Jerimaya 20:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Die sorọ mi vwo nẹ evun rẹ oni mẹ rhe rhe vwọ mrẹ owian vẹ ẹson, rhi vwo yere ẹdẹ mẹ ejobi vwẹ omaẹvuọ?

Jerimaya 20:18 Referans Kwoze

ỌBE RẸ JOB 3:20

Die jabọ ra vwọ vwẹ orẹmrẹ kẹ ohwo rọ hẹ ọdjarhe, ra da vwẹ arhọ kẹ ohwo rẹ akpọ muenu.

Uvwerhe 3:1

Mẹvwẹ hẹ ohwo rọ re oja vwẹ otọ rẹ ọkpọ rẹ ophu rọye.

ỌBE RẸ JOB 14:1

Ohwo rẹ aye vwiẹri, ẹmẹdẹ rọye pha krẹkrẹ, ọ je vọn vẹ ukpokpogho

Une rẹ Ejiro 69:19

Wọwẹ re riẹn obo ra ghwọ ku vwe te, omaẹvuọ mẹ kugbe omaẹphọphọ mẹ ivwighrẹ mẹ ejobi wọ riẹn ayen.

Hibru 13:13

Vwẹ ọtiọye na e gbe jẹn avwanre bro kpo obo erhọn rọ hẹ ughere na, rere avwanre ghwa oghwa rẹ ekan fiki rọye.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

Hibru 11:36

A vwẹ evo jehwẹ a vwẹ ugbudia fa evo, a vwẹ igoni kanre evọ e mu evo phihọ uwodi.

Hibru 10:36

Kidie o fori re we chirako, rere we vwo se ru ọhọre rẹ Ọghẹnẹ re we vwo obo ro veri na.

2 Timoti 1:12

fiki rẹ ọye ọvo na me vwọ reoja kirobo re me ria na. Ẹkẹvnọvo oma vo ovwẹ-ẹ, kidie me riẹn ohwo ri mi segbuyota yo ji mu vwe ẹro nẹ ọ je sa sẹro rẹ obo rọ vwọ kẹ vwẹ yọnre na re te Edẹ na.

Iruo rẹ Iyinkọn na 5:41

Etiyin ayen de vrẹn nẹ ẹguare na, re ghọghọ fiki robo re vwo kere ayen phihọ ihwo re reoja rẹ ophọphọvwe fiki rẹ Odẹ na.

Iyẹnrẹ Esiri ri Jọn 16:20

Uyota, uyota, me ta kẹ ovwan, ovwan cha viẹ ovwan che vwere oma, ẹkẹvuọvo akpọ na cha ghọghọ; ọ cha da ovwan gangan, ẹkẹvuọvo ọdavwẹ rẹ ovwan che hirhe phihọ aghọghọ.

Uvwerhe 1:12

O fiẹ emuọvo kẹ ovwan ovwan ejobi re wan vrẹn na? Ni rẹ wo mrẹ sa sa mrẹ oja rọ họhọ ọmẹ ro she nyẹ vwẹ na, rẹ Ọrovwohwo ru vwe na vwẹ ẹdẹ rẹ ophu ọgagan rọye na.

Jerimaya 8:18

E se fuẹ ophu mẹ-ẹ, Udu mẹ herọ mwọga.

Aizaya 51:7

Kerhọn Mẹ, ovwan ihwo re riẹn ọvwata, ihwo re urhi Mẹ dia evun rayen, wa dje oshọ rẹ ẹghwọ rẹ ihwo rẹ akpọ-ọ, we jẹ ofu dje ovwan rẹ ayen da harhe owẹ-ẹ.

Aizaya 1:6

Kẹ eherhowọ rhiri re te uyovwi, ghwodirhẹn kpimẹ, ẹkẹvuọvo e ghwiẹ ki ibru era kugbe era ri hwẹ, e mi aye-en eyẹ ke ẹgbaa eyẹ a vwẹ evwri rhuọrhọọ.

ỌBE RẸ JOB 14:13

E manẹ wọ sivwe nu vwẹ Erivwi vwonẹ, ku wa vwẹ ovwẹ djahe bẹsiẹ rẹ ophu wẹn vwo fue, mane we bru ẹkẹ kẹ vwẹ, wọ vwọ karohọ ovwẹ!

ỌBE RẸ JOB 5:7

ẹkẹvuọvo evwiẹ ohwo teye ukpokpogho kirobo rẹ imwerhanre rhan kpenu.

Une rẹ Ejiro 102:3

Kidie ẹdẹ mẹ ra wanvrẹn kerẹ ivwirhi, ibeku mẹ ra torhẹ kerẹ ẹkuerhanre.

Jerimaya 3:25

Jẹn avwanre ji sherhẹ vwẹ evun rẹ omẹvuọ rẹ avwanre, ji jẹ ọghọ emuo rẹ avwanre ji rhurhu avwanre, kidie avwanre vẹ esẹ rẹ avwanre ru umwemwu kpahe Ọrovwohwo Ọghẹnẹ rẹ avwanre nẹ ọke emọ rẹ avwanre rhe rhi te nonẹ na; avwanre ji nyo urhuru rẹ Ọrovwohwo Ọghẹnẹ rẹ avwanre na-a.

Jerimaya 15:10

Ekan kẹ vwẹ, oni mẹ, ru wo vwo vwiẹ vwẹ, ohwo re ẹghwọ vẹ ohọnre vwọ kẹ otọ na ejobi! Mi momo kẹ ohwo-o, mi ji momo mie ohwo-o, dede na yẹ ayen ejobi harha ovwẹ.

Habakọk 1:3

Die wọ vwọ nẹrhẹ ovwẹ mrẹ oruchọ re me vwọ kparo nẹ ukpokpogho? Eghwọrọ vẹ ozighi gbere obaro kẹ vwẹ; ẹghwọ vẹ aphro vwọ kpahe ovwẹ chachacha.

1 Ivie 19:4

Ẹkẹvuọvo ekpuyovwi rọye da yan oyan rẹ ẹdọke soso ro evun rẹ aghwa, ọ da rhe o de rhi tidia otọ rẹ urhe rẹ uhwerhe; ọda guọnọ nẹ ọye ghwe ghwu siẹvo, tanẹ, O teri, asakiephana, E Ọrovwohwo, reyọ arhọ mẹ, kidie mi yovwi nọ esẹ mẹ-ẹ.

Jerimaya 15:18

Die sorọ re odjadja mẹ gbi fue-e, rẹ era mẹ gbi kpo-o, ra gbe rhọvwe sivwo-o ku wọ họhọ ẹtẹrhe rẹ ophiẹvwe kẹ vwẹ, kerẹ ame rọ kpọ?