Jerimaya 17:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ẹkẹvuọvo Ọrovwohwo tare nẹ, ọ da dianẹ ovwan kerhọn mẹ, re wa gbe ghwa oghwa wan anurhoro na vwẹ ẹdidjala-a, ẹkẹvuọvo wọ da yọnrọn ẹdidjala na fuanfọn, ru we gbi ru iruo vwọ-ọ,

Jerimaya 17:24 Referans Kwoze

Urhi Rivẹ 11:13

Ọ da dianẹ wa yọnrọn irhi mẹ ri mi ji kẹ ovwan nonẹ na, wa da guọnọ Ọrovwohwo Ọghẹnẹ rẹ ovwan na, vwọ vwẹ udu rẹ ovwan ejobi kugbe ẹnwẹn rẹ ovwan ejobi ga,

Ẹyano 15:26

tanẹ, Wọ da vwẹ oma kpotọ nyo ota rẹ Ọrovwohwo Ọghẹnẹ wẹn, wo de ru obo ri shephihọ vwẹ ẹro rọye, wọ da kerhọ rẹ iji rọye wọ da yọnrọn ayen, emiavwe ri mi vwo mu ihwo rẹ Ijipt na gbi che mu we-e, kidie Mẹvwẹ Ọrovwohwo, osivwi wẹn.

Zekaraya 6:15

Otu re he ogboko jovwo na ke cha rhe rhi nene ayen bọn uwevwi rẹ Ọrovwohwo na; ku wọ cha riẹn nẹ Ọrovwohwo rẹ otuofovwi na ri ji vwe bru we rhe. Ọnana che ru, o da dianẹ wọ vwẹ oma kpotọ nyo urhuru rẹ Ọrovwohwo Ọghẹnẹ wẹn na .

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Aizaya 21:7

Ọke rọ da mrẹ ihwo re gua, iyesi re tere urhie ivivẹ. Ihwo re gua ekẹtẹkẹtẹ, ihwo re gua iyesi, jọ vwẹ oma kpotọ kerhọn, jọ vwẹ oma kpotọ gangan.

Urhi Rivẹ 11:22

Kidie ọ da dianẹ wa fẹkotọ yọnrọn urhi nana ri mi ji kẹ ovwan na, re de ruo; vwọ guọnọ Ọrovwohwo Ọghẹnẹ rẹ ovwan na vwọ yan phihọ idjerhe rọye ejobi, vwọ gba oma muo;

Ẹyano 20:8

Karohọ edidjala, wọ yọnrọn fuanfon.

Izikiẹl 20:20

Ru ẹdidjala mẹ na fuanfon rere ayen vwọ dia oka vwẹ uvwre me vẹ owẹ, rere wọ vwọ riẹn nẹ mẹvwẹ Ọrovwohwo mẹvwẹ Ọghẹnẹ wẹn.