Jerimaya 13:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ọnana kọye ẹkẹn wẹn ẹkẹn re me vwavwe kẹ wẹ, eriyin Ọrovwohwo tare, kidie me chọrọ owẹ ẹro, wọ da vwẹ ẹro so efian.

Jerimaya 13:25 Referans Kwoze

ỌBE RẸ JOB 20:29

Ọna ẹkẹn rẹ Ọghẹnẹ ghare kẹ ohwo umwemwu, ukuẹriọ rẹ Ọghẹnẹ ghwoghwiro kẹ.

Matiu 24:51

kọ nyavwọ ibribro, ke muo phihọ uwodi, kẹ etiyin o de beroma ọ da reako.

Jerimaya 2:32

Kẹ ekuakua rẹ osẹvwe sa chorọ ọmọte ẹro, eyẹ emwa rẹ opha sa chọrọ ẹro? Dede na me chọrọ ihwo mẹ ẹro rhabae rhe.

Une rẹ Ejiro 11:6

Osio rẹ ibieragha vẹ erhanre cha rhọ phihọ enu rẹ oruimwemwu; odju vẹ uvo rọ torhẹ re cha dia ẹkẹn ukọ rayen.

Une rẹ Ejiro 9:17

Oruimwemwu cha yanran kpo Erivwi kugbe ẹgborho ejobi rẹ Ọghẹnẹ chọrọ ẹro.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Jerimaya 10:14

Kohwo kohwo ejobi pha djidji gheghẹ, oma cha vo iduvwiro ejobi fiki rẹ edjọ rayen. Kidie ema rọye na ejobi efian, ẹnwẹn hẹ evun raye-en.

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Aizaya 17:4

Vwẹ ẹdẹ yena ka cha vwẹ urinrin ri Jekọp hwa otọ, ivwri rẹ uvwo rọye ki che si dọn.

Ọbe ri Pọl si rhe Ihwo ri Rom 1:25

Kidie ayen wene uyota rẹ Ọghẹnẹ kpẹ ofian, ayen da vwẹ ẹga vẹ ejiro vwọ kẹ uhoho ra mare nọ ekpuyovwi rẹ Ọmẹma na, ohwo re jiri bẹdẹ! Isẹ.

Aizaya 34:17

O vwi fiki rayen vwo mu itẹ, o vwe usi re obọ rọye vwo gharo ke ayen nure, ke ayen vwo bẹdẹ, ne edje ra rọ edje ayen ke cha dia Etiyin.

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Jerimaya 3:21

E nyo urhuru ọvo vwẹ enu rẹ ugbenu phrẹphrẹphrẹ oviẹ vẹ ẹdjeguo rẹ emọ rẹ Izrẹl, fikiridie ayen wene idjerhe rayen, Ọrovwohwo Ọghẹnẹ rayen chọrọ ayen ẹro.

Zẹfanaya 3:2

Ọ kerhọn rẹ urhuru ọvuọvọ-o, ọ reyọ obo re dje kẹ-ẹ. Ọ vwẹ ẹro so Ọrovwohwo-o, o si kẹrẹ Ọghẹnẹ rọye-e.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Izikiẹl 23:35

Fiki rẹ otiọyẹ na e nẹ Ọrovwohwo Ọghẹnẹ tare: Fikiridie me chọrọ owẹ ẹro wo de mu vwe phihọ obuko wẹn, fiki rẹ ọtiọye na ku wọ reyọ osa rẹ ehan wẹn kugbe ọfanrhiẹn wẹn.