Jerimaya 17:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Sivwẹ uvwe, E Ọrovwohwo, ki mi vwo esivwo, sivwẹ uvwe rhọ, re me vwọ sa rhọ, kidie wẹ yẹn ejiro mẹ.

Jerimaya 17:14 Referans Kwoze

Une rẹ Ejiro 6:2

Re ehrọre mẹ, E Ọrovwohwo, kidie oma ro vwe, E Ọrovwohwo, sivwi vwe, kidie ibeku mẹ he evun rẹ ukpokpogho.

Urhi Rivẹ 32:39

Gba mrẹ nẹ Mẹvwẹ, mẹvwẹ vẹ ekpuyovwi mẹ ọye, ọye ọghẹnẹ ọfa gbe herọ chọ vwẹ ra-a. Mi se hwe mi ji sivwi rhọ; Me sa woma mi mi ji se hworo kpo; ọ ro se sivwẹ nẹ obọ mẹ herọ-ọ.

Une rẹ Ejiro 106:47

Sivwi avwanre, E Ọrovwohwo Ọghẹnẹ rẹ avwanre, re wọ ghwẹ avwanre koko nẹ ohri rẹ ẹgborho na rhe, re ma vwe ẹkpẹvwẹ ke ode ọfuanfon wẹn re vwo urinrin vwẹ ejiro wẹn.

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

Urhi Rivẹ 10:21

Ọye ejiro wẹn, ọye jẹn Ọghẹnẹ wẹn, ro ru imu nana ride ri mu oshọ na kẹ wẹ, e rẹ ibiẹro wẹn mrẹre na.

Une rẹ Ejiro 109:1

Wọ fọ-ọ, E Ọghẹnẹ rẹ ejiro mẹ!

Une rẹ Ejiro 6:4

Rhoma, E Ọrovwohwo, sivwi arhọ mẹ, sivwi uvwe fiki rẹ ẹguọnọ wẹn ro jẹ rhẹriẹ na.

Jerimaya 15:20

Ki mi ru we vwo kẹ ihwo nana kerẹ ogba rẹ ẹrovwo ayen che nene uwe họnre, ẹkẹvuọvo ayen che se phi we kparobọ-ọ kidie me vọ owẹ herọ. Re mi vwo sivwi uwe je chọ wẹ, eriyin Ọrovwohwo tare.

Matiu 14:30

Ẹkẹvuọvo ọke rọ vwọ mrẹ abadi rọ họnra kugbe odju ro djuẹ, oshọ de muo; ko divwẹ, o de bunu nẹ, Ọrovwohwo sivwi uvwe.

Jerimaya 31:18

Mi nyo Ifrem rọ herọ viẹ, We re fa vwẹ, a da je fa vwẹ, kerẹ ọmọ rẹ erhuẹn re je yono; reyọ ovwẹ rhivwi rere a reyọ ovwọ, kidie wẹ hẹ Ọrovwohwo Ọghẹnẹ mẹ.

Aizaya 6:10

Ru udu rẹ ihwo nana vwo ọkpan, re erhọn rayen di, rhurhu ẹro rayen, ayen da vwẹ ẹro rayen mrẹ orẹ, ayen da vwẹ erhọn rayen nyo ẹme, ayen da vwẹ udu rayen vughe, ayen de kurhẹriẹ e de sivwi ayen.

Matiu 8:25

Ayen de bro rhe, ayen da rhọvwọ nẹ, Ọrovwohwo, sivwi avwanre me ghwẹ na.

Une rẹ Ejiro 148:14

Ọ kpare ighoro ọvo kpenu kẹ ihwo rọye, ejiri kẹ ihwo efuanfon rọye ejobi, vwọ kẹ ihwo rẹ Izrẹl re kẹre oma. Jiri Ọrovwohwo na.

Une rẹ Ejiro 60:5

Rere a vwọ mrasan sivwi ọ ro wọ guọnọre na, vwẹ obọrhe wẹn kẹ obọẹkparọ ru wo nyo avwanre!

Une rẹ Ejiro 12:4

ayen otu re tanẹ, Ẹrenvwe rẹ avwanre me vwo phi kparobọ, ẹbẹrunu re avwanre rhe avwanre; kono onini re avwanre?

Ukeri 12:13

Etiyin Mosis dẹ kperi se Ọrovwohwo, Sivwo, E Ọghẹnẹ, me rẹ wẹ.

Une rẹ Ejiro 54:1

Sivwi uvwe, E Ọghẹnẹ, fiki rẹ odẹ wẹn re wo brorhiẹ mẹ fiki rẹ egba wẹn.

Jerimaya 3:23

Uyota igbenu na ghine ọphiẹvwẹ, Ukoko rẹ ozighi vwẹ enu rẹ igbenu ride na. Uyota vwẹ evun rẹ Ọrovwohwo Ọghẹnẹ rẹ avwanre ọye esivwo rẹ Izrẹl epha.

Jerimaya 30:17

Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

Une rẹ Ejiro 6:3

Erhi mẹ ji ukpokpogho rhe Ẹkẹvuọvo wẹ, E Ọrovwohwo, mavọ o krite?

Une rẹ Ejiro 119:94

Mẹvwẹ ọwẹn, sivwi uvwe; kidie me guọnọ iji wẹn.