Jerimaya 17:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Obo rẹ ọhohowa rhọghọ nẹ ọ sa aye-en na, eriyin ohwo rọ wa idjerhe umwemwu fe epha, vwẹ uherevie rẹ ẹdẹ rọye kẹ ayen yan jovwo, oba rọye ọ me rhe dia ẹkpa.

Jerimaya 17:11 Referans Kwoze

Isẹ 28:20

Ohwo ro vwo esegbuyota che vwo ebruphihọ buebu, ẹkẹvuọvo ohwo rọ guọnọ efe rẹ okpakpa che fiabọ rẹ ehwe-e.

Isẹ 21:6

Efe rẹ ovwọrefian vwori họhọ ivwirhi ri guvwie wan kugbe etan rẹ ughwu.

Jerimaya 22:17

Ẹkẹvuọvo wọ vwẹ ibiẹro vẹ udu vwọ kẹ erere ọchọchọ ọvo, vwo sun ọbara rẹ evwata te otọ, ji vwo ru oshenyẹ vẹ ozighi.

Jerimaya 22:13

Ekan kẹ ohwo rọ vwẹ umwemwu bọn uwevwi rọye, rọ vwẹ oshenyẹ bọn igedege rọye, ro ru ọrivẹ rọye rọ ga ghevweghe, yẹ ọ hwa osa rọye kẹ-ẹ,

Isẹ 28:8

Ohwo rọ vwẹ igho emomo vẹ igho esuo vwo fe o koko ayen kẹ ohwo ro nẹ aruẹdọ kẹ ivwiogbere.

Isẹ 15:27

Ohwo rọ guọnọ erere ọchọchọ sua ota kẹ evwruwevwi rọye, ẹkẹvuọvo ohwo ro tuoma rẹ udiẹriọ cha rhọ.

2 Pita 2:14

Ẹro rẹ ayen vọnre vẹ igberadja, evun rẹ umwemwu vọn aye-en. Ayen riẹriẹ ihwo ri mudia ga-an. Ayen yono udu rayen phihọ urhuru evwo. Emọ ra harhere!

Taitọs 1:11

o fori rere ihwo yena rhurhu unu rẹ ayen, ihwo re kparẹ ọsoso rẹ uwevwi ghwọrọ, ri vwi fiki rẹ erere yono obo rẹ ayen eyono-o.

Zẹfanaya 1:9

Vwẹ ẹdẹ yena ki mi hwe kohwo kohwo ro pho wan ugana vrẹn, kugbe ayen otu re ghwẹ ozighi vẹ ọghware vọn uwevwi rẹ onini rọye.

Isẹ 28:22

Ọtokpẹn ri broma rẹ efe, yọ gbe rha riẹn nẹ akpọ cha bẹn vwẹ obọ-ọ.

Isẹ 13:11

Efe rẹ okpakpa obobotọ ọ ra, ẹkẹvuọvo ohwo rọ kọn ọkọn ememerha, ko che vwo buebu.

Une rẹ Ejiro 55:23

Ẹkẹvuọvo wẹ, E Ọghẹnẹ, che phi ayen teye otọ vwo kpo evun re ọgọdọ ro kpotọ ejobi; ihwo re ọbara kugbe e re shẹ ihwo cha sa dia ubro re ẹdẹ raye-en. Ẹkẹvuọvo me vwe ẹro so we.

Iyẹnrẹ Esiri ri Luk 12:20

Ẹkẹvuọvo Ọghẹnẹ da ta ke, Ekpa! Ason nana a reyọ erhi wẹn mie we; ekuakua re wọ ghwẹ koko na, kono ri vwo ayen?

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.

1 Timoti 6:9

Ẹkẹvuọvo otu ri bru okpakpa rẹ efe she rua ọdavwini, i muẹ ufi, i she rua ughẹghẹ rẹ ọmeme ọbrabra rẹ udu rayen ri suẹn ihwo kpo ughwu vẹ ẹghwọrọ.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Zekaraya 5:4

Mi che jo rhe, Ọrovwohwo rẹ otuofovwi na tare, kọ cha ro uwevwi rẹ oji, vẹ uwevwi rẹ ohwo rọ vwẹ odẹ Mẹ duvwa iyori rẹ efian; ọ cha dia uwevwi rọye ọ mẹ ghwọrọ, te ephapha vẹ eragha ejobi.

Maika 7:3

Obo rayen hẹ emu umwemwu eruo, ayen nabọ ruo dẹndẹn; te osun te oguẹdjọ ra nọ ekpẹn rẹ udi, ohwo rode ra ta ota umwemwu rẹ erhi rọye guọnọre; kẹ enẹ ayen rhuo koko.

Maika 2:9

Eya rẹ ihwo mẹ wọ djẹ ayen kufia nẹ iwevwi iyoyovwi rayen; wo de mu ayen jẹ emọboba rayen vwo nẹ urinrin mẹ bẹdẹ.

Emọs 3:10

Ayen riẹn obo re ruẹ emuesiri-i Ọrovwohwo na tare Ihwo re guọnọ ozighi ve ugborho vwẹ ogba ọgangan rayen.

Isẹ 28:16

Osun ihwo ro vwo ọhọ-ọ ko shenyẹ ihwo brabra, ẹkẹvuọvo ọ rọ guọnọ efe rẹ eku re-e che sun krekri.

Isẹ 23:5

Ọke wọ da ghwa kpare aro mrẹ re, ọ me ghwa ranvwiẹ; kidie siẹvuọvo na o me ghwa bẹrẹ ibekpe, ọ me ghwa rhan kpenu kerẹ egodi.

Une rẹ Ejiro 49:13

Ọnana re cha dia oba re ihwo ri vwo iphiẹrohọ rẹ ẹkpa, oba rẹ ihwo rẹ ẹkẹn rayen te kẹ.

Jerimaya 6:13

Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Jerimaya 8:10

Vwẹ ọtiọye na ke me vwẹ eya rayen kẹ ihwo efa, ke me vwẹ udju rayẹn kẹ otu ri phi ayen kua, fikiridie nẹ omotete rayen re te omirẹgua vwo urhuru rẹ igho rẹ eku; nẹ orherẹn re te ọmraro ejobi vwọrọn ofian.

ỌBE RẸ JOB 20:21

Rọ vwọ re nu ọvuọvọ gbi chekọ-ọ, ọtiọye na efe rọye gbe tọ-ọn.