Jerimaya 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Tavwe me ke mama owẹ vwẹ obo evun, me riẹn wẹ, tavwe re ki vwiẹ wẹ yi mi ru we fon nure; me da vwo owẹ mu ọmraro kẹ irere na.

Jerimaya 1:5 Referans Kwoze

Une rẹ Ejiro 139:16

Ẹro wẹn mrẹ asan ra je ma-a vwẹ oma mẹ; vwẹ evun rẹ ọbe wẹn e si ayen phihọ ọvuọvo, ẹdẹ ra mare vwọ kẹ vwẹ, yẹ ọke yena a je ma ọvuọvo rẹ aye-en.

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Ọbe ri Pọl si rhe Ihwo ri Rom 8:29

Kidie otu rọ riẹnre jovwo na ọ da kẹ ayen atarhe re ayen vwọ họhọ uhoho rẹ Ọmọ rọye, rere ọ sa dia ọmọkpako vwẹ ohri rẹ imoni buebu.

Aizaya 49:5

Asakiephana Ọrovwohwo tare, rọ ma vwẹ nẹ evun rhe nẹ Me dia odibo rọye, vwọ reyọ Jekọp vwo rhivwi rhe, ra vwọ ghwẹ Izrẹl kokọ bro ra, kidie Mi vwo ọghọ vwe obaro rẹ Ọrovwohwo, Ọghẹnẹ Me rhi hirhe phihọ ogangan mẹ re–

Aizaya 44:2

Enẹ Ọrovwohwo rọ ma wẹ na tare, rọ mama owẹ nẹ evun rhe na kọ cha wẹ uko. Wọ djẹ oshọ-ọ, E Jekọp odibọ mẹ Jeshurun re me jẹreyọ.

Iyẹnrẹ Esiri ri Luk 1:41

Rẹ Ẹlizabẹt vwo nyo uyere ri Meri, akpẹn rẹ evun na de mu pho vwẹ evun rọye; Ẹlizabẹt da rhe vọn vẹ Erhi Ọfuanfon

Iyẹnrẹ Esiri ri Luk 1:76

Wẹ, ọmọ, e che se we ọmraro rẹ Ọro Mekpenu; kidie wọ cha ka obaro kẹ Ọrovwohwo ra rhuẹrẹ idjerhe rọye,

Ẹyano 33:17

Etiyin Ọrovwohwo da ta kẹ Mosis, Emu nana re wọ tare na Mi ruo; kidie wọ mrẹ ẹruesiri vwẹ obọ mẹ, Me riẹn odẹ wẹn.

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Ẹyano 33:12

Mosis da ta kẹ Ọrovwohwo, Nighe wọ ta kẹ vwẹ nẹ, Reyọ ihwo nana rhe obenu, ẹkẹvuọvo wo ji rhi ju vwe riẹn ohwo ru wo ji nene uvwe-e. Yẹ wọ tare nẹ, Me riẹn odẹ wẹn, nẹ wọ je mrẹ aroesiri mẹ nure.

Iyẹnrẹ Esiri ri Luk 1:15

Kidie ọ cha rho vwẹ obaro rẹ Ọrovwohwo, ọ cha da wain yẹrẹ udi ọganga-an, kọ cha vọn vẹ Erhi Ọfuanfon, mrẹmrẹ nẹ evun rẹ oni rọye rhe.

Ọbe ri Pọl si rhe Ihwo ri Rom 1:1

Pọl, odibo ri Jesu Kristi, re seri nẹ ọ rhe dia ọyinkọn, re vwo mu nẹ o ghwoghwo iyẹnrẹ esiri rẹ Ọghẹnẹ

Jerimaya 50:34

Ọ rọ tan ayen hirhe na ogba ọgangan, Ọrovwọhwo rẹ otuofovwi na ọye odẹ rọye. O che mie ayen unu vwo gun, rere ọ vwọ mrasan kẹ akpo na omerovwo, ẹkẹvuọvo ọdjorho kọye dia kẹ ihwo ri Babilọn.

Ẹfesọs 1:22

ọ da vwẹ emu na ejobi hwa otọ kẹ chiyi o de vwo ru olori rẹ emu ejobi vwọ kẹ ishọshi na,

Iyẹnrẹ Esiri ri Jọn 10:36

Ku wọ ta kpahe ohwo rẹ Ọghẹnẹ ru fon nu ro de jo rhe akpọ na nẹ, Wo bru avwavwe, fikiridie me tare nẹ, Mẹvwẹ Ọmọ rẹ Ọghẹnẹ?

1 Kọrẹnt 8:3

Ẹkẹvuọvo ohwo da guọnọ Ọghẹnẹ, ko riẹn ohwo yena.

Une rẹ Ejiro 139:15

esuanson mẹ ejobi si oma nu kẹ wẹ-ẹ, ọke ra vwọ ma vwẹ vwẹ odjahọ, ra ghẹnghẹn phihọ vwẹ obọ okokodo rẹ akpọ na.

Jerimaya 1:4

Asakiephana ota rẹ Ọrovwohwo de bru vwe rhe nẹ,

Jerimaya 25:13

Mi che ru otọ yana kiroho re me ta kpahọ na ejobi, emu kemu re siri vwẹ ọbe nana ọ ri Jerimaya mraro rọye kpahe irere na ejobi.

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Jerimaya 20:15

Ekan kẹ ohwo na rọ ghwa ikun rhe ọsẹ mẹ nẹ, E vwiẹ ọmọshare kẹ we, rọ nẹrhẹ ọghọghọ na.