Jerimaya 16:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọtiọye na, nighe, ẹdẹ cha, eriyin Ọrovwohwo tare, a gbe ta ọfa-a nẹ, Obo rẹ Ọrovwohwo herọ rọ si ihwo rẹ Izrẹl nẹ otọ rẹ Ijipt rhe na,

Jerimaya 16:14 Referans Kwoze

Urhi Rivẹ 15:15

Wọ Me karohọ nẹ wọ je dia ọviẹn vwẹ otọ rẹ Ijipt jovwo, Ọrovwohwo Ọghẹnẹ wẹn ke tan wẹ; kẹ eriyin mi vwo ji iji kẹ wẹ nonẹ na.

Ẹyano 20:2

Mẹvwẹ Ọrovwohwo Ọghẹnẹ wẹn, rọ rọye owẹ nẹ otọ rẹ Ijipt rhe, nẹ uwevwi rẹ ọviẹn rhe.

Maika 6:4

Kidie Me reyọ ovwan nẹ otọ rẹ Ijipt rhe, Me da tan ovwan nẹ uwevwi rẹ eviẹn rhe; Me da vwẹ ovwan kẹ Mosis, Erọn, kugbe Miriam.

Jerimaya 32:37

Nighe, Me cha ghwẹ ayen koko nẹ irere kirere re me vwẹ ophu ọgangan mẹ vẹ ivue miovwo mẹ djẹ ayen ra na rhe etinẹ, kẹ ayen dia egbẹrhẹnẹdẹ.

Urhi Rivẹ 20:1

Ọke wo de re nene ivwighrẹ wẹn phi ofovwi, ru wọ da mrẹ esi vẹ idjighere kugbe otuofovwi re rho nọ wẹ, wọ djẹ oshọ raye-en, kidie Ọrovwohwo rẹ Ọghẹnẹ wẹn vẹ owẹ herọ, ohwo rọ reyọ owẹ nẹ otọ rẹ Ijipt rhe na.

Une rẹ Ejiro 81:7

Vwẹ evun rẹ uvwerhe wo de se, Mi de sivwi uwe, Mi de nyo we vwẹ asan odjahọ rẹ agbrara; Me da davwe owẹ ni vwẹ asan ame ri Meriba.

Une rẹ Ejiro 81:11

Ẹkẹvuọvo ihwo mẹ rha kerhọn rẹ urhuru mẹ-ẹ; Izrẹl rha davwerhọ mẹ-ẹ.