Jẹnẹsis 49:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Juda, imoni wẹn ejobi ki jiri uwe; obọ wẹn kọ yọnrọn ubiupho rẹ ivwighrẹ wẹn; Emọ rẹ ọsẹ wẹn ki diguẹ te otọ kẹ wẹ.

Jẹnẹsis 49:8 Referans Kwoze

Hibru 7:14

Kidie o muẹro nẹ orua ri Juda ọye Ọrovwavwanre nurhe, yi Mosis ta ota rẹ orherẹn ọvuọvo kpahe orua yena-a.

Jẹnẹsis 27:29

Jẹn ihwo ga wẹ, irere ki shiguẹ kẹ wẹ. Ku wọ dia olori vwẹ enu rẹ iniọvo wẹn Jẹn emọ rẹ oni wẹn vwẹ uyovwi te otọ kẹ wẹ. Eka kẹ ohwo rọ harha owẹ Ẹrhovwo kẹ ohwo rọ nẹ ẹrhovwo kẹ wẹ.

1 Ikun rẹ Ivie 5:2

owenẹ Juda hirhe ohwo ọgangan vwẹ ohri rẹ iniọvo rọye ọ dianẹ ovie nẹ oma rọye rhe, jẹ ogangan rẹ ọmọkpako ọ ri Josẹf).

Joshua 10:24

Ọke rẹ ayen vwọ vwẹ ivie na rhe Joshua, Joshua de se ihwo rẹ Izrẹl ejobi, ọ da ta kẹ igbuyovwi rẹ ofovwi na ri nenire ra na, We bi kẹrẹ ovwẹ, wa vwẹ awọ rẹ ovwan vwo chiyi ohọre rẹ ivie nana. Etiyin ayen de ghine bi kẹrẹ, ayen da vwẹ awọ chiyi ehọre rayen.

Urhi Rivẹ 33:7

Enẹ ọ ta kpahe Juda; Nyo, E Ọrovwohwo, urhuru ri Juda reyọ vwo bru ihwo rọye rhe. Vwẹ abọ wẹn họnre vwọ kẹ wọ dia ukọn kẹ ivwighrẹ rọye.

Jẹnẹsis 29:35

Ọ rhoma mrevun o de vwiẹ ọmọshare, ọ da ta, Vwẹ ọke nana ki mi jiri Ọrovwohwo; fiki rẹ ọtiọye na o de se odẹ rọye Juda, o de bru uvwiẹ.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 5:5

Etiyin ọvo vwẹ ekpako na da ta kẹ vwẹ, Wọ viẹ-ẹ; nighe, Okpohrokpo rẹ orua ri Juda na, Owọ ri Devid, o phi kparobọ nure, kọye ri se rhie ọbe na kugbe isiaphrẹ ighwrẹ na.

Hibru 10:13

kọ hẹrhẹ bẹsiẹ ra vwọ vwẹ ivwighrẹ rọye hwa otọ kẹ chiyi.

Izikiẹl 21:29

rẹ ayen vwọ mrẹ emramrẹ rẹ efian kẹ wẹ, rẹ ayen vwọ bọ epha rẹ efian kẹ wẹ–rere a vwọ ya ohọre rẹ ọ ro jẹfuọn ohwo umwemwu na, rẹ ẹdẹ rọye gba nure na, ọke rẹ ehwe rẹ obo oba rọye te re.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Une rẹ Ejiro 76:1

Vwi Juda a da riẹn Ọghẹnẹ, odẹ rọye ọrhuarho vwẹ Izrẹl.

2 Ikun rẹ Ivie 30:11

Imihwo rẹ Asha vẹ ẹ ri Manasse, kugbe Zẹbulọn re vwẹ oma kpotọ ayen da rhe Jerusalẹm.

2 Ikun rẹ Ivie 17:2

Ọ de phi unuofovwi phihọ irere ri Juda ra gba ogba riariẹ, o de phi unuofovwi buebu phihọ otọ ri Juda, kugbe irere rẹ Ifrem rẹ Asa rẹ ọsẹ rọye reyọre jovwo.

2 Ikun rẹ Ivie 15:9

O da ghwẹ Juda ejobi kugbe Bẹnjamin koko, kugbe ihwo ri nẹ Ifrem rhe, Manasse, kugbe Simiọn re kua bru ayen rhe re dia, kidie ihwo buebu kua nẹ Izrẹl bru ayen rhe rẹ ayen vwọ mrẹ ne Ọrovwohwo Ọghẹnẹ rọye vẹ ọye herọ.

2 Ikun rẹ Ivie 14:8

Asa de vwo unuofovwi rẹ ihwo uriori ujori erha nẹ Juda rhe, re ghwa ekọlọ vẹ ibiri, kugbe ihwo uriori ujori ivẹ gbe ujọnẹ nẹ Bẹnjamin rhe, re ghwa ekpọfia vẹ umurhabọ, enana ejobi na egba ri yinvwaro.

2 Samuẹl 24:9

Joab da vwẹ uchunu rẹ ihwo na vwọ kẹ ovie; Vwẹ evun rẹ Izrẹl ọ da dia odu ẹrenre rẹ inotu ri phi ofovwi; Eshare ri Juda da dia odu ẹrenre.

2 Samuẹl 22:41

Wọ nẹrhẹ ivwighrẹ mẹ chuko ku vwe, ihwo ri tuoma mẹ, me da guọghọ ayen.

2 Samuẹl 5:3

Ọye ekpako rẹ Izrẹl ejobi de bru Devid rhe vwi Hebrọn; ọye ovie Devid rẹ ayen da re ọphọ vwi Hebrọn vwẹ obaro rẹ Ọrovwohwo, ayen da vwi Devid mu ovie vwẹ enu rẹ Izrẹl.

Iguẹdjọ 20:18

Ihwo rẹ Izrẹl na de vrẹn yanran kpo Bẹtẹl, ra nọ Ọghẹnẹ nẹ, Kono vwẹ usun rẹ avwanre na re cha ka yanran ra họnre ihwo ri Bẹnjamin na? Etiyin Ọrovwohwo da tanẹ, Juda re cha ka yanran.

Ukeri 26:22

Enana keye orua ri Juda kirobo rẹ unu rayen epha, uriori ujorha gbe ihwe gbe esan kugbe ujori iyori.

Ukeri 10:14

Aphiana rẹ erhọn rẹ ihwo ri Juda da ka ka obaro otuotu; ohwo ro vwo uyovwi vwẹ otu na da dia Nahshọn rẹ ọmọ Amminadab.

Ukeri 1:27

ihwo rẹ orua ri Juda, da dia uriori ujorha gbe ihwẹne kugbe ujori esan.

Jẹnẹsis 46:12

Emọ ri Juda: Ẹr, Ọnan, Shelah, Pẹrẹz, vi Zerah (ẹkẹvuọvo Ẹr vẹ Ọnan de ghwu vwẹ otọ ri Kenan); emọ ri Pẹrẹz ke rha Hezron vi Hamul.

Jẹnẹsis 42:6

Vwẹ ọke nana Josẹf kọye osun rẹ otọ na ejobi; ọye je ohwo rọ shẹ kẹ ihwo rẹ otọ na ejobi. Emesẹ ri Josẹf na da rhe, ayen de diguẹ bọvwọ epharo rhu otọ vwọ kẹ.

Ukeri 26:20

Emọ ri Juda kirobo rẹ orua rayen epha da dia: ọ ri Shelah, rẹ orua rẹ ihwo ri Shelah; ọri Pẹrẹz, re orua rẹ ihwo ri Pẹrẹz; ọri Zerah, rẹ orua rẹ ihwo rẹ Zerah.

1 Ikun rẹ Ivie 28:4

Yẹ Ọrovwohwo Ọghẹnẹ rẹ Izrẹl jẹ vwẹ reyọ vwẹ uwevwi rẹ ọsẹ mẹ nẹ me dia ovie vwẹ enu rẹ Izrẹl bẹdẹ; kidie ọ jẹ Juda reyọ nẹ ọ dia osun, vwẹ uwevwi ri Juda ọ da jẹ uwevwi rẹ ọsẹ mẹ, vwẹ ohri rẹ emọ rẹ ọsẹ mẹ, ivun mẹ da vwerhọ. Ọ da vwo ovwẹ ru ovie vwẹ enu rẹ Izrẹl ejobi.

Joshua 15:20

Ọnana kọye ukuẹriọ rẹ orua rẹ ihwo ri Juda kirobo rẹ ekru rayen epha.