Jerimaya 18:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ẹkẹvuọvo E Ọrovwohwo, wọwẹ re riẹn iroro rẹ ayen vwọ guọnọ ovwẹ hwe. Wọ vwẹ orukuruku rayen vwo ghovwo aye-en, wo ji phoro umwemwu rayen nẹ obaro wẹ-ẹ. Jẹn ayen she ghwiotọ vwẹ obaro wẹn, ru ayen gangan vwẹ ọke rẹ ophu wẹn na.

Jerimaya 18:23 Referans Kwoze

Une rẹ Ejiro 35:4

Jẹn oma vo ayen ra phọphọ ayen, ayen ihwo re guọnọ erhi mẹ! Jẹn a rhan ayen rhivwi kpo uko wọ harhe ayen re jẹn iroro umwemwu kpahe ovwẹ!

Aizaya 2:9

Etiọye ayen phọphọ ohwo, ayen da vwẹ ihwo gbe otọ– wo vwo ghovwo aye-en!

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Iyẹnrẹ Esiri ri Luk 21:22

Kidie enana ẹdẹ rẹ ihriẹriọ, rere obo re siri na vwọ gba.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Jerimaya 15:15

E Ọrovwohwo wọ riẹnreọ; karohọ ovwẹ wo bru vwe rhe, re wọ reihri kẹ vwẹ vwẹ obọ rẹ otu ri kpokpo uvwe. Vwẹ akoechiro wẹn na wọ reyọ ovwẹ yanra-an; riẹn nẹ fiki wẹ me vwọ ghwẹ ekan na.

Jerimaya 11:23

ọvuọvo rayen rhe chekọ-ọ. Kidie me cha vwẹ umiovwo rhurhu ihwo rẹ Anatọt, vwẹ ukpe rẹ ehwe rayen.

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Une rẹ Ejiro 59:5

Wẹ, Ọrovwohwo Ọghẹnẹ rẹ otuofovwi, wẹ Ọghẹnẹ rẹ Izrẹl. Vrẹn wo re hwe ẹgborho na, wọ yan je ihwo ogbarogba ọvuọvo vwo re ayen je iroro umwemwu-u.

Une rẹ Ejiro 119:126

O te ọke rẹ Ọrovwohwo vwo tu re, kidie urhi wẹn e miovwiro.

Jerimaya 6:15

Oma vo ayen vwẹ ọke rẹ ayen de gbe ẹgua? Ejo, oma vo aye kakaka-a ayen riẹn obo re muẹ opharo phihọ. Vẹ ọtiọye na ayen she phihọ ohri rẹ otu ri sheri, vwẹ ọke ri mi de hwe ayen ke phi ayen wan, eriyin Ọrovwohwo na tare.

Jerimaya 6:21

Ọtiọye na enẹ Ọrovwohwo na tare; Nighe, mi che mu uchukurhe umwemwu phihọ idjerhe rọ kprọ ihwo nana awọ she; te ese te emọ ejobi te oko te ugbeyan cha ghwọrọ

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

Jerimaya 26:8

Ri Jerimaya vwo ta obo rẹ Orovwohwo jiji kẹ ejobi nẹ ọ ta kẹ ihwo na ejobi nu, irherẹn na vẹ emraro kugbe ihwo na ejobi de muo, ta nẹ, Wo che ghwu.

Jerimaya 26:11

Kẹsiẹye irhẹrẹn na vẹ emraro na ke ta kẹ isun na vẹ ihwo na ejobi. Ọshare nana o fo abe rẹ ughwu, fikiridie ọ mraro kpahe orere nana, kirobo rẹ ovwan vwẹ erhọn rẹ ovwan nyo na.

Jerimaya 37:15

Isun na de mu ophu kpahe Jerimaya, ayen de hwe ayen de muo phihọ uwodi vwẹ uwevwi ri Jonatan rẹ osiẹbe na, kidie a rhẹriẹ uwevwi yena phihọ uwodi nure.

Jerimaya 38:4

Ọye isun na da ta kẹ ovie na, je hwe ohwo nana, kidie o re ruẹ abọ rẹ isodje ri chekọ vwẹ orere na lọhọ, vẹ abọ rẹ ihwo na ejobi, rọ vwọ ta eta nana kẹ ayen na. Kidie ohwo nana guọnọ ufuoma rẹ ihwo na-a, ẹkẹvuọvo umiovwo rayen.

Une rẹ Ejiro 56:8

Wẹ ri kere obo rẹ ayen phieghe uvwe te, phi ame oviẹ mẹ phihọ evun rẹ ọgọ! Ayen hẹ evun rẹ ọbe wẹn na?

Jerimaya 17:18

Otu ri kpokpo uvwe na jẹn oma vo ayen, ẹkẹvuọvo wo jẹ oma vo vwẹ-ẹ, jẹn ofu dje ayen, ẹkẹvuọvo wo jẹn ofu dje vwe-e vwẹ ẹdẹ umwemwu rhe ayen, Guọghọ ayen akuava.

Uvwerhe 3:60

Wọ mrẹ ihriẹriọ rayen ejobi, iroro rayen jẹ kpahe ovwẹ.

Uvwerhe 3:61

“Wo nyo ọjẹfia rayen E Ọrovwohwo, iroro rayen je kpahe ovwẹ.