Jerimaya 14:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ku wọ ta ota nana kẹ ayen, Jẹn ẹro mẹ djẹ ame ason vẹ uvo, wo jẹ ayen ka-a, kidie e bru ora rode na phihọ ọmọtobẹ rẹ ihwo mẹ, a teye rọ miomiovwi.

Jerimaya 14:17 Referans Kwoze

Jerimaya 8:21

Kidie omẹwan rẹ ọmọtẹ rẹ ihwo mẹ na ọ miavwe ovwẹ vwẹ udu, mi muomahọ, ofu dje vwe hwe.

Uvwerhe 2:13

Kidie me sa ta kẹ wẹ, eyẹ kidie mi vwo dje we, E ọmọtẹ ri Jerusalẹm? Didi emu mi vwo dje we rere mi se vwo bru uwe uche, E ọmọtobẹ ri Zayọn? kidie ẹghwọrọ wẹn hẹre kere abadi; kono se sivwi uwe?

Jerimaya 13:17

Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Maika 6:13

Fiki rẹ ọtiọye na mi mu ovwan phihọ ẹteyọ re, ka kua ovwan fiotọ fiki rẹ umwemwu rẹ ovwan.

Uvwerhe 2:18

Va kperi se Ọrovwohwo! E ọmọte ri Zayọn! Jẹn ameoviẹ dje wotọ kerẹ ọkẹre te ason te uvo. Wo rovwo oma-a, wo jẹ ẹro wẹn rovwo oma rhe-e.

Jerimaya 10:19

Ekan kẹ vwẹ fiki rẹ omenwan mẹ! Ora mẹ na miovwiri gangan. Ẹkẹvuọvo me da tanẹ, Ọnana ghine ojaẹriọ mẹ, mi chiro.

Aizaya 37:22

ọnana hẹ ota rẹ Ọrovwohwo ta kpahọ: Ọ jẹ wẹ fia, ọ vwẹ owẹ jehwẹ– ọmọtobẹ ri Zayọn, ọ ro kpogho uyovwi vwẹ obuko wẹ– ọmọtẹ ri Jerusalẹm.

Une rẹ Ejiro 39:10

Si ophiaphiẹ wẹn na nu vwe oma ro vwẹ fiki re ọche re obọ wẹn.

Emọs 5:2

O sheri, o rhe vwo evrẹn ọfa-a, we ọmọtobẹ rẹ Izrẹl, a serọ vwẹ otọ obọ rọye, o gbi vwo ohwo rọ kparọ vrẹ-ẹn

Une rẹ Ejiro 119:136

Ẹro mẹ ra djẹ ọkẹre rẹ oviẹ fikiridie ihwo sa yọnrọn urhi wẹ-ẹn.

Jerimaya 8:18

E se fuẹ ophu mẹ-ẹ, Udu mẹ herọ mwọga.

Ivie rẹ Ivẹ 19:21

Ọnana ota rẹ Ọrovwohwo ta kpahọ. Ọ phọphọ owẹ, ọ vwẹ owẹ jehwẹ– ọmọtobẹ ri Zayọn, o kpogho uyovwi rọye vwẹ obuko wẹn ọmọtẹ ri Jerusalẹm.

Jerimaya 9:18

Jẹ ọ phẹrẹ ayen obọ rere ayen rhe viẹ oviẹ kẹ avwanre, rere ibiẹro rẹ avwanre vwo sun ame, rere iphophẹro rẹ avwanre vwọ djẹ ame.

Jerimaya 18:13

Vwẹ ọtiọye na enẹ Ọrovwohwo tare: Nọ vwẹ uherevie rẹ irere na, ono nyo oghẹre nana dẹvure? Ọmọtobẹ rẹ Izrẹl ru emu ọbrabra.

Uvwerhe 2:11

Ibiẹrọ mẹ sunka vẹ oviẹ; erhi mẹ re kpọghọ; udu mẹ vọnre vẹ uvweri fiki rẹ ẹghwọrọ rẹ ọmọtẹ rẹ ihwo mẹ, fikiridie imitete vẹ emọboba hiro sherua vwẹ evun rẹ irhuvwu rẹ orere na.