Jẹnẹsis 7:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin Ọrovwohwo da ta kẹ Noa, Gba ro evun rẹ okọ na, wẹ kugbe evwruwevwi wẹn ejobi, fikiridie Me mrere nẹ wẹ ọvwata vwẹ obaro mẹ vwẹ evun rẹ uvwiẹ nana.

Jẹnẹsis 7:1 Referans Kwoze

Jẹnẹsis 6:9

Enana ke ye orua ri Noa. Noa kẹ ọvwata oruẹ, o vwo eka vwẹ orua rọye na-a; Noa da yan kpahọ Ọghẹnẹ.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Jẹnẹsis 7:13

Vwẹ ẹdẹ ọvuọvo na Noa vẹ emọ rọye, Shẹm vi Ham kugbe Jafẹt, aye ri Noa vẹ eya erha rẹ emọ rọye ejobi da ro evun rẹ okọ,

1 Pita 3:20

ihwo ri mu ọghọ jovwo, ọke rẹ Ọghẹnẹ vwọ vwẹ odiri hẹrhẹ vwẹ ọke ri Noa, ọke rọ vwọ kare okọ na, re imihwo krẹn, kọye hẹ, ihwo ẹrenre, re sivwi nẹ oghwe na.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Iyẹnrẹ Esiri ri Luk 17:26

Kirobo rọ epha vwẹ ọke ri Noa, ọtiọye ọ je cha dia vwẹ ọke rọ Ọmọ rọ ohwo.

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Isẹ 14:26

Oshọẹdjẹ rẹ Ọrovwohwo ọye e de vwo iphiẹrohọ ọgangan; emọ rọye ke sa mrẹ asan adjẹrhọn.

Jẹnẹsis 7:7

Te Noa vẹ emọ rọye vẹ aye rọye te eya rẹ emọ rọye vẹ ọye da ro evun rẹ okọ na, rẹ ayen vwo nẹ ughwu rẹ ame na.

Isẹ 18:10

Odẹ rẹ Ọrovwohwo na ọye ohẹrhe rode, ọvwata da djẹ ruọ kọ rhọ.

Isẹ 10:9

Ohwo rọ yan vẹ evunesiri cha yan vwẹ ufuoma, ẹkẹvuọvo ohwo ro ku idjerhe rọye rhẹriẹ ka mrẹ otọ rọye.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

2 Samuẹl 22:24

Mi vwo ekan vwẹ obaro rọye-e, mi sioma mẹ nẹ abe.

Izikiẹl 14:14

ọ da tobọ dianẹ ihwo nana erha na herọ, Noa, Daniẹl, kugbe Job, oma rayen ọvo ọye ayen se sivwi fiki rẹ ọvwata rayen, eriyin Ọrovwohwo Ọghẹnẹ tare.

Jẹnẹsis 6:18

Ẹkẹvuọvo ke Me vẹ owẹ re ọphọ; ko wọ cha ro evun rẹ okọ na, te owẹ te emọ wẹn, aye wẹn te eya rẹ emọ wẹn.