Jerimaya 19:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ki mi che ru ayen re ayen da re ugboma rẹ emeshare vẹ emetẹ rayen, dohwo dugboma rẹ ọrivẹ rọyẹ ke cha re vwẹ ọke rẹ imu na vẹ ukpokpogho na, rẹ ivwighrẹ rayen vẹ otu re guọnọ arhọ rayen hwe che vwo kpokpo ayen.

Jerimaya 19:9 Referans Kwoze

Aizaya 9:20

Ayen vwẹ obọrhe frẹ, ẹkẹvuọvo owẹvwe ji hwe ayen, ayen ghwa vwẹ obọhwẹre frẹ ria, ẹkẹvuọvo evun vọn aye-en; ayen ohwohwo re uvwo rẹ ọrivẹ rọye.

Uvwerhe 4:10

Eya ri gbe arodọvwẹ da vwẹ abọ rayen chere emọ rayen re, e da rhe dia emuọre rayen vwẹ evun rẹ ẹghwọrọ rẹ ọmọtẹ rẹ ihwo mẹ.

Livitikọs 26:29

Emọ rẹ ovwan keye ovwan che vwo ruẹ emu re, te emetẹ te emeshare rẹ ovwan.

Izikiẹl 5:10

Fiki rẹ ọtiọye na esẹ ke cha re emọ rayen vwẹ uherevie ovwan, emọ ke cha re esẹ rayen; ke me cha vwẹ owẹ gu ẹdjọ, ọ rọ vẹ abọ rẹ ẹdjọ na ke me hra nene odju na ejobi.

Uvwerhe 2:20

Nighe, E Ọrovwohwo rere wọ mrẹ! Ono wọ vẹ ọye gbe ru imu nana vwọ? Kẹ eya re emọ rayen, emọ rẹ ayen vwọ bele na? Eyẹ ke hwe irherẹn vẹ emraro ghwu vwẹ ẹshẹ rẹ Ọrovwohwo?

Jerimaya 13:14

Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Ivie rẹ Ivẹ 25:3

Ẹdẹ irhiri rẹ emeranvwe rẹne rẹ ukpe yena owẹvwe de rhi fi gangan kidie emuọre rha herọ kẹ ihwo rẹ otọ na-a.

Jerimaya 38:9

Ọrovwovwe ovie mẹ, ihwo nana ru bra rẹ ayen vwo mu Jerimaya rẹ ọmraro na phihọ evun rẹ orhare, owẹvwe che hwe ghwẹ, kidie ikara gbi chekọ vwẹ orere na-a.