Jẹnẹsis 6:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọghẹnẹ da ta ki Noa, Me guọnọre ne Me guọghọ emu ejobi nẹ akpọ na, kidie akpọ na vọnre vẹ ozighi fiki rẹ ayen, nighe, Me guọghọ ayen vẹ akpọ na.

Jẹnẹsis 6:13 Referans Kwoze

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

Emọs 8:2

Ọ ke ta, Emọs, die wọ mrẹre? Me da ta, obere re emamọ rẹ ọkeuvo. Etiyin Ọrovwohwo da ta kẹ vwẹ, Oba na teri kẹ ihwo mẹ Izrẹl nure, Me gbe rha cha wanvrẹn aye-en.

Jẹnẹsis 7:23

O de phoro kemu kemu ejobi ro vwo arhọ re yan vwẹ enu rẹ otọ na no, ohwo, eranvwe, obo ri kpono, ephra rẹ enu; e de phoro ayen nẹ akpọ na, Noa ọvo kọye ri chekọ, kugbe ihwo re vẹ ọye gba herọ vwẹ evun rẹ oko na.

Jẹnẹsis 6:4

Yi Nẹfilim evun rẹ akpọ vwẹ ọke yena, kọye vwẹ ukuko rọye re, rẹ emọ rẹ Ọghẹnẹ vwo bru emetẹ rẹ ihwo rẹ akpọ rhire, i de vwiẹ emọ kẹ ayen. Enana kẹ eye egba rẹ awanre, ri kperi usi.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Jerimaya 51:13

E ovwan re dia orhọma rẹ ame buebu, ri feri na, oba rẹ ovwan tere, ufi rẹ arhọ rẹ ovwan vwrẹre

Jẹnẹsis 49:5

Simiọn vi Livae iniọvo ivẹ, emu gbrigbri ayen vwẹ elọkọ rayen ruẹ

Jẹnẹsis 6:14

Gba vwẹ urhe ri gofa kare okọ, kare ivun phihọ okọ na, wọ nabọ pharọ te obevun te otafe vẹ orhọrhe.

Jẹnẹsis 7:4

Kidie ẹdẹ ighwrẹ chekọ, re Me cha vwọ vwẹ osio rhe akpọ na uvo ujuvẹ kugbe ason ujuvẹ, emu kemu ro vwo ẹnwẹn re Me mare na ejobi ki mi phoro kakare nẹ enu rẹ otọ na.

Jẹnẹsis 7:21

Kemu kemu ro vwo ẹnwẹn rọ yan vwẹ akpọ na ejobi de ghwure, ephra, uchuru, eranvwe rẹ aghwa, erọnvwọ ri biẹyi re rhẹrhẹ vwẹ ame na, kugbe kohwo kohwo,

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

Aizaya 34:1

Bi te ohone, E ẹgborho na, re we nyo, kerhọn, E ihwo na. Jẹn akpọ na kerhon, kugbe obo re vọnrọ ejobi; akpọ na, kugbe obo ri nuro rhe ejobi

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a