu odje na ra wran vwẹ erhanre, Ọ rọ fa ẹrovwo na de fa ghevweghe, Kidie ohwo umwemwu na ji no-o.

Aizaya 37:24

Vwẹ oma rẹ idibo wẹn wọ wan phọphọ Ọrovwohwo, wọ da tanẹ, Vẹ ekpẹrẹ rẹ ofovwi mẹ buebu na Eye mi vwo yeri kpo enu rẹ igbenu na, re te obo ẹtan ri Lebanọn, Mi de she igẹdu ri me gro vwọ ejobi, omamọ re owangha re herọ, Mi de rhi te obọ shesheri rẹ ugbenu na, asan obiebi hwi vwẹ egho na.

Aizaya 24:21

Vwẹ ẹdẹ yena Ọrovwohwo ko hwe otu rẹ ofovwi rẹ odjuvwu, vwẹ obo odjuvwu, ivie rẹ akpọ na, vwẹ evun rẹ akpọ na.

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 10:16

Fiki rẹ ọtiọye na Ọrovwohwo, Ọrovwohwo rẹ otuofovwi na, kọ cha vwẹ emiavwe rẹ ẹdọn mu egba rẹ ofovwi na, ke che koko erhanre rọ tua phihọ otọ rẹ urinrin rọye, kerẹ ogidi erhanre.

Jerimaya 11:16

Ọrovwohwo se we dẹvure, Urhe rẹ oliv djidjidji, yoyovwi vẹ omamọ rẹ ibi, ẹkẹvuọvo ọ cha vwẹ edo rẹ ogiribo rode na vwo phi erhanre phihọ eghọn rọye ke torhẹ.

Jerimaya 17:27

Ẹkẹvuọvo wa kerhọn mẹ-ẹ, vwọ yọnrọn ẹdidjala na fuanfon vwo jẹ oghwa ẹghwa ruẹ anurhoro ri Jerusalẹm vwẹ ẹdidjala-a, ki mi koko erhanre phihọ, anurhoro rọye, kọ ghwọrọ ekete ri Jerusalẹm e gbi se fuo-o.

Jerimaya 22:1

Enẹ Ọrovwohwo tare, Wotọ kpo uwevwi rẹ ovie ri Juda, wọ ta ota nana vwẹ etiyin nẹ,

Jerimaya 46:23

Ayen cha guọghọ egbo rọye te otọ, eriyin Ọrovwohwo tare, owenẹ e se dje uyovwi phihọ dede-e, fikiridie ayen bu nọ ebaka, e se kere aye-en.

Jerimaya 50:32

Ọ ro herẹ na cha yẹghrẹ ro de she, ọ rọ kparọ vrẹn rha dia-a, ki mi che koko erhanre phihọ irere rọye, kọ cha guọghọ otu re yareriẹ phihọ ejobi.

Uvwerhe 2:3

Ọ guọghọ ogangan rẹ Izrẹl ejobi vwẹ evun rẹ ophu ọgangan rọye. O de si obọrhe rọye nẹ ayen oma vwẹ obaro rẹ ivwighrẹ; na, kọ torhẹ kere ogidi erhanre vwi Jekọp, ejobi kọ torhẹ riariẹ

Isẹ 12:14

Ota esiri rẹ ohwo esiri tare vọn ohwo evun, obo rẹ ohwo ruru rhoma bro cha.

Jerimaya 6:19

Nyo, E akpọ, nighe, me herọ ghwa umiovwo rhe ihwo nana re, ekankọn rẹ ayen kọnre kidie ayen kerhọn rẹ eta mẹ-ẹ; ayen sẹro rẹ urhi mẹ-ẹ.

Izikiẹl 21:3

re wọ ta kẹ otọ rẹ Izrẹl, Enẹ Ọrovwohwo tare: Nighe, mi mu kpahe owẹ, ki mi yoro ọlọkọ mẹ nẹ ako rọye rhe, ke me nyavwe ovwan kufia te ọvwata te oruimwemwu.

Maika 7:13

Ẹkẹvuọvo ọto na kọ cha dia ofefe fiki re ihwo re dia, fiki rẹ emamọ rẹ uruemu rayen .