Jerimaya 20:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie mi nyo ophiọrọ buebu. Imuọshọ ọ hẹ asan ejobi! phọphọ! Jẹn avwanre phọphọ! emamọ rẹ igbeyan mẹ ejobi tarọ rẹ ayen vwọ rhẹrẹ eshe mẹ. Ọkeọvo ya cha phiẹ, avwanre ki che phiọ kparobọ rẹ avwanre de ruo keri.

Jerimaya 20:10 Referans Kwoze

Une rẹ Ejiro 41:9

Vwevwe rẹ ugbeyan rẹ erhi mẹ re me vwẹ ẹro so, rọ ria emu mẹ, rhoma vwẹ ichihrawọ vi vwe.

Une rẹ Ejiro 31:13

E, mi nyo ophiọrọ re otu buebu– oshọ vwi kabọ kabọ– rẹ ayen vwọ rua ero kpahe ovwẹ, rẹ ayen vwọ jẹ iroro re vwo hwe vwe!–

Aizaya 29:21

ohwo rọ vwi fiki rẹ ota sanọ oma phia phihọ ogbeku, rọ kpahe ufi kẹ ohwo rọ ghwọ kuo vwẹ anurhoro, vwi fiki orẹ ofefe djẹ ohwo rọ re ase kufia.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Iruo rẹ Iyinkọn na 24:13

Eyẹ se dje mu vwe obo rẹ ayen guẹ kpahe ovwẹ vwẹ etinẹ na-a.

Izikiẹl 22:9

Ihwo evo hẹ evun wẹn na ri gbe ode mẹ ku fiki rẹ ọbara esuo, ihwo evọ je hẹ evun wẹ re ria emu vwẹ obenu rẹ igbenu, ihwo gbe ọfarhiẹ ọbrabra vwẹ uherevie wẹn.

Jerimaya 6:25

Wa yan kpo evun rẹ aghwa na rẹ, wa je yan vwẹ idjerhe na-a, kidie ọvweghrẹ na yọnrọn ọlọkọ vwẹ obọ oshọ herọ vwi kabọ kabọ.

Isẹ 10:18

Ohwo rọ si eghrẹn nu vwẹ udu rọye ọphiẹnvwẹ o ruẹ, ohwo rọ rha jẹ ihwo fia ẹkpa ọye epha.

Iyẹnrẹ Esiri ri Luk 20:20

Ọtiọye na kẹ ayen rhẹrẹ, ayen de ji ọrhẹ, re vwẹ oma nẹ nẹ ayen ihwo rẹ uyota, rere ayen mrasan vwẹ obọ rọ tare yọnrọn, rere ayen vwo muo rhe otu ri vwo ogangan rẹ orhiebro vwẹ otọ rẹ osun na.

ỌBE RẸ JOB 19:19

Emamọ rẹ igbeyan mẹ ejobi sen vwẹ, otu rẹ ivun mẹ vwerha rhoma kurhẹriẹ vwọ so vwẹ.

1 Ivie 21:20

Ehab da ta kẹ Ilaija, Wo rhe bru vwe vwa re E ọvweghrẹ mẹ? ọ da kpahe, Mi bru we vwa, kidie wọ shẹ oma wẹn kẹ umiovwo vwẹ obaro rẹ Ọrovwohwo.

1 Ivie 19:2

etiyin Jezibẹl de ji ikọn bru Ilaija tanẹ, ọtiọye ẹdjọ na ru kẹ vwẹ, e je nọ ọtiọye rhe, ri mi gbe rhe hwe we vwẹ ọke ọtiọna odẹ rọ cha na-a kirobo ru wo hwe ọvo vwẹ usun rẹ ayen na.

Iruo rẹ Iyinkọn na 7:54

Ọke rẹ ayen vwo nyo emu nana ejobi ophu de mu ayen, ayen da reako rayen kpahọ.

Iruo rẹ Iyinkọn na 5:33

Ọke rẹ ayen vwo nyo ọnana ophu de mu ayen gangan ayen da guọnọ ayen hwe.

Une rẹ Ejiro 57:4

Mi sherhẹ uherevie rẹ ikpohrokpo, re vwẹ urhuru furhu emọ rẹ ihwo rẹ akpọ ria, ako rayen ibiri kugbe edada, ẹrenvwe rayen elọkọ re dan.

1 Ivie 22:27

re wọ ta, E nẹ ovie tare, phi ohwo nana phihọ uwodi, re wọ vwẹ ikara phẹphẹghẹ vwọ kẹ kugbe ame, bẹsiẹ me vwọ rhe vwẹ ufuoma.

1 Ivie 22:8

Ovie rẹ Izrẹl da ta kẹ Jehoshafat, Ohwo ọvo ji chekọ re duotọ rẹ Ọrovwohwo vwẹ obọ rọye, Maikaya ọmọ rẹ Imlah, ẹkẹvuọvo o tu vwe oma, kidie ọ mraro esiri kpahe ovwẹ-ẹ, ẹkẹvuọvo umiovwo. Jehoshafat da ta, E jẹn ovie ta ọtiọye-e.

Jerimaya 11:19

Ẹkẹvuọvo ke me epha dẹndẹn kerẹ ọmọ rẹ ogegede re suẹn kpo ehwe. Me rha riẹn ta nẹ mẹvwẹ ayen jẹ iroro kpaha-a, tanẹ e ja ghwọrọ urhe na vẹ ibi rọye, rere ma nyavwọ nẹ otọ rẹ ihwo ekpokpọ, rere e jẹn odẹ rọye ekarophihọ.

Jerimaya 11:21

Ọtiọye na enẹ Ọrovwohwo tare, kpahe ihwo rẹ Anatọt, re guọnọ arhọ wẹn na, re ta, Wọ vwẹ odẹ rẹ Ọrovwohwo mraro-o, avwanre da vwẹ obọ rẹ avwanre hwe we–

Jerimaya 20:3

Vwẹ ẹdẹ rivẹ, ri Pashọ vwọ rhan Jerimaya nẹ igoni na nu, Jerimaya da ta kẹ, Ọrovwohwo se odẹ wẹn Pashọ-ọ, ẹkẹvuọvo Imuọshọ vwẹ abọ kabọ.

Jerimaya 37:13

Ọke rọ vwọ hẹ unurhoro ri Bẹnjamin, isodje ọvo rọ rhere re se Irija rẹ ọmọ ri Shelemaya, ọmọ ri Hananaya, de mu Jerimaya rẹ ọmraro na, ta nẹ, Wọ djẹ bru ihwo ri Kaldia ra.

Daniẹl 6:4

Etiyin itidiaga na vẹ isun na da guọnọ idjerhe rẹ ayen vwọ gbeje Daniẹl vwẹ ẹkuoma rẹ uvie na; ẹkẹvuọvo ayen mrẹ idjerhe ọvuọvo rẹ ayen vwo gbeje-e, yẹrẹ emu re ekan ọvuọvo-o, fikiridie ohwo rẹ uyota o ruẹ, a mrẹ oruchọ yẹrẹ emu rẹ ekan ọvuọvo vwẹ oma rọye-e.

Une rẹ Ejiro 31:14

Ẹkẹvuọvo me vwẹ ẹro so owẹ, E Ọrovwohwo, me tare nẹ, Wẹ ọye Ọghẹnẹ mẹ.

Une rẹ Ejiro 41:10

Ẹkẹvuọvo wẹ, E Ọrovwohwo, biko ni aruẹdọ mẹ re wọ kpare ovwẹ vrẹn, re me hwa osa ke ayen.

Jerimaya 1:19

Ayen cha họnre owẹ; ẹkevuọvọ ayen se phi we kua-a, kidie me vẹ owẹ herọ, mi sivwi uwe, eriyin Ọrovwohwo tare.