Jerimaya 15:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Mi tidia vwẹ ukoko re otu re ghọghọ-ọ, me je ghọghọ-ọ; mẹvwẹ ọvo ri tidia, kidie obọ wẹn ọ he enu mẹ, kidie wẹ ghwa ophu vọn vwẹ evun.

Jerimaya 15:17 Referans Kwoze

Uvwerhe 3:28

E jẹn ọye ọvo tidia fọ gbiei siẹ ro de muo nyẹ nu.

Une rẹ Ejiro 1:1

Ebuphihọ ke ohwo na rọ yan nene eghwanre rẹ iruimwemwu-u, eyẹ ro mudia phihọ idjerhe re ihwo umwemwu-u, eyẹ tidia vwe ohwarha rọ jehwẹ-ẹ;

2 Kọrẹnt 6:17

Fiki rẹ ọtiọye na gbe vrẹn nẹ ohri rẹ ayen, gba hẹriẹ oma nẹ ayen, eriyin Ọrovwohwo tare, Wọ vwẹ obọ te emu ogbegbe-e; ki mi dede ovwan reyọ

Jerimaya 13:17

Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

Jerimaya 6:11

Ọtiọye na ophu rẹ Ọrovwohwo da vọn vwẹ evun, oma rhọvwẹ udu me sa gba-a. Kuọ phihọ enu rẹ emọ na vwẹ evun rẹ urhuvwu na kugbe enu rẹ ukoko rẹ imighene na rhe; te ọshare te aye, a cha reyọ otu re ghwanre kugbe ekpako.

Une rẹ Ejiro 102:7

Mi de sherhẹ rhie ẹro phihọ, ke me họhọ ọmọphran rọ hẹ enu re uwevwi kpoghono.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Jerimaya 16:8

Wo che kpo uwevwi rẹ orẹ rere wọ vẹ ayen vwọ tidia re je da-a.

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Zekaraya 1:12

Ọye amakashe re Ọrovwohwo da ta, E Ọrovwohwo rẹ otuofovwi mavọ okrite wo ki ni arodọvwẹ ri Jerusalem vẹ irere ri Juda ri wo mu ophu kpahe ikpe ujorha gbe ihwe re na?