Jerimaya 2:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Mavọ wo ru ta nẹ, mi gbe ẹgua-a, Mi nene Baal rẹ? Gbe ni idjerhe wẹn vwẹ iyara na; re wọ riẹn obo wo ruru Iyesi ọboba rọ kọghọ ra vwẹ ufi gba obẹnẹ rọye.

Jerimaya 2:23 Referans Kwoze

Jerimaya 7:31

Ayen bọn ẹdia ro kpenu ri Tofẹt, rọ hẹ iyara rẹ emọ ri Hinnọm, rẹ ayen da torhẹ emeshare vẹ emetẹ rayen vwẹ erhanre; ọ re me vuẹ aye-en, ro ji nẹ iroro mẹ rhe-e.

Isẹ 30:12

Ihwo efa rha herọ ri roro oma rayen fuanfon ẹkẹvuọvo yẹ a je họ ayen nẹ ogbeku raye-en.

Ọbe ri Pọl si rhe Ihwo ri Rom 3:19

Asakiephana avwanre riẹnre nẹ kemu kemu rẹ urhi tare ọ tarọ kẹ ayen otu re hẹ otọ rẹ urhi, rere unu ri kohwo kohwo rọ phraphro vwo rhurhu, rere ihwo rẹ akpọ ejobi vwọ hẹrhẹ orhiebro ro nẹ obọ rẹ Ọghẹnẹ rhe.

Iyẹnrẹ Esiri ri Luk 10:29

Ẹkẹvuọvo, rọ vwọ guọnọ brorhiẹ kẹ oma rọye, ọ da ta kẹ Jesu, Kono hẹ ọrivẹ mẹ?

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

Jerimaya 9:14

ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.

Jerimaya 3:2

Kpare opharo wẹn kpenu rẹ ugbenu phrephre na, ru wọ mrẹ Tivọ a vo wẹ de je oma ẹmrẹ vwo. Vwẹ orhoma rẹ idjerhe etiyin wo tidia da hẹrhẹ esen wẹn, kerẹ ohwo rẹ Arebia vwẹ evun rẹ aghwa Ovwan vẹ igberadja rẹ ovwan vwo miovwi otọ na.

Isẹ 30:20

Ọnana idjerhe rẹ igberadja; ọ ria yọ riẹn unu rọye, tanẹ, Mi ru chọ-ọ.

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Une rẹ Ejiro 50:21

Emu nana we ruru mi de fotovwi, ki wo rori ne mẹvwẹ ohwo kerẹ ọtio wẹ na. Asakiephana mi che nene uwe ghwọre, Me cha vwẹ imu nana ejobi phia kẹ wẹ re

Une rẹ Ejiro 36:2

Kidie ọ ra vwẹ unu brugu phihọ oma rọye nẹ a cha sa mrẹ otọ rẹ orukuruku rọye re de tuoma rọye-e.

Ẹsta 8:16

Ihwo ri Ju na rhe mrẹ oma da vwerhe ayen vẹ aghọghọ, ọghọ da dia ayen oma.

Jerimaya 2:36

Mavo wo ni ovwravwra wẹn frae te, wo vwo ku idjerhe wẹn rhẹriẹ! Ijipt cha phọphọ owẹ kirobo rẹ Asiria je phọphọ owẹ

Jerimaya 14:10

E nẹ Ọrovwohwo ta kpahe ihwo nana: Ayen guọnọ suosuo ọtiọna, ayen sa da awọ rayen ji-i, ọtiọye na Ọrovwohwo gbe reyọ aye-en asakiephana kọ karohọ imwemwu rayen kọ vwẹ oja re ayen fikirẹ imwemwu rayen.

Jerimaya 16:10

Ọke wọ da ta eta na ejobi kẹ ihwo nana re, rẹ ayen da ta kẹ wẹ, Die nẹrhẹ Ọrovwohwo ghwoghwo umiovwo rode nana kpahe avwanre vwo? Die ọye orukuruku rẹ avwanre? Didi umwemwu me ru kpahe Ọrovwohwo rẹ Ọghẹnẹ rẹ avwanre vwo?

Hosia 1:2

Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.