Jẹnẹsis 8:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọ ke je rhoma hẹrhẹ ẹdẹ ighwrẹ efa, ọ da rhoma siobọ nẹ inekuku na, ọ gbe rhoma rhan bro rhe ọfa-a.

Jẹnẹsis 8:12 Referans Kwoze

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 26:8

Vwẹ obẹnẹ rọ orhiebro wẹ E Ọrovwohwo, avwanre da hẹrhẹ owẹ; ekarọphihọ rẹ odẹ wẹn ọye ẹguọnọ rẹ erhi rẹ avwanre.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Jẹnẹsis 8:10

Ọ da rha hẹrhẹ ẹdẹ ighwrẹ efa, ọ ke rhoma siobọ nẹ inekuku na nẹ evun rẹ okọ na;

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Jẹnẹsis 8:11

inekuku na da rha bro rhe vwẹ ovwọnvwọn, e vwo no, o mu ọbe rẹ olive ọkpokpọ vwọ hwunu, Noa ke rhe riẹn nẹ ame na kpọ nẹ akpọ na re.

Jerimaya 48:28

Yan jẹn irere na vwo, ra dia evun rẹ oragha na, E ihwo rẹ dia Moab! Gba họhọ inekuku rọ bọn ẹho vwẹ akakọ rẹ unu rẹ iyara.