Jẹnẹsis 5:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Inọk da yan nene Ọghẹnẹ ro vwo vwiẹ Metusela nu ikpe uri gbe ujori o de vwiẹ emeshare kugbe emetẹ efa

Jẹnẹsis 5:22 Referans Kwoze

1 Tẹsalonaika 2:12

Avwanre rẹre rere eyere rẹ ovwan se vwo she phihọ kerẹ emọ rẹ Ọghẹnẹ re se rhe re uvie robọ rọye kugbe urinrin rọye.

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

Malakae 2:6

Uyono rẹ uyota da hẹ unu rọye, a mrẹ efian vwẹ unu rọye-e. O nabọ yan nene uvwe vwẹ ọsoso vẹ ufuoma, o de si ihwo buebu nẹ orukuruku rayen.

Jẹnẹsis 6:9

Enana ke ye orua ri Noa. Noa kẹ ọvwata oruẹ, o vwo eka vwẹ orua rọye na-a; Noa da yan kpahọ Ọghẹnẹ.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Une rẹ Ejiro 116:9

Me yan vwẹ obaro rẹ Ọrovwohwo vwẹ evun rẹ otọ rẹ ihwo ekpokpọ na.

Livitikọs 26:12

Ke Me cha yan vwẹ ohri rẹ ovwan, Me Me rha dia Ọghẹnẹ rẹ ovwan, ovwan ke dia ihwo mẹ.

Kolose 1:10

Rere eyere rẹ ovwan vwo se fo kẹ Ọrovwohwo, re uruemu rẹ ovwan ejobi vwo se je rere ovwan vwo ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.

1 Tẹsalonaika 4:1

Ọ ra ka oba, imoni avwanre rẹ ovwan bru ovwan uche vwẹ evun rẹ Ọrovwohwo Jesu, nẹ kirobo rẹ ovwan yono miẹ avwanre vwọ kpahe obo rẹ ovwan yeri re we vwo se ru obo ri je Ọghẹnẹ, kirobo rẹ ovwan ruẹ na, we gbe ru ọtiọye phihọ.

Ẹfesọs 5:15

Wa nabọ nite obo rẹ ovwan yan, we muẹ yan djidji-i ẹkẹvuọvo kerẹ evwaghwanre.

Jẹnẹsis 48:15

Ọ nẹ ẹrhovwo ki Josẹf, ọ da ta, Ọghẹnẹ rẹ Ebraham vẹ Aizik rẹ esẹ mẹ yan nene, Ọghẹnẹ ro sun vwe vwẹ akpọ mẹ rhi te nonẹ,

Jẹnẹsis 24:40

Ẹkẹvuọvo ọ da ta kẹ vwẹ, Ọrovwohwo na re Me yan nene na, ko ji amakashe rọye nene uwe kọ kẹ wẹ aruesiri rọye vwẹ idjerhe wẹn ejobi, ku wọ reyọ aye kẹ ọmọ mẹ vwẹ evun rẹ ekru mẹ kugbe uwevwi rẹ ọsẹ mẹ;

Kolose 4:5

Vwẹ aghwanre nene ihwo rẹ obada yeri we kuẹ ọke fia-a.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

Iruo rẹ Iyinkọn na 9:31

Ọtiọye na oma de rhi fu ishọshi rọ hẹ Judia, Galili kugbe Sameria ejobi ayen de mudia gan; ke yan vwẹ evun rẹ oshọẹdjẹ rẹ Ọrovwohwo kugbe uchebro rẹ Erhi Ọfuanfon na ayen de rhi bu phihọ.

Maika 4:5

Kidie ihwo na ejobi ra yan vwẹ odẹ ri dohwo dẹdjọ rọye, ẹkẹvuọvo avwanre yan vwẹ odẹ rẹ Ọrovwohwo Ọghẹnẹ re avwanre bẹdẹ bẹdẹ.

Emọs 3:3

Ihwo ivẹ sa yan kugbe-e, jokpa nẹ ayen ta phihọ

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Solomon 1:4

Si vwe te oma wẹn, jẹn avwanre bru okpakpa. Ovie reyọ ovwẹ rhe uvun rọye. Oma ko di mu avwanre sanvwan ki mi di muẹ ghọghọ. Avwanre tete ẹguọnọ wẹn nọ udi Ọye sorọ rẹ ayen vwọ guọnọ owẹ.

Une rẹ Ejiro 128:1

Ebruphihọ kẹ ohwo kohwo rọ djẹ oshọ rẹ Ọrovwohwo na, rọ yan phihọ idjerhe rọye!

Une rẹ Ejiro 86:11

yono uvwe idjerhe wẹn, E Ọrovwohwo, rere me yan phihọ uyota wẹn; ku udu mẹ gbe rọ vwo djẹ oshọ wẹn.

Une rẹ Ejiro 56:13

Kidie wẹ ri sivwi ẹnwẹ mẹ nẹ ughwu, e, awọ mẹ nẹ eshe, rere me vwọ yan nene Ọghẹnẹ vwẹ urhukpẹ rẹ arhọ na.

Une rẹ Ejiro 26:11

Ẹkẹvuọvo vwọ kẹ vwẹ, me yan vwẹ evun ọfuanfon mẹ; tan vwẹ, re wo ni arodọvwẹ mẹ.

Une rẹ Ejiro 16:8

Mi phi Ọrovwohwo phihọ obaro mẹ vwẹ ọke ejobi, fikiridie ọ he obọrhe mẹ, mi gbi se ghwie-e.

Ivie rẹ Ivẹ 20:3

Karohọ asakiephana, E Ọrovwohwo, me rẹ wẹ, obo ri mi vwẹ segbuyota vẹ udu mẹ ejobi vwọ yan kpahe owẹ, mi de ru obo ri shehọ vwẹ obaro wẹn. Hẹzikaya da viẹ gangan.

1 Ivie 2:4

rere Ọrovwohwo vwo ru ota rọye rọ ta kpahe ovwẹ gba, tanẹ, emọ wẹn da jomaotọ vwẹ idjerhe rayen, re ayen da yan nene uvwe vwẹ uyota vwẹ udu rayen ejobi kugbe ẹwẹn rayen ejobi, ohwo gbe sa kanre owẹ-ẹ ro tidia vwẹ ekete rẹ Izrẹl.

Urhi Rivẹ 28:9

Ọrovwohwo cha vwẹ ovwan mu ihwo efuanfon kẹ oma rọye, kirobo ro ve kẹ ovwan, ọ da dianẹ ovwan yọnrọn irhi rẹ Ọrovwohwo rẹ Ọghẹnẹ rẹ ovwan ro da yan vwi idjerhe rọye.

Urhi Rivẹ 13:4

Wa Me yan nene Ọrovwohwo rẹ ovwan na, wa Me djẹ oshọ yọnrọn irhi rọye, vwo nyo urhuru rọye, wa Me ga re wa je gba oma muo.

Urhi Rivẹ 5:33

Wa yan vwẹ idjerhe na ejobi rẹ Ọrovwohwo Ọghẹnẹ rẹ ovwan ji iji kẹ ovwan, rere wa rhọ kugbe rere o vwo yovwi kẹ ovwan kugbe rere ẹdẹ rẹ ovwan vwo gro vwẹ otọ rẹ ovwan che yeri na.

Ẹyano 16:4

Etiyin Ọrovwohwo da ta kẹ Mosis, Nighe, Me cha rhọ emu nẹ enu rhe kẹ ovwan, ihwo na ke ra tọrọ uche rẹ ẹdọke ọvuọvo, rere mi vwo vughe ovwan, sẹ ayen yan nene urhi mẹ eyẹ ẹjo.

Jẹnẹsis 5:24

Inọk da yan nene Ọghẹnẹ o gbi ghwu-u, fikiridie Ọghẹnẹ reyerọ.

1 Kọrẹnt 7:17

Emu ọvo rọ herọ na, e jẹn ohwo ọvuọvo yere akpọ rọye kirobo rẹ Ọrovwohwo ghare kẹ, rẹ Ọghẹnẹ sere phihọ. Ọnana hẹ urhi mẹ vwẹ ishọshi na ejobi.

Jẹnẹsis 5:21

Ri Inọk vwọ dia akpọ ikpe ujorha gbe iyori nu, ọ da rhe dia ọsẹ ri Metusela.

Jẹnẹsis 5:23

Kọye ẹdẹ rẹ akpọ rẹ Inọk ejobi da dia uri gbe ujorenre gbe iyori.