Jerimaya 20:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kidie ọke me da ta ota ki mi kperẹ, mi kperẹ, Ozighi vẹ oghwọrọ! Kidie ota rẹ Ọrovwohwo ko rhoma rhi hirhe phihọ ehwẹjẹ kẹ vwẹ vwẹ ọke ejobi.

Jerimaya 20:8 Referans Kwoze

Jerimaya 6:10

Kono me vuẹ ono me je kpokpa kẹ, rere ayen vwo nyo? Nighe, erhọn rayen rhurhuru, ayen sa kerhọ-ọn nighe, ota rẹ Ọrovwohwo kọ họhọ ehwẹjẹ kẹ ayen, oma rọye vwerha aye-en.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

1 Pita 4:14

A da ghwọ ku ovwan fiki rẹ odẹ ri Kristi, yẹ e bruba kẹ ovwan, fikiridie erhi rẹ urinrin kugbe ọ rẹ Ọghẹnẹ vẹ ovwan herọ.

Hibru 13:13

Vwẹ ọtiọye na e gbe jẹn avwanre bro kpo obo erhọn rọ hẹ ughere na, rere avwanre ghwa oghwa rẹ ekan fiki rọye.

Hibru 11:26

O de roro nẹ ekan ra harhe ohwo fiki ri Kristi re ma dia efe rode nọ efe rẹ Ijipt, fikiridie ọ vwẹ ẹro so osa na.

Iyẹnrẹ Esiri ri Luk 11:45

Ọvo vwẹ usun re ẹriẹn urhi na da kpahe kẹ. Oyono, wọ vwọ ta ọnana na avwanre ejobi wo di muẹ harha na.

Jerimaya 28:8

Emraro re karo kẹ wẹ vẹ ovwẹ nẹ ọke awanre rhe mraro buebu rẹ ofovwi, vẹ owẹvwe kugbe ọtiekọ kpahe irhọ buebu je vwọ kpahe ivie ride na.

Jerimaya 20:7

E Ọrovwohwo, wọwẹ re phiẹvwẹ, ọ da ghwa phiẹ vwẹ; wọwẹ re gan nọ vwẹ, wo de phi kparobọ. Mi hirhe phihọ emu rẹ ehwẹjẹ vwẹ ọke ejobi; ihwo ejobi ke hwẹ vwẹ.

Jerimaya 17:27

Ẹkẹvuọvo wa kerhọn mẹ-ẹ, vwọ yọnrọn ẹdidjala na fuanfon vwo jẹ oghwa ẹghwa ruẹ anurhoro ri Jerusalẹm vwẹ ẹdidjala-a, ki mi koko erhanre phihọ, anurhoro rọye, kọ ghwọrọ ekete ri Jerusalẹm e gbi se fuo-o.

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Jerimaya 5:6

Eriyin na okpohrokpo che nẹ aghwa rhi ri hwe ayen, ubido che nẹ atọn cha rhe ghwọrọ ayen. Edjẹnẹkpo ra rhẹrẹ irere rayen, ohwo kohwo rọ ro uphephẹ ka sanvwọ ibribro, kidie ọyanchọ rayen buru gangan, eshe rayen rhoro gangan.

Jerimaya 5:1

Djẹ kpenẹ kpenẹ wan irhuvwu ri Jerusalẹm, no wo roro te! nabọ guọnọ ọgua rọye se wọ mrẹ ohwo ọvo rọ dia ọsoso ohwo rọ guonọ uyota; ki mi vwo ghovwo.

Jerimaya 15:10

Ekan kẹ vwẹ, oni mẹ, ru wo vwo vwiẹ vwẹ, ohwo re ẹghwọ vẹ ohọnre vwọ kẹ otọ na ejobi! Mi momo kẹ ohwo-o, mi ji momo mie ohwo-o, dede na yẹ ayen ejobi harha ovwẹ.

Jerimaya 15:15

E Ọrovwohwo wọ riẹnreọ; karohọ ovwẹ wo bru vwe rhe, re wọ reihri kẹ vwẹ vwẹ obọ rẹ otu ri kpokpo uvwe. Vwẹ akoechiro wẹn na wọ reyọ ovwẹ yanra-an; riẹn nẹ fiki wẹ me vwọ ghwẹ ekan na.

Habakọk 1:3

Die wọ vwọ nẹrhẹ ovwẹ mrẹ oruchọ re me vwọ kparo nẹ ukpokpogho? Eghwọrọ vẹ ozighi gbere obaro kẹ vwẹ; ẹghwọ vẹ aphro vwọ kpahe ovwẹ chachacha.

Ivie rẹ Ivẹ 2:23

Ọ da yan nẹ etiyin kpo Bẹtẹl, ọke rọ vwọ yanran vwẹ idjerhe, imitete rẹ emeshare ẹvo de nẹ evun rẹ orere na rhe ke vwọ jehwẹ tanẹ, yeri kpenu wẹ ohwerhe akpan na yeri kpenu wẹ ohwerhe akpan na.

Aizaya 57:4

Ono wa bẹnẹ? ono we rhie enu rẹ ovwan phihọ kẹ ri we de yoro ẹrenvwe rẹ ovwan phia? Ovwan dia emọ rẹ igburhi, uvwiẹ rẹ ephiẹn ihwo,