Jerimaya 16:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ ọtiọye na mi che phi ovwan nẹ otọ nana kpo otọ rẹ esẹ rẹ ovwan rẹ ovwan riẹnre-e, kẹ etiyin wa da ga edjọ efa re te ason te uvo, kidie mi che ni ovwan ẹro-o.

Jerimaya 16:13 Referans Kwoze

Urhi Rivẹ 28:36

Ọrovwohwo cha reyọ ovwan, vẹ ovie re vwo mu vwẹ enu rẹ ovwan na, vwo rhe ẹgborho re te owẹ te esẹ wẹn je riẹn dẹvo-o; Etiyin wọ da ga edjọ, e rẹ urhe vẹ e re elalọ.

Jerimaya 15:14

Mi ru we vwọ ga ivwighrẹ wẹn vwẹ otọ ru wọ riẹnre-e, kidie me vwẹ ophu me koko erhanre họ nure rọ cha la bẹdẹ.

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

2 Ikun rẹ Ivie 7:20

etiyin ke me cha kọrọ owẹ nẹ otọ na re me vwọ kẹ wẹ na; uwevwi nana, ri mi ru fon vwọ kẹ odẹ mẹ na, ke me kparọ kufia nẹ obaro mẹ, ke che vwo brisẹ, ke vwo bru ohare vwẹ ohri rẹ ihwo na.

Jerimaya 22:28

Ohwo nana Konaya na, ochẹ ro fi emuọvo-o ro ghwuru, ochẹ ra vwẹ ẹro te-e? Die sorọ evwo do vẹ emọ rọye kufia kpo otọ re ayen riẹnre-e?

Jerimaya 15:4

Ke ayen dia oshọẹdjẹ kẹ ivie rẹ akpọ na ejobi vwi fiki rẹ obo ri Manasse ọmọ ri Hezekaya, rẹ ovie ri Juda, ruru vwi Jerusalẹm.

Jerimaya 14:8

E wẹ iphiẹrohọ rẹ Izrẹl, wẹ osivwi rọye vwẹ ọke rẹ ukpokpogho, die nẹrhẹ wọ họhọ ọrhorha vwẹ otọ na, vwọ họhọ ọyoyan rọ vwẹriẹre nẹ ọye vwerhẹ asọn ọvo?

Jerimaya 6:15

Oma vo ayen vwẹ ọke rẹ ayen de gbe ẹgua? Ejo, oma vo aye kakaka-a ayen riẹn obo re muẹ opharo phihọ. Vẹ ọtiọye na ayen she phihọ ohri rẹ otu ri sheri, vwẹ ọke ri mi de hwe ayen ke phi ayen wan, eriyin Ọrovwohwo na tare.

Jerimaya 5:19

Ọke rẹ ihwo wẹn da ta nẹ, Die sorọ rẹ Ọrovwohwo rẹ Ọghẹnẹ vwo ru avwanre imu? ku wọ ta kẹ ayen nẹ, Ọtiobo rẹ ovwan sen vwẹ re wa da ga edjọ erhorha vwẹ otọ rẹ ovwan na, ọtiọye ovwan je ga erhorha vwẹ otọ rọ dia ọ rẹ ovwa-an

Une rẹ Ejiro 81:12

Ọtiọye mi de siobọ nẹ ayen kẹ udu ọgangan rayen, re ayen nene iroro rẹ udu rayen.

Urhi Rivẹ 29:28

Ọrovwohwo da vwẹ ophu ri kpregede kugbe ivuemiovwo ghwie ayen notọ, re mu teyọ otọ ọfa, kirobo rọ hẹ epha nonẹ na.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 22:26

Mi do we vẹ oni ro vwiẹ wẹ kpo orere ọfa, asan re de vwiẹ wẹ-ẹ, oboyi wo de ghwu.

Ivie rẹ Ivẹ 25:21

Ovie ri Babilọn na da teyọ ayen hwe, o de hwe ayen ghwu vwi Ribla rọ evun rẹ otọ ri Hamat. Ke mu Juda nẹ otọ rọye kpo ighuvwu.

Jerimaya 10:18

Kidie enẹ Ọrovwohwo na tare: Nighe, mi che fru ihwo rẹ otọ na kufia vwẹ ọke nana me je ghwẹ okpetu rhurhu ayen, rere ọ da ayen.

Jerimaya 16:5

Kidie enẹ Ọrovwohwo tare: Wọ ruẹ uwevwi rẹ uvweri-i, eyẹ wọ yanran ra viẹ-ẹ, wo muomahọ kẹ aye-en, kidie mi si ufuoma mẹ nẹ obọ rẹ ihwo nana rẹ, eriyin Ọrovwohwo tare, te ẹguọnọ ro jẹrhẹrie vẹ arodọvwẹ mẹ mi mie ayen.