Jerimaya 15:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Jọ dia ọtiọye, E Ọrovwohwo, ọ da dianẹ me rẹ wẹ vwi fiki rẹ erhuvwu raye-en me rha rẹ wẹ vwọ ke ayen fiki rẹ ivwighrẹ vwẹ oke rẹ ukpokpogho!

Jerimaya 15:11 Referans Kwoze

Isẹ 16:7

Ọke rẹ idjerhe rẹ ohwo de je Ọrovwohwo, ivwighre rọye dede na ke rhoma dia ọnse rọye.

Une rẹ Ejiro 106:46

O da nẹrhẹ ehrọre rẹ ayen re ihwo otu ri mu ayen ighuvwu ejobi.

Jerimaya 37:3

Ovie Zedikaya de ji Jehukal ọmọ ri Shelemaya, vẹ Zẹfanaya orherẹn na, ọmọ ri Maseya, bru Jerimaya re ọmraro na rhe nẹ, Re Ọrovwohwo Ọghẹnẹ rẹ avwanre na kẹ avwanre.

Aghwoghwo 8:12

Owenẹ, oruimwemwu ru umwemwu abọ ujori yo ghwẹ-ẹ, dede na me riẹnre nẹ o che yovwi kẹ ihwo re djẹ oshọ rẹ Ọghẹnẹ fikiridie ayen djẹ oshọ vwẹ obaro rọye;

Jerimaya 42:2

Ayen da ta kẹ Jerimaya rẹ ọmraro na, Jẹn omaevwerhe rẹ avwanre te obaro wẹn wọ rẹ Ọrovwohwo Ọghẹnẹ wẹn na kẹ avwanre, kidie umuku rẹ avwanre ro chekọ na rhe bu-u, kirobo rẹ ẹro wẹn je ghwa mrẹ na.

Jerimaya 21:2

Nọ vwẹ obọ rẹ Ọrovwohwo kẹ avwanre, kidie Nebukadreza ovie rẹ Babilọn kpare ofovwi bru avwanre cha, siẹvo ye Ọrovwohwo che ru kẹ avwanre kirobo rẹ iruo rẹ igbunu rọye ejobi epha, ro de ruo vwọ yan jẹ avwanre vwo.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Une rẹ Ejiro 138:3

Vwẹ ẹdẹ ri mi vwo se, wo dẹ nyo vwe, ogangan rẹ ẹnwẹ mẹ wo ruro bu.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Jerimaya 37:17

Ovie Zedikaya de ji ohwo re se, Ovie na da bẹbẹ nọ vwẹ uwevwi rọye, ta nẹ, Ota nẹ obọ rẹ Ọrovwohwo rhe? Jerimaya da ta, Ota herọ Kẹsiẹye ọ ke ta, E che phi we phihọ obọ rẹ ovie ri Babilọn.

Jerimaya 38:14

Ovie Zedikaya de ji ikọn re se Jerimaya rẹ ọmmro na a da reyọ vwọ wan unu rẹ erha rẹ uwevwi rẹ Ọrovwohwo na. Ovie da ta kẹ Jerimaya, Me nọ wẹ ono, wọ djahẹ emuọvo kẹ vwẹ-ẹ.