Jerimaya 15:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Vwẹ eriyin na, enẹ Ọrovwohwo tare: wo de kurhẹriẹ, ke me reyọ owẹ, ku wo mudia vwẹ obaro mẹ Ọ da dianẹ wọ ta omamọ rẹ ota, rọ gbe dia orharhe-e, ku wọ dia kerẹ unu mẹ, Ayen che bru we rhe, ẹkẹvuọvo wo bru ayen ra-a.

Jerimaya 15:19 Referans Kwoze

Zekaraya 3:7

E nẹ Ọrovwohwo re otuofovwi na tare. Wọ da yan vwẹ idjẹrhe Mẹ wọ da yọnrọn urhi Mẹ, ku wo sun uwevwi Mẹ ku wọ vwẹ ẹro te ọguan mẹ ke Me kẹ wẹ uphẹ vwẹ ohri rẹ otu ri mudia etinẹ na.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Livitikọs 10:10

Ovwan vwo ofẹnẹ kẹ obo re fonro vẹ emu gheghe, kugbe ijẹfuọn vẹ ọfuanfon.

Izikiẹl 44:23

Ayen ki yono ofẹnẹ rọ herọ kẹ obo re tete oma kẹ vẹ obo re vwo gbotọ, ke dje kẹ ayen ofẹnẹ rọ herọ ke obo re fonro kugbe obo ri gberi.

Izikiẹl 22:26

Irherẹn rọye vwẹ urhi mẹ gbe ozighi ayen de gbe ekuakua efuanfon mẹ ẹgua, ayen rhe vwo ofẹnẹ kẹ obo re fonro kugbe obo re vwo gbe otọ-ọ, eyẹ ayen ji yono ofene rọ herọ kẹ obo ri jẹfuọn vẹ obo re fọnro-o, ayen se ẹdidjala mẹ gbe emu-u, ọtiọye na ke ayen gbe vwe ẹgua vwẹ ohri rẹ ayen.

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,

Galesha 1:10

Ugbeyan rẹ ihwo me guọnọ dia vwo, gbenẹ ugbeyan rẹ Ọghẹnẹ? Eyẹ me guọnọ re mi ru obo ri je ihwo? Mi de ru obo ri je ihwo ye me gbe dia odibo ri Kristi-i.

Hibru 5:14

Ẹkẹvuọvo emuọre ọgangan ọye a vwọ kẹ omirẹgua, kẹ eye ri vwo ọhọ ri se vwo vughe emu esiri vẹ ọbrabra.

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.

Iyẹnrẹ Esiri ri Luk 10:16

Ọ ro nyo ota rẹ ovwan yo nyo ọ mẹ, ọ rọ sen ovwan yọ sen vwẹ, ọ rọ sen vwẹ yọ sen ọ ro ji vwe rhe.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Ẹyano 4:12

Asakiephana yanran, Me vẹ unu wẹn cha dia, ki mi yono uwe obo re wọ cha ta.”

Izikiẹl 2:7

Ku wọ ta ota mẹ kẹ ayen, owenẹ ayen nyo owenẹ ayen je nyo, kidie uwevwi rẹ okpetu ayen ruẹ.

Iyẹnrẹ Esiri ri Luk 12:12

Kidie Erhi Ọfuanfon che yono uwe vwẹ ọke yena obo ru wọ cha ta.

Iyẹnrẹ Esiri ri Luk 1:19

Amakashe na da kpahe kẹ, Mẹvwẹ Gabrẹl ro muẹdia vwẹ obaro rẹ Ọghẹnẹ; ke ji vwe rhe ta ota kẹ wẹ, re me ghwa ikun esiri na rhe we.

Jerimaya 20:9

Me da tanẹ, Mi gbi che se odẹ rọye-e, eyẹ me gbe ta ota vwẹ odẹ rọye-e, yẹ ọ hẹ udu mẹ kerẹ erhanre rọ la re rhurhu phihọ evun rẹ ibeku mẹ, oma kọ rhọvwẹ vẹ eyọnrọn rọye, mi gbi se chiro-o.

Galesha 2:5

avwanre rha kẹ ayen uphẹn kakaka-a, rere a sa vwọ sẹro rẹ uyota rẹ iyẹnrẹ esiri na kẹ ovwan.

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

Isẹ 22:29

Wọ mrẹ ohwo rọ riẹn iruo rọye? o che mudia vwẹ obaro rẹ ivie; o che mudia vwẹ obaro rẹ erharhe rẹ ihwo-o.

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

2 Kọrẹnt 5:16

Vwẹ ọtiọye na, kẹ etinẹ ara re, vwẹ ẹbẹre rẹ ohwo rẹ akpọ avwanre gbi se ohwo ọvuọvo gbe emu-u; dede na ọtiọye avwanre ji ji Kristi ese gbe emu vwẹ ẹbẹre rẹ ohwo rẹ akpọ, avwanre rha reyọ phihọ ọtiọye ọfa-a.

Jona 3:2

Vrẹn ru wọ kpo Ninivẹ, orere rode yena, rere wo re ghwoghwo aghwoghwo re me cha ta kẹ wẹ na.

Jerimaya 4:1

Ọ da dianẹ wo kurhẹriẹ, E Izrẹl, eriyin Ọrovwohwo tare, mẹvwẹ wo kurhẹriẹ bru rhe. Ọ da dianẹ wo si ẹgua wẹn nẹ obaro mẹ ru wọ gbe phariẹ-ẹ.

Jerimaya 6:29

Ogun ro djuẹ owanvwe na vughu vughu odje na ra wran vwẹ erhanre, Ọ rọ fa ẹrovwo na de fa ghevweghe, Kidie ohwo umwemwu na ji no-o.

Jerimaya 35:19

ọtiọye na enẹ Ọrovwohwo rẹ otuofovwi, Ọghẹnẹ rẹ Izrẹl na tare: Ohwo ro mudia vwẹ obaro me gbe sa kare Jonadab rẹ ọmọ ri Rekah bẹdẹ-ẹ.

Uvwerhe 1:11

Ihwo rọye ejobi herọ guan re ayen vwọ guọnọ emu; ayen vwẹ efe rayen vwo wene emuọre rere ayen vwo vwo ẹgba Nighere, E Ọrovwohwo, kidie a phọphọ ovwẹ.

Livitikọs 14:57

kọye a vwọ riẹn nẹ o jẹfuọn eyẹ ọ fonro Ọnana ọye urhi rẹ oti.

Jerimaya 1:9

Kẹsiẹye Ọrovwohwo ke riẹn obọ rọye rhe vwo te ugbunu mẹ; Ọrovwohwo ke ta kẹ vwẹ nẹ, nighe, mi phi ota mẹ phihọ ugbunu wẹn nure.