Jẹnẹsis 9:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ẹkẹvuọvo wọ ria uvwo vẹ arhọ rọye-e, kọye ọbara rọye.

Jẹnẹsis 9:4 Referans Kwoze

Urhi Rivẹ 12:23

O mi jo mu wẹ ẹro nẹ wọ re ọbara-a; kidie ọbara ọye arhọ, wọ vwẹ arhọ ba uvwo ria-a.

Urhi Rivẹ 15:23

Ọbara rọye ọvo wo jẹ riọ; wo mi iruo phihọ otọ kerẹ ame.

Urhi Rivẹ 12:16

ọbara ọvo wo jẹ ẹriọ; wo mi kuo phihọ otọ kirobo wo ku ame fia ye.

Iruo rẹ Iyinkọn na 15:20

ẹkẹvuọvo e si rhe ayen nẹ ayen gbe sioma nẹ ẹguegbe rẹ ẹdjọ, ọfanrhiẹ kugbe obo ri churu ughwu kugbe ọbara.

Livitikọs 7:26

Ọfa ovwan ria ọbara kaka-a, owene ọ dia ọbara rẹ eranvwe vẹ iphoro eyẹ eranvwe rọ otọ na rẹ ovwan dia na ejobi.

Iruo rẹ Iyinkọn na 15:29

Ovwan gha obo ra vwọ gọ iye kugbe ọbara kugbe obo ri churu ghwu kugbe ọfanrhiẹ. Ovwan de si oma rẹ ovwan nẹ imu nana, yẹ ovwan riẹn ru. We yere eghwerẹ.

Livitikọs 3:17

Ọnana urhi rọ dia iji kẹ ovwan nẹ edje ta ruẹ edje, vwi kasan kasan rẹ ovwan cha dia ejobi nẹ ovwan rha re ivwri eyẹ ọbara rẹ eranvwe ọfa-a.

1 Timoti 4:4

Kidie emu kemu rẹ Ọghẹnẹ mare yovwiri, o vwo obo ra gba vwọ-ọ ọ da dianẹ a rerọ vẹ ẹkpẹvwẹ;

Livitikọs 19:26

Ovwan rha cha re eranvwe rẹ ọbara evun rọye-e. Ovwan rhe yono epha ẹbọ-ọ eyẹ orhan ẹvwarọ-ọ.

Iruo rẹ Iyinkọn na 15:25

kọye ọghwẹgbe rẹ avwanre vwo roro nẹ o fori nẹ a sanọ ihwo re ji ayen ba Banabas vẹ Pọl re ghare bru ovwan rhe,

Urhi Rivẹ 14:21

Wa re emu ro ghwuru-u; wọ sa vwọ kẹ ọrhorha ro wo orho wẹn re ọ riọ, eyẹ wọ sa shẹ kẹ ohwo rẹ isi; kidie ovwan ihwo efuanfon kẹ Ọrovwohwo Ọghẹnẹ rẹ ovwan na. Wo rho ọmọ rẹ ẹvwe vwẹ ame rẹ Ivie rẹ oni rọye-e.

1 Samuẹl 14:32

Ihwo na da kua emu, ayen de mu igodẹ vẹ irhuẹn eshare vẹ emọ rẹ irhuẹn, ayen de hwe ayen vọn otọ; ihwo na da re ayen ekpokpọ vẹ ọbara.

Izikiẹl 33:25

Vwẹ ọtiọye na gba ta kẹ ayen, E nẹ Ọrovwohwo Ọghẹnẹ tare. Wọ ria uvwo vẹ ọbara, yọ wọ kpare opharo wẹn nẹ edjọ wẹn, yi wo suẹn ọbara; kọye wọ da cha re ughwẹ rẹ otọ na?