Jerimaya 10:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Enẹ Ọrovwohwo na tare: Wo yono uruemu rẹ ẹgborho na-a, wọ je djẹ oshọ rẹ eka rẹ obenu na-a, kidie ẹgborho na e je djẹ oshọ rayen,

Jerimaya 10:2 Referans Kwoze

Livitikọs 20:23

Ovwan yan nene uruemu rẹ ihwo rẹ orere re Me djẹ nẹ obaro rẹ ovwan na-a; kidie emu tienana ayen ruru, kọye mi vwo tuoma rayen.

Livitikọs 18:3

Ovwan rhe ruẹ kirobo rayen ruẹ vwẹ otọ rẹ Ijipti-i, rẹ ovwan diare jovwo na, ovwan rhe ji ruẹ kirobo rayen ruẹ vwẹ otọ ri Kena-an, asan re Me vwẹ ovwan ra na. Ovwan rha yan nene iji raye-en.

Izikiẹl 20:32

Obo ru wo roro vwẹ evun wẹn na cha sa phia-a iroro evun wẹ na, Jẹn avwanre dia kerẹ ẹgborho na, kerẹ orua rẹ irho na, re gọ urhe vẹ oragha.

Jẹnẹsis 1:14

Ọghẹnẹ da ta, Gbe jẹn orẹmrẹ phia vwẹ evun rẹ irharheghe rẹ odjuvwu na rọ hẹriẹ uvo nẹ ason, re ayen dia kẹ oka kugbe ọke vẹ ẹdẹ te ukpe,

Iguẹdjọ 6:10

Me da ta kẹ ovwan, nẹ, Mẹvwẹ Ọrovwohwo Ọghẹnẹ rẹ ovwan, ovwan gbe vwẹ ọghọ kẹ edjọ rẹ ihwo rẹ Amọr na-a, ri otọ rẹ ovwan dia na. Ẹkẹvuọvo ovwan nyo urhuru mẹ-ẹ.

Jerimaya 10:1

Nyo ota rẹ Ọrovwohwo ta kẹ wẹ, E uwevwi rẹ lzrẹl.

Urhi Rivẹ 18:9

Ọke rẹ ovwan de te otọ rẹ Ọrovwohwo rẹ Ọghẹnẹ rẹ ovwan vwọ kẹ ovwan na, ovwan yono rere we nene ẹgua rẹ ẹgborho yena-a.