Jẹnẹsis 6:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọ da da Ọrovwohwo gangan rọ vwọ ma ohwo phihọ akpọ na, ọ da da vwẹ udu rọye.

Jẹnẹsis 6:6 Referans Kwoze

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.

Ẹfesọs 4:30

We jẹn ophu muẹ Erhi Ọfuanfon rẹ Ọghẹnẹ ra vwọ kẹ ovwan nẹ ọ yonre ovwan re te ẹdẹ rẹ etanhirhe na-a.

Hibru 3:10

Kọye uvwiẹ yena da kpare ophu mẹ, me da ta, ayen ghwrẹ vwẹ udu rayen kọke kọke, o rhe jẹ ayen riẹn idjerhe mẹ-ẹ.

1 Samuẹl 15:29

Urinrin rẹ Izrẹl na sa vwọrọ efia-an eyẹ ọ rhẹriẹ-ẹ; kidie ọ dia ohwo rẹ akpọ, ro kuẹrhẹriẹ-ẹ.

2 Samuẹl 24:16

Ọke rẹ amakashe na cha vwọ riẹn obọ kpo Jerusalẹm rọ vwọ guọghọ, Ọrovwohwo da rhẹriẹ nẹ emu ọbrabra rọ guọnọ ru, ọ da ta kẹ amakashe rẹ o ru iruo rẹ ẹghwọrọ vwẹ ohri rẹ ihwo na, o teri; Asakiephana gba da obọ ji. Yẹ amakashe rẹ Ọrovwohwo na hẹ oma rẹ uwevwi rẹ Aruanah rẹ ohwo ri Jebu.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Jona 3:10

Ọke rẹ Ọghẹnẹ vwọ mrẹ obo rẹ ayen ruru, obo rẹ ayen siobọ nẹ idjerhe ọbrabra rayen, Ọghẹnẹ de siobọ nẹ iroro ọbrabra rọ jẹ kpahe ayen na, o rhe ruo-o.

Joẹl 2:13

rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Ẹyano 32:14

Etiyin Ọrovwohwo de fue ophu ọbrabra rọ guọnọ mu kpahe ihwo rọye.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Jerimaya 26:19

Ke Hezikaya ovie ri Juda vi Juda ejobi hwere? Oshọ rẹ Ọrovwohwo gbi muo ro da nọ ekpẹn rẹ erhuvwu vwẹ obọ rẹ Ọrovwohwo? Ẹkẹvuọvo obo rẹ Ọrovwohwo tare nẹ ọye ru ayen jovwo na, o de jovwo? Avwanre ke guọnọ suọ okpetu rode vwọ kẹ omobọ rẹ avwanre na.

1 Ikun rẹ Ivie 21:15

Ọghẹnẹ de ji amakashe na kpo Jerusalẹm ra ghwọrọ; ọke rọ cha vwọ guọghọ, Ọrovwohwo da mrẹ, ọ de kurhẹriẹ nẹ emu umwemwu ro che ru jovwo, ọ da ta kẹ amakashe rọ guọghọ na, ọ teri, da obo ji asakiephana. Yẹ amakashe rẹ Ọrovwohwo na mudia vwẹ oma rẹ utuwevwi rẹ ewuye rẹ Onan rẹ ohwo ri Jebu.

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Une rẹ Ejiro 106:45

Ọ vwi fiki rayen karohọ ọphọ rọye, o de dogho obọ kirobo rẹ ẹguọnọ rọye ro jẹ rhẹriẹ epha.

1 Samuẹl 15:35

Samuẹl gbe mrẹ Sọl ọfa-a rhiri re te ẹdẹ ughwu rọye, ẹkẹvuọvo ivun de miovwo Samuẹl fiki ri Sọl. ọ da da Ọrovwohwo nẹ ọye vwi Sọl mu ovie vwẹ enu rẹ Izrẹl.

Urhi Rivẹ 32:36

Kidie Ọrovwohwo che brorhiẹ kẹ ihwo rọye ro de ni arodovwẹ rẹ idibo rọye, ọke rọ da mrẹ nẹ ogangan rayen reri, nẹ ọvuọvo gbi chekọ-ọ, te ọviẹn vẹ ọmuvwiẹ dede.

Urhi Rivẹ 32:29

Ọ dianẹ ayen ghwanre nọ, manẹ ayen riẹn Ọnana, yẹ ayen vughe oba rẹ akpọ rayen.

Urhi Rivẹ 5:29

E manẹ oghẹre rẹ udu ọtiọye na kọye he evun rayen, re ayen vwọ djẹ oshọ Mẹ, vwọ yọnrọn irhi mẹ vwẹ ọke ejobi, ro vwo yovwi kẹ ayen, ro ji vwo yovwi kẹ emọ rayen, bẹdẹ!

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

Hibru 3:17

Kẹ amono re kpaherọ ophu ikpe ujuvẹ soso? Ọ dia ayen otu ri ru umwemwu, ri she ghwu vwẹ evun rẹ aghwa na?

Malakae 3:6

Kidie mẹvwẹ rẹ Ọrovwohwo na rhẹriẹ-ẹ; fiki rẹ ọtiọye na E emọ ri Jekọp, ọye e vwo jẹ ovwan eghwọrọ na.

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Une rẹ Ejiro 119:158

Mi ni ohwo ro segbuyota-a vẹ ohọre ẹkparọ fikiridie ayen yọnrọn irhi wẹ-ẹn.

Une rẹ Ejiro 110:4

Ọrovwohwo na duvwu iyori nure o gbi che ku unu rọye rhẹriẹ-ẹ, Wẹ orherẹn rhiri bẹdẹ kirobo rẹ urhi ri Melkizedek epha.

Une rẹ Ejiro 95:10

Kidie ikpe ujuvẹ mi tuoma re uvwiẹ yena Me da ta, Ayen ihwo ri ghwruru vwe udu rayen, ayen se idjerhe mẹ gbe emu-u.

Une rẹ Ejiro 81:13

E manẹ kẹ ihwo mẹ sa kerhọn mẹ vwonẹ, rere Izrẹl yan vwẹ idjerhe mẹ!

Une rẹ Ejiro 78:40

Mavọ ayen vwọ suọ phẹre te vwẹ evun rẹ aghwa re ayen vwọ kpare ophu rọye vwẹ evun rẹ aton!

Ọbe ri Pọl si rhe Ihwo ri Rom 11:29

Kidie okẹ kugbe use rẹ Ọghẹnẹ a sa rhan rhivwi-i.

Jẹnẹsis 6:7

Ọrovwohwo da ta, Mi phoro ohwo te eranwe te obo ri kpono vwẹ otọ na, rẹ ephra ri obenu na, kidie ọ da vwẹ gangan re Me vwọ ma ayen.

Jerimaya 18:7

Ọ da dianẹ mi ghwoghwo kpahe orere eyẹ uvie nẹ ọkeọvo mi che ghwie notọ re me ghwọrọ,