Jẹnẹsis 8:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

Jẹnẹsis 8:21 Referans Kwoze

2 Kọrẹnt 2:15

Kidie avwanre hẹ ọnrhe ororo ri Kristi kẹ Ọghẹnẹ vwẹ ohri rẹ otu re sivwẹ rhọ kugbe ohri rẹ otu re ghwọrọ kuẹfia,

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Jerimaya 17:9

Udu rẹ ohwo vọnre vẹ ophiẹvwe gangan o miovwiri gangan; ono se vughe?

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Ọbe ri Pọl si rhe Ihwo ri Rom 3:23

Kidie ihwo ejobi ru umwemwu o rhe jẹ urinrin rẹ Ọghẹnẹ dia oma rẹ avwanre-e.

Izikiẹl 20:41

Ke me reyọ owẹ kere izobo ro gbo ọnrhe ororo, vwẹ ọke me da reyọ owẹ nẹ ohri rẹ ihwo na rhe, re me da ghwẹ wẹ koko nẹ irho ra hra wẹ ra rhe, ke me vwẹ ọfuanfon mẹ phia vwẹ ohri wẹ vwẹ irharo rẹ ẹgborho na.

Matiu 15:19

Fikiridie evu rẹ udu ọye iroro imiomiovwi nẹ cha; ozighẹ, igberadja, ọfanrhiẹ, ujiecho, iseri rẹ eku, ọghware.

Livitikọs 1:13

ẹkẹvuọvo a Me vwẹ ame hworhẹ ivun rọye ve awọ rọye. Orherẹn na Me vwẹ ayen ejobi ze izobo, ọ Me torhẹ ejobi tototo vwẹ enu rẹ agbada na, ona izobo rẹ ẹtorhẹ, izobo rẹ erhanre, ro gbo ọnrhen ororo kẹ Ọrovwohwo.

Aghwoghwo 7:20

Omuẹro o vwo ọvwata ọvuọvo vwẹ akpọ na ro jẹ imwemwu e ruo-o.

Livitikọs 1:9

ẹkẹvuọvo ivun rọye vẹ awọ rọye ọ Me vwẹ ame hworhẹ ayen Orherẹn na Me torhẹ ayen ejobi tototo vwẹ enu rẹ agbada na, kọye izobo rẹ ẹtorhẹ, izobo rẹ erhanre, ro gbo ọnrhen ororo kẹ Ọrovwohwo na.

Jẹnẹsis 3:17

Vwọ kẹ Adam ọ da tanẹ, Fikiridie wọ vwọ kerhọ rẹ aye wẹn, wo da re emamọ rẹ urhe na re Me djẹ wẹ nu wọ ria-a na, eka kọ dia kẹ otọ na fiki wẹn, vwẹ evun rẹ owian wọ ke sa re emu vwẹ ẹdẹ rẹ akpọ wẹn ejobi;

Iyẹnrẹ Esiri ri Jọn 3:6

Ọ re vwiẹri vwẹ ugboma yẹ ọye ọ rẹ ugboma, ọ re vwiẹri vwẹ Erhi yẹ ọye ọ rẹ erhi.

Aizaya 53:6

Avwanre ejobi kerẹ igodẹ suoso ghwru, dohwo didjerhe rọye vwo gbe, Ọrovwohwo dẹ kru nyẹ oghwa rẹ orukuruku rẹ avwanre ejobi.

Une rẹ Ejiro 58:3

Oruimwemwu yan ghwru nẹ evun rẹ oni rọye rhe, ayen ru chọ nẹ evun rẹ evwiẹ rhe, e vwọrọn efian.

Une rẹ Ejiro 51:5

Nighere, a mrevun mẹ vwẹ evun rẹ orukuruku, vwẹ evun rẹ imwemwu oni mẹ de vwiẹ vwẹ

1 Jọn 5:19

Avwanre riẹnre nẹ avwanre kẹ ihwo rẹ Ọghẹnẹ, yẹ akpọ na ejobi hẹ obọ rẹ ogangan rẹ ohwo umwemwu na.

Ọbe ri Pọl si rhe Ihwo ri Rom 1:21

dede nẹ ayen riẹn nẹ Ọghẹnẹ o ruẹ yẹ ayen rhe mu ọghọ kẹ kerẹ Ọghẹnẹ-ẹ eyẹ vwọ vwẹ ẹkpẹvwẹ kẹ-ẹ, ẹkẹvuọvo ayen da rhe dia ihwo aphro ghevweghe vwẹ iroro rayen, udu rẹ ẹkpa rayen na de rhi mu ebri.

Jerimaya 18:12

Ẹkẹvuọvo ayen da ta nẹ, Ọyena emu gheghe! Me nene iroro rẹ obọ rẹ avwanre, avwanre ohwo ọvuọvo ru kirobo rẹ udu ọgangan rẹ avwanre epha.

Isẹ 20:9

Kono sa vwẹ obọ sa udu tanẹ, Udu me fọnro, ni mi ru umwemwu-u?

ỌBE RẸ JOB 14:4

Ono ri si emu ọfuanfon nẹ evun rẹ emu ogbegbe cha? O vwo ọvuọvo-o.

Livitikọs 1:17

Ọ Me bẹrẹ vwẹ asan ibekpe rọye, ẹkẹvuọvo ọ bẹre vwre-e. Kẹsiẹye orherẹn na ke torhẹ vwe agbada na vwẹ enu rẹ ituerhanre na, Ọnana je he izobo rẹ erhanre ro gbo ọnrhen ororo kẹ Ọrovwohwo.

Ẹyano 29:25

Ku wọ rọye ayen miẹ ayen, wọ me torhẹ ayen vwẹ enu rẹ agbada kugbe izobo rẹ ẹtorhẹ na, re o gbo ọnrhe ororo kẹ Ọrovwohwo; ọye izobo rẹ erhanre kẹ Ọrovwohwo na.

Ẹyano 29:18

wọ me torhẹ egbo na ejobi vwẹ enu rẹ agbada na; ọnana izobo rẹ ẹtorhẹ kẹ Ọrovwohwo; ọnana ọnrhe ororo, izobo rẹ erhanre kẹ Ọrovwohwo.

Jẹnẹsis 6:17

Kidie nighe, Me cha vwẹ ame ku akpọ na, re ọ rhe ghwọrọ uvwo ejobi ri vwo ẹnwẹn rẹ arhọ rẹ otọ rẹ odjuvwu na; kemu kemu ri enu rẹ akpọ na ejobi ko ghwu re.

Jerimaya 8:6

Me nabọ vwẹ oma kpoto kerhọn, ẹkẹvuọvo ota rayen ji shephihọ-ọ ọ rọ kurhẹriẹ nẹ orukuruku rọye herọ-ọ, yẹ ọ tanẹ, Die mi ruru? Dohwo didjerhe rọye vwo gbe, kerẹsiẹ rẹ iyesi da vwẹ uyovwi hẹrhẹ ofovwi.

Aizaya 65:6

Nighere, e siro phihọ obaro mẹ, Mi che fotovwi-i, ẹkẹvuọvo Me cha hwa osa, e, Me cha hwa osa phihọ agada rayen

Aizaya 48:8

Wo ji nyo dẹvo-o wo je riẹn devo-o, ne awanre rhe erhọn wẹn ji rhie-e. Kidie Me riẹnre nẹ wo se ru emu ogbarogba, ne nẹ ọke evwiẹ we rhe we onogbozighi.

Aizaya 47:15

Ọtiọye ihwo re ve owẹ gba wian kugbe cha dia, re ve owe gba cho eki ne ọke emọ rhe, dohwo dobene rọye gbe nene, o vwo ohwo ọvuọvo ro se sivwi uwe-e.

Aizaya 47:12

Gbe mudia gan vwẹ ebọ wọ họrhiẹ na kugbe aroẹmrẹ wẹn buebu, ru wọ wian phihọ nẹ ọke emọ rhe, ọkeọvo wọ Me sa kparobọ, ọkeọvọ wọ Me jẹ oshọ mu ihwo.

Livitikọs 26:31

Ki mi che si ihwo ne irere re ovwan ejobi, ẹshẹ rẹ ovwan ejobi ke dia ifefe, ovwan da torhẹ eranvwe ri gbo ọnrhe ororo dede mi gbi nyu aye-en.

Jẹnẹsis 5:29

o de se odẹ rọye Noa, tanẹ, Vwẹ evun rẹ otọ rẹ Ọrovwohwo harhere na ọye Ọnana che nurhe rhe kẹ avwanre omaerovwo nẹ iruo vẹ owian rẹ abọ rẹ avwanre.

Jẹnẹsis 4:12

Wo de voro otọ na, o gbi che yovwi emu kẹ wẹ-ẹ, ku wọ dia ọvwisusu kugbe osoghoro vwẹ evun rẹ akpọ na.

Jẹnẹsis 6:7

Ọrovwohwo da ta, Mi phoro ohwo te eranwe te obo ri kpono vwẹ otọ na, rẹ ephra ri obenu na, kidie ọ da vwẹ gangan re Me vwọ ma ayen.

Jẹnẹsis 6:13

Ọghẹnẹ da ta ki Noa, Me guọnọre ne Me guọghọ emu ejobi nẹ akpọ na, kidie akpọ na vọnre vẹ ozighi fiki rẹ ayen, nighe, Me guọghọ ayen vẹ akpọ na.

Livitikọs 4:31

O mi si ivwri rẹ eranvwe na ejobo no ọtiobo re ruẹ ọ rẹ izobo rẹ ufuoma na, Orherẹn na kọ torhẹ ayen vwẹ enu rẹ agbada na rere o gbo ọnrhen ororo kẹ Ọrovwohwo, Orherẹn na kọ gọ ẹgua rọye no oma, ke vwo ghovwo.

Livitikọs 8:28

Kẹsiẹye Mosis ke rhoma reyọ ayen nẹ abọ rayen, ọ da torhẹ ayen vwẹ enu rẹ agbada na vwọ ba izobo rẹ ẹtorhẹ na, rọ dia izobo rẹ evwomuo rẹ irherẹn na, ẹkpẹvwẹ rẹ erhanre ro gbo ọnrhen ororo kẹ Ọrovwohwo.

Ukeri 15:3

rẹ ovwan de ze izobo kẹ Ọrovwohwo nẹ usun rẹ uchuru rẹ ovwan eyẹ nẹ igegede rẹ ovwan, izobo rẹ erhanre eyẹ izobo re ẹtorhẹ eyẹ izobo ghevweghe, ra vwọ hwa osa rẹ ivẹ eyẹ izobo ro nẹ evun rhe eyẹ ọke rẹ orẹ, ro vwo gbo ọnrhẹn ororo kẹ Ọrovwohwo na,

1 Samuẹl 26:19

Asakiephana gbe jẹn ọrovwovwe ovie nyo eta rẹ odibo rọye. ọ da dianẹ Ọrovwohwo kọye kpare owẹ vwọ so vwẹ na, e jọ reyọ okẹ; ẹkẹvuọvo ọ da rha dia ihwo rẹ akpọ, e jẹn ekan dia kẹ ayen vwẹ obaro rẹ Ọrovwohwo, kidie nonẹ na ayen djẹ vwẹ ni mi rhe vwo ẹkẹ vwẹ ughwẹ rẹ Ọrovwohwo-o, tanẹ, Yanran ra gọ edjọ efa.

Une rẹ Ejiro 58:4

Ayen vwo obi kerẹ obi rẹ ọrọdekọ, kerẹ oghwoghwo rọ dierhon rọye,