Jerimaya 14:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ma rhọvwe umwemwu rẹ avwanre, E Ọrovwohwo, vẹ orukuruku rẹ esẹ rẹ avwanrẹ, kidie me ru umwemwu kpahe owẹ.

Jerimaya 14:20 Referans Kwoze

Jerimaya 3:25

Jẹn avwanre ji sherhẹ vwẹ evun rẹ omẹvuọ rẹ avwanre, ji jẹ ọghọ emuo rẹ avwanre ji rhurhu avwanre, kidie avwanre vẹ esẹ rẹ avwanre ru umwemwu kpahe Ọrovwohwo Ọghẹnẹ rẹ avwanre nẹ ọke emọ rẹ avwanre rhe rhi te nonẹ na; avwanre ji nyo urhuru rẹ Ọrovwohwo Ọghẹnẹ rẹ avwanre na-a.

Une rẹ Ejiro 32:5

Me rhọvwe imwemwu mẹ kẹ wẹ, mi si orukuruku mẹ nu kẹ wẹ-ẹ, Me tare nẹ, me fan ogbeku mẹ kẹ Ọrovwohwo; Etiyin ku wọ vwẹ abe re umwemwu mẹ ghovwo uvwe.

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

ỌBE RẸ JOB 33:27

ọ da sọ ine vwẹ obaro rẹ ihwo, ta nẹ, Mi ru imwemwu, mi de ku emu esiri rhẹriẹ, a hwa osa rọye kẹ vwẹ-ẹ.

Nehemaya 9:2

Ihwo re Izrẹl ejobi da hẹriẹ oma nẹ otu rẹ erhorha, ayen de vrẹn mudia rhọvwe imwemwu rayen kugbe orukuruku re ese rayen.

2 Samuẹl 24:10

Ẹwẹn ri Devid de rhi kpokpo ro vwo kere ihwo na nu. Devid da rhe ta kẹ Ọrovwohwo, Mi ru imwemwu rhuarho vwẹ obo mi ruru na. Asakiephana Ẹ Ọrovwohwo, Me rẹ wẹ, si orukuruku rẹ odibo wẹn nu; fikiridie mi ru emu rẹ ẹkpa.

2 Samuẹl 12:13

Devid da ta kẹ Natan, Mi ru umwemwu kpahe Ọrovwohwo, Natan da ta kẹ Devid, Ọrovwohwo ku imwemwu wẹn kufia; wo gbi che ghwu-u.

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Uvwerhe 1:20

Nighe, E Ọrovwohwo, kidie me hẹ evun rẹ uvwerhe, ẹnwẹn mẹ hẹ evun rẹ ukpokpogho, ẹnwẹn mẹ da chahe kidie mi mu kpahọ nọ. Ọlọkọ ghwe hwe vwẹ evun re urhuvwu, kọ họhọ ughwu vwẹ evun rẹ Uwevwi.

Uvwerhe 3:42

“Avwanre gbe urhi avwanre ji mukpahọ, yi wo ji vwo ghovwo-o.

Uvwerhe 5:7

Esẹ rẹ avwanre ru imwuemwu, ayen gbe herọ-ọ avwanre ke ghwa oghwa rẹ orukuruku rayen.

Emọs 7:2

Ọke rẹ ayen vwọ re odi rẹ otọ na nu, Me da ta, E Ọrovwohwo Ọghẹnẹ, vwo ghovwo, Me rẹ wẹ! Mavọ Jekọp se vwo mudia? Ọ havwe nọ.

Daniẹl 9:15

Asakiephana, E Ọrovwohwo Ọghẹnẹ re avwanre, rọ vwẹ obọ ọgangan ghwẹ ihwo rọye nẹ otọ rẹ Ijipt rhe, wọ da vwẹ ode kẹ oma wẹn, kirobo rọ epha nonẹ na, avwanre ru umwemwu, avwanre ru ogbigbiru