Jerimaya 18:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ A san vwẹ umiovwo vwọ hwa osa rẹ erhuvwu? Dede na ye ayen tọn ọgọdọ kẹ arhọ mẹ. Karohọ obo ri mi mudia vwẹ obaro wẹn vwọ ta ota yoyovwi kpahe ayen, wo vwo ku ophu wẹn rhẹriẹ nẹ oma rẹ ayen.

Jerimaya 18:20 Referans Kwoze

Une rẹ Ejiro 57:6

Ayen vwẹ ariri tan hẹrhẹ ichiyi mẹ; ẹnwẹ mẹ si wurhu. Ayen tọn uyere phihọ idjerhe mẹ, ẹkẹvuọvo ayen ọvo rhoma she phihọ.

Une rẹ Ejiro 35:7

Emuọvo sorọ-ọ yẹ ayen tan ariri hẹrhẹ ovwẹ; emuọvo sorọ-ọ yẹ ayen tọn uyere hẹrhẹ erhi mẹ.

Une rẹ Ejiro 106:23

Fikiridie ọ tare nẹ ọye ghwọrọ ayen– ọ dia ifiki ri Mosis, rọ jẹreyọ na vwo-o rọ mudia phihọ ahwa rọye, rọ da ophu rọye ji ro vwo jẹ ayen ẹghwọrọ.

Une rẹ Ejiro 35:12

Ayen vwẹ umwemwu hwa osa rẹ ẹse kẹ vwẹ; erhi mẹ serọ.

Jerimaya 18:22

E je nyo oviẹ vwẹ iwevwi rayen, vwẹ ọke wo de ji igbulegbu bru ayen ra kpregede! Kidie ayen tọn ọgọdọ re mi she ruọ, ayen kpahe ufi hẹrhẹ ovwẹ.

Aghwoghwo 10:8

Ọ rọ tọn ọgọdọ ọvo ọye ri she phihọ evun rọye. Ọ rọ guọghọ ogba wan ọye ọrọdekọ rhovwa.

Isẹ 26:27

Ọ rọ tọn ọgọdọ che she phihọ, ukpokpo re phiri che rhivwi re she ohwo ro phiro.

Une rẹ Ejiro 119:95

Ohwo umwemwu fiọnko hẹrhẹ ovwẹ re ọ ghwọrọ ovwẹ, ẹkẹvuọvo mi roro iseri wẹn na.

Iyẹnrẹ Esiri ri Jọn 15:25

Ọnana ruru rere ota re si phihọ urhi rayen na vwọ gba, Ayen di tuoma mẹ ekueku.

Iyẹnrẹ Esiri ri Jọn 10:32

Jesu da kpahe kẹ ayen, Me vwẹ iruo rẹ esiri buebu phia kẹ ovwan nẹ obọ rẹ Ọsẹ na rhe; kẹ ọrhọ vwẹ usun rẹ enana we che vwo phi vwe na?

Jerimaya 14:20

Ma rhọvwe umwemwu rẹ avwanre, E Ọrovwohwo, vẹ orukuruku rẹ esẹ rẹ avwanrẹ, kidie me ru umwemwu kpahe owẹ.

Jerimaya 11:14

Vwẹ ọtiọye na wọ rẹ kẹ ihwo nana-a, wọ kpare urhuru rẹ oviẹ eyẹ ẹrhovwo fiki rẹ aye-en, kidie ọke rẹ ayen de se vwe vwẹ ọke rẹ ukpokpogho rayen mi gbi nyo-o.

Jerimaya 7:16

Vwọ kẹ wẹ, wọ nẹ ẹrhovwo kẹ ihwo nana-a, wọ viẹ-ẹ eyẹ wọ nẹ ẹrhovwọ kẹ aye-en, wọ je rẹ vwọ kẹ aye-en, kidie mi che nyo we-e.

Isẹ 17:13

Ohwo da vwẹ umwemwu hwa osa rẹ ẹse, o rhe vwo ọke rẹ umiovwo vwo nẹ uwevwi rọye-e.

Une rẹ Ejiro 38:20

Otu re vwẹ umwemwu hwa osa rẹ erhuvwu kẹ vwẹ ayen ukọn mẹ fikiridie mi nenesi rẹ uyoyovwi.

Une rẹ Ejiro 7:15

O bru ọgọdọ, ọ da nabọ ghwẹ fia, o de she ro ukpotọ rẹ ọye ọvo tọnre na.

ỌBE RẸ JOB 6:27

Wa vwi fiki rẹ ọmọphrorivwi kpo ite, ru wa jẹ iroro rhurhu ugbeyan wẹn.

1 Samuẹl 19:4

Jonatan de gbe ikun esiri ri Devid kẹ Sọl rẹ ọsẹ rọye, ọ da ra kẹ, e jẹn ovie ruẹ umwemwu kpahe odibo rọye Devidi-i; Fikiridie o ru umwemwu kpahe owẹ-ẹ, fikiridie uruemu rọye vẹ iruo rọye kẹ wẹ oyoyovwi,

Jerimaya 5:26

Kidie a mrẹ ihwo umwemwu vwẹ ohri rẹ ihwo mẹ; ayen rhẹrẹ pẹpẹ kerẹ ọkpaufi rẹ ọphran rọ rhẹrẹ. Ayen kpahe ufi, ayen mu Ihwo.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 18:19

Kerhọn mẹ, E Ọrovwohwo, wo nyo orẹ mẹ.

Jerimaya 27:18

Ọ da dianẹ ayen kẹ emraro, ri vwo ota rẹ Ọrovwohwo na, gbe jẹn ayen rẹ Ọrovwohwo rẹ otuofovwi na, rere ekuakua re jovwo vwe uwevwi rẹ Ọrovwohwo na, vẹ uwevwi rẹ ovie ri Juda, kugbe Jerusalẹm na vwo jẹ Babilọn ẹra.

Uvwerhe 3:59

Wọ mrẹ obo re ruvwe chọ te, E Ọrovwohwo, gbe bru orhiẹn na kẹ vwẹ

Jerimaya 17:18

Otu ri kpokpo uvwe na jẹn oma vo ayen, ẹkẹvuọvo wo jẹ oma vo vwẹ-ẹ, jẹn ofu dje ayen, ẹkẹvuọvo wo jẹn ofu dje vwe-e vwẹ ẹdẹ umwemwu rhe ayen, Guọghọ ayen akuava.