Jẹnẹsis 8:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọ da rha hẹrhẹ ẹdẹ ighwrẹ efa, ọ ke rhoma siobọ nẹ inekuku na nẹ evun rẹ okọ na;

Jẹnẹsis 8:10 Referans Kwoze

Jẹnẹsis 7:4

Kidie ẹdẹ ighwrẹ chekọ, re Me cha vwọ vwẹ osio rhe akpọ na uvo ujuvẹ kugbe ason ujuvẹ, emu kemu ro vwo ẹnwẹn re Me mare na ejobi ki mi phoro kakare nẹ enu rẹ otọ na.

Ọbe ri Pọl si rhe Ihwo ri Rom 8:25

Ẹkẹvuọvo avwanre de phiẹrohọ obo rẹ avwanre mrẹre-e, kẹ erhiori avwanre vwọ hẹrhẹ.

Aizaya 26:8

Vwẹ obẹnẹ rọ orhiebro wẹ E Ọrovwohwo, avwanre da hẹrhẹ owẹ; ekarọphihọ rẹ odẹ wẹn ọye ẹguọnọ rẹ erhi rẹ avwanre.

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Une rẹ Ejiro 40:1

Mi hwe oma mu hẹrhẹ Ọrovwohwo; ọ ka erhọn mẹ o de nyo oviẹ mẹ.

Jẹnẹsis 8:12

Ọ ke je rhoma hẹrhẹ ẹdẹ ighwrẹ efa, ọ da rhoma siobọ nẹ inekuku na, ọ gbe rhoma rhan bro rhe ọfa-a.

Jẹnẹsis 7:10

Ẹdẹ ighwrẹ vwọ wan nu oghwe na de rhi ku akpọ na.

Jẹnẹsis 8:9

ẹkẹvuọvo inekuku na mrẹ asan rọ rhan mu-u, ọ da rhoma rhan bro rhe vwẹ evun rẹ okọ na, kidie yẹ ame na ji phoro enu rẹ otọ na ejobi. Etiyin ọ da riẹn obọ rọye vwọ reyọ phihọ evun rẹ okọ na.

Jẹnẹsis 8:11

inekuku na da rha bro rhe vwẹ ovwọnvwọn, e vwo no, o mu ọbe rẹ olive ọkpokpọ vwọ hwunu, Noa ke rhe riẹn nẹ ame na kpọ nẹ akpọ na re.