Jerimaya 10:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Edjọ rayen họhọ ikroro re vwo guegue emephran vwẹ aghwa, ayen sa ta ota-a, e mu ayen ghwa kidie ayen sa ya-an We brẹ udu raye-en kidie ayen se ru umiovwo-o, eyẹ erhuvwu je nẹ oma raye-en cha-a.

Jerimaya 10:5 Referans Kwoze

Aizaya 46:7

Ayen mi muo phahe igabọ, ayen mẹ ghwa, ayen me rhuẹrẹ phihọ asan o mi mudia, etiyin o sa yan nẹ asan rọ epha na-a, Ohwo de kperi se, o se nyo-o eyẹ o se sivwi oma rọye nẹ ukpokpogho-o.

1 Kọrẹnt 12:2

Ovwan riẹnre nẹ ọke rẹ ovwan vwọ hẹ egọdjọ jovwo, a riẹriẹ ovwan ra gọ ema ri diunu, kirobo rẹ ayen mu ovwan vwo ru.

1 Kọrẹnt 8:4

Kọye, vwọ kẹ ẹriọ rẹ emu ra vwọ gọ iye na, avwanre riẹnre nẹ ẹdjọ dia emuọvo vwẹ akpọ na-a, yẹ Ọghẹnẹ ọfa herọ-ọ jokpa rẹ ọvuọvo na.

Habakọk 2:19

Ekan kẹ ohwo ro ta kẹ urhe rọ kare, nẹ Rhọvwọ rọ ta kẹ oragha ro diunu nẹ, Vrẹn! ọnana se dje otọ rẹ emu phia? Nighe, a nabọ vwẹ oro vẹ idọnọ efuanfon vwọ pharọ o vwo ẹnwẹn vwẹ oma rọye kaka-a.

Aizaya 46:1

Bel gbe uyovwi otọ, Nebo rhuenri, ẹdjọ rayen eranvwe vẹ uchuru, imu nana ri wo mu ghwa na e pha tẹgbẹ kerẹ oghwa rọ he enu rẹ eranvwe re oghwa bẹn.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

1 Ivie 18:26

Ayen da reyọ erhuẹn na, ayen da va, ayen de se odẹ ri Baal nẹ irhiọke te oghẹruvo, tanẹ, E Baal nyo avwanre Ẹkẹvuọvo e nyo urhuru ọvuọvo-o, ohwo ọvuọvo nyori-i. Ayen de pho kreikrei riariẹ agbada rẹ ayen soro na.

Jerimaya 10:14

Kohwo kohwo ejobi pha djidji gheghẹ, oma cha vo iduvwiro ejobi fiki rẹ edjọ rayen. Kidie ema rọye na ejobi efian, ẹnwẹn hẹ evun raye-en.

Urhi Rivẹ 4:28

Kẹ oboyi ovwan da cha ga ẹdjọ rẹ irhe vẹ eragha, iruo rẹ ihwo vwẹ abọ ru, re mrẹ orẹ-ẹ, i ji nyo ẹme-e, i ji re emu-u ri ji nyo ọnrhe-e.

2 Ikun rẹ Ivie 25:15

Ọtiọye na ophu de mu Ọrovwohwo kpahe Amazaya o de ji ọmraro rọye bro ra, ọ da ta kẹ, Die wọ rha vwọ reyọ ẹdjọ rẹ ihwo efa, ri se sivwi ihwo ri vwo ayen nẹ obọ wẹ-ẹn?

Aizaya 16:12

Vwẹ ọke ri Moab da vwẹ oma rọye phia, rọ da laghoma rọye bẹn vwẹ enu rẹ asan ro kpenu, rọ da rhe ẹshẹ rọye re nẹ ẹrhovwo, ọ gbe sa kparobọ-ọ.