Jẹnẹsis 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọke rẹ Adam vwọ dia ikpe ujosa gbẹ ihwe nu, ọ da rhe dia ọsẹ rẹ ọmọ ro vwiẹri họhọ oma rọye, kọye uhoho rọye, o de se ode rọye Sẹt.

Jẹnẹsis 5:3 Referans Kwoze

Jẹnẹsis 4:25

Adam da rhoma riẹn aye rọye, o de vwiẹ ọmọshare o de se odẹ rọye Sẹt, kidie ọ tare nẹ, Ọghẹnẹ kẹ vwẹ ohwo ọfa vwẹ ẹdia rẹ Ebẹl ri Ken hweri.

Ẹfesọs 2:3

Ohri rẹ enana avwanre ka dia jovwo vwẹ evun rẹ urhuru sivwe rẹ ugboma rẹ avwanre, ri nene ẹguọnọ rẹ ugboma kugbe iroro, ọtiọye na kirobo re vwiẹ avwanre phihọ avwanre kẹ emọ rẹ ophu, kirobo rẹ ihwo rẹ akpo ri chekọ epha.

1 Kọrẹnt 15:39

Kidie uvwo na ejobi dia oghẹre ọvo-o, ẹkẹvuọvo uvwo ọvo ọ rẹ ihwo, ọfa ọ re eranvwe, ọfa ọ rẹ ephran, ofa ọ rẹ eri.

Ọbe ri Pọl si rhe Ihwo ri Rom 5:12

Kirobo rẹ umwemwu wan oma rẹ ohwo ọvo rhe akpọ rẹ ughwu da wan oma rẹ umwemwu rhe na, ọtiọye na ughwu da hrabọ ro ihwo ejobi fikiridie ihwo ejobi ru umwemwu–

Iyẹnrẹ Esiri ri Jọn 3:6

Ọ re vwiẹri vwẹ ugboma yẹ ọye ọ rẹ ugboma, ọ re vwiẹri vwẹ Erhi yẹ ọye ọ rẹ erhi.

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Une rẹ Ejiro 51:5

Nighere, a mrevun mẹ vwẹ evun rẹ orukuruku, vwẹ evun rẹ imwemwu oni mẹ de vwiẹ vwẹ

ỌBE RẸ JOB 25:4

Komavọ ohwo vwọ sa dia ọvwata vwẹ obaro rẹ Ọghẹnẹ? Mavọ ohwo rẹ aye vwiẹre ru fon?

ỌBE RẸ JOB 14:4

Ono ri si emu ọfuanfon nẹ evun rẹ emu ogbegbe cha? O vwo ọvuọvo-o.

Iyẹnrẹ Esiri ri Luk 3:36

re ọmọ ri Kenan, rẹ ọmọ rẹ Afasad, rẹ ọmọ ri Shẹm, rẹ ọmọ ri Noa, rẹ ọmọ ri Lamẹk,

1 Kọrẹnt 15:49

Ọtiobo rẹ avwanre ku uhoho rẹ ohwo rẹ ekpẹn phihọ na, avwanre ji che ku uhoho rẹ ohwo rẹ odjuvwu phihọ.

Jẹnẹsis 5:2

Ọshare vẹ aye ọ ma ayen, o de bruphihọ kẹ ayen, o de se odẹ rayen ohwo vwẹ ọke rọ vwọ ma ayen nu.

Jẹnẹsis 5:4

Ẹdẹ rẹ akpọ re Adam vwẹ ọke ro vwo vwiẹ Sẹt nu da dia ikpe uri ẹne, o de ji vwiẹ emeshare kugbe emetẹ efa