Jerimaya 11:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọrovwohwo se we dẹvure, Urhe rẹ oliv djidjidji, yoyovwi vẹ omamọ rẹ ibi, ẹkẹvuọvo ọ cha vwẹ edo rẹ ogiribo rode na vwo phi erhanre phihọ eghọn rọye ke torhẹ.

Jerimaya 11:16 Referans Kwoze

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Une rẹ Ejiro 52:8

Ẹkẹvuọvo me họhọ urhe rẹ oliv ọkpokpọ wọnwọnwọn vwe evun re uwevwi rẹ Ọghẹnẹ. Me vwẹ ẹro so ẹguọnọ rẹ Ọghẹnẹ ro jẹ rhẹriẹ bẹdẹ bẹdẹ.

Une rẹ Ejiro 80:16

Ayen vwẹ erhanre torhẹ, ayen shere teye otọ, jẹn ayen guọghọ vwẹ ẹghwọkuo rẹ opharo wẹn!

Iyẹnrẹ Esiri ri Jọn 15:6

Ohwo rọ rha herọ vwẹ evun mẹ-ẹ, ya fianrọ kufia kerẹ oghọn kovwioro; ka kua eghọn na koko, ka kpare ayen phihọ erhanre ke torhẹ.

Matiu 3:10

Asakiephana ushurhe ọ hẹ otọ rẹ irhe na re, urhe rọ gbe mọ emamọ esiri-i, ke she vwo mu erhanre.

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Une rẹ Ejiro 83:2

Kidie gbe no, ivwighrẹ wẹn re guẹ; ayen otu ri tuoma wẹ kpare uyovwi rayen kpenu.

Ẹvwọphia 11:4

Enana hẹ urhe rẹ ọliv ivẹ kugbe igburhukpẹ ivẹ ri mudia vwẹ obaro rẹ Ọrovwohwo ro vwo akpọ na.

Urhi Rivẹ 28:40

Wo che vwo irhe rẹ oliv vwẹ ubrakpọ wẹn na soso, ẹkẹvuọvo ye wọ sa mrẹ ori rọye vwo ghworo oma re ovwa-an; kidie ọfa cha ruo.

ỌBE RẸ JOB 8:16

Ọ rọ rhua vwẹ obaro rẹ ọnre, abọ rọye da rhe hra phihọ vwẹ ogba rọye.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Hosia 14:6

Abọ rọye cha hra phihọ; erhuvwu rọye kọ cha họhọ erhuvwu rẹ oliv. Ọnrhe ororo rọye kerẹ Lebanọn.

Une rẹ Ejiro 80:17

Ẹkẹvuọvo gbe jẹn obọ wẹn dia enu rẹ ohwo rọ he obọrhe wẹn, ọmọ re ohwo ru wọ mare gangan vwọ kẹ oma wẹn!

Jerimaya 2:21

Omamọ rẹ urhe ri vain me vwọ kọn wẹ, omamọ rẹ ubi ọsoso. Die sorọ wo vwo jẹ ubi ẹmọ ru wo vwo hirhe phihọ vain rẹ ochibẹ.