Jerimaya 2:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Jerimaya 2:30 Referans Kwoze

Nehemaya 9:26

Dede na ye ayen ji vwo udu ayen de mukpahe owẹ ayen de mu urhi wẹn phihọ obuko ayen de hwe emraro wẹn, ri bru ayen uche nẹ i rhivwi bru uwe rhe, ayen de gbe ẹgua rode.

1 Tẹsalonaika 2:15

ri hwe okpuyovwi rẹ Ọrovwohwo Jesu kugbe emraro na, ayen da djẹ avwanre kufia ayen de gbe Ọghẹnẹ ku ayen da vwọ so ihwo ejobi.

Iruo rẹ Iyinkọn na 7:52

Ono vwẹ usun re emraro na rẹ esẹ rẹ ovwan je kpokpo? Ayen de hwe otu re ke ji rhi ghwoghwo ẹcha rẹ ọvwata ọvuọvo na, ohwo rẹ ovwan vwọ re odọvwẹ we de ji hwe.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Aizaya 1:5

Die re je ghwiẹ wẹ, ri wo ji vwo kpokpo? Uyovwi na ejobi rọ mwọga, udu na ejobi oma rọ rhọ.

Matiu 23:29

Ekan kẹ ovwan, isiẹbe kugbe Farisi, evwọrọn efian! kidie ovwan tọn ushi rẹ emraro na, ekpuyovwi rẹ ovwan da nabọ rhuẹrẹ ushi rẹ evwata na.

Jerimaya 7:28

Wọ me ta kẹ ayen nẹ, Ọnana orere rọ kerhọn rẹ urhuru rẹ Ọrovwohwo Ọghẹnẹ raye-en, ayen reyọ ẹghwọ kuo rọye-e, uyota ghwuru kpimẹ e bruro nẹ ẹbẹrunu rayen.

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Ẹvwọphia 16:9

ọrhorhorho rọye da ya ihwo mu, ayen ke harha Ọghẹnẹ rọ vwo vwo ogangan vwẹ enu rẹ ọtiekọ nana, yẹ ayen kurhẹriẹ re da vwẹ urinrin kẹ-ẹ.

Zẹfanaya 3:2

Ọ kerhọn rẹ urhuru ọvuọvọ-o, ọ reyọ obo re dje kẹ-ẹ. Ọ vwẹ ẹro so Ọrovwohwo-o, o si kẹrẹ Ọghẹnẹ rọye-e.

Izikiẹl 24:13

Ekagha rọye na ọye ọfanrhiẹn vẹ igberadja wẹn. Me hworhẹ owẹ yu wọ rhọvwe fon nẹ inuhu wẹ-ẹn, wọ gbe cha fon ọfa-a bẹsiẹ me cha vwọ kpa ophu mẹ ku we nu.

Jerimaya 31:18

Mi nyo Ifrem rọ herọ viẹ, We re fa vwẹ, a da je fa vwẹ, kerẹ ọmọ rẹ erhuẹn re je yono; reyọ ovwẹ rhivwi rere a reyọ ovwọ, kidie wẹ hẹ Ọrovwohwo Ọghẹnẹ mẹ.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

2 Ikun rẹ Ivie 28:22

Vwẹ ọke rẹ ukpokpogho rọye re o rhe vwo esegbuyota kpahe Ọrovwohwo na-a–Ehaz Ovie nana ọvuọvo na.

2 Ikun rẹ Ivie 24:21

Ẹkẹvuọvo ayen da ro ẹro riariẹ phihọ, vwẹ urhi rẹ ovie kẹ ayen, ayen de phio hwe vwẹ ọguan rẹ uwevwi rẹ Ọrovwohwo na.

1 Ivie 19:14

ọ da ta, A rioma kpahe ovwẹ gangan fiki rẹ Ọrovwohwo, Ọghẹnẹ rẹ otuofovwi na: kidie ihwo rẹ Izrẹl sen ọphọ wẹn, ayen kporo egbada wẹn she, ayen nyavwe emraro wẹn hwe; ko mẹvwẹ, mẹvwẹ ọvo kpoi, ri chekọ, yẹ ayen je guọnọ arhọ mẹ, rẹ ayen hwe.

1 Ivie 19:10

Ọ da ta, A rioma kpahe ovwẹ fiki rẹ Ọrovwohwo, Ọghẹnẹ rẹ otuofovwi na; kidie ihwo rẹ Izrẹl sen ọphọ wẹn, ayen kporo egbada wẹn she, ayen nyavwe emraro wẹn hwe; ko mẹvwẹ, mẹvwẹ ọvo kpoi, ri chekọ; yẹ ayen je guọnọ arhọ mẹ, rẹ ayen hwe.

Aizaya 59:3

Kidie abọ wẹn gbe ẹgua rẹ ọbara irhiabọ wẹn vẹ orukuruku, ẹbẹrunu wẹn vwọrọn efian, ẹrenvwe wẹn re de irhivwẹ vwẹ evun rẹ umwemwu.

Jerimaya 46:14

Ta phia vwẹ Ijipt, ji ghwoghwọ vwi Migdọl, ghwoghwo vwẹ Mẹmfis vẹ Tapanhes; Ta, Mudia muegbe wọ chọma, kidie ọlọkọ cha ghwọrọ yariẹ owẹ phihọ.

Uvwerhe 4:13

Ọna ki fiki rẹ umwemwu rẹ emraro rọye kugbe orukuruku rẹ irherẹn rọye, ri sun ọbara rẹ evwata na ekueku vwẹ ohri rọye.

Izikiẹl 22:24

Ọmọ rẹ ohwo, ta kẹ, wọwẹ otọ ro jẹfuọn, eyẹ ra rhọ osio phihọ vwẹ ẹdẹ rẹ ivuemiovwo-o.

Daniẹl 9:13

Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.