Jẹnẹsis 49:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kọ gba upene rẹ ekẹtẹkẹtẹ mui vain ekẹtẹkẹtẹ na ke churo mui vain ro fori, kọ hworhẹ ewun rọye vwẹ udi ri vain adagba rọye vwe ọbara ri otiẹ;

Jẹnẹsis 49:11 Referans Kwoze

Ẹvwọphia 7:14

Me da ta kẹ, ọrovwori, wẹ re riẹnrẹ. Ọ da ta kẹ vwẹ, Enana hẹ ihwo ri nẹ evun rẹ ukpokpogho rode na rhe; ayen fọnrhọn edagba rayen fon vwẹ ọbara rẹ Omogodẹ na.

Joẹl 3:18

Vwẹ ẹdẹ yena udi ọvwevwerhe ko che sun nẹ igbenu na rhe, ame-ivie ki che sun nẹ igbenu itete na rhe, ukpọkẹre ri Juda ejobi ke cha djẹ ọkẹre rẹ ame, ogbugbu ọvo kọ cha djẹ nẹ uwevwi rẹ Ọrovwohwo rhe kọ cha kpọrhọ iyara ri Shitim.

Ẹvwọphia 19:18

re ovwan re ivwo rẹ ivie, ivwo rẹ inotu, ivwo rẹ egba ride, ivwo rẹ esi kugbe otu re gua, ivwo rẹ ihwo ejobi, te eviẹn te imuvwiẹ, te ihwo ride vẹ itete.

Maika 4:4

ẹkẹvuọvo dohwo dotọ ri vain kugbe fig rọye ki che tidia, ohwo ọvuọvo gbe djẹ oshọ mu aye-en, kidie unu rẹ Ọrovwohwo re otuofovwi na tarọ nure.

1 Ivie 4:25

Te Juda kugbe Izrẹl da dia vwẹ ufuoma, nẹ Dan re te Beersbeba, dohwo dotọ ri vain rọye kugbe otọ ri fig rọye vwẹ ẹdẹ ri Solomọn ejobi.

1 Ivie 4:20

Juda vẹ Izrẹl epha buebu kerẹ ibiekpẹn re hẹ oma rẹ urhie; ayen ria ayen, ayen je da, oma ghwa vwerhe ayen.

Ivie rẹ Ivẹ 18:32

bẹsiẹ re me cha vwọ reyọ ovwan yanran vwo kpo otọ rọ họhọ otọ rẹ ovwan na, otọ rẹ eka vẹ udi, otọ rẹ ikara vẹ ọgbọ ri vain, otọ rẹ irhe rẹ oliv vẹ ame rẹ ọnyọn, rere wa vwọ rhọ, rere ovwan vwo je ghwo. Wa kerhọ ri Hẹzikaya siẹn ro de sun ovwan ghwrẹ rọ da tanẹ, Ọrovwohwo che sivwi avwanre.

Ẹvwọphia 14:20

E de re chiyi vain na vwẹ okọ rẹ imiemi vwẹ ughere rẹ orere na, ọbara da mwavwe nẹ evun rẹ okọ rẹ imiemi na rhe, ọbara na tobọ re erhuẹn phihọ dede, ọ da djẹ ọkẹre ichiyi uriori kugbe ujori esan.

Jẹnẹsis 49:12

ẹro rọye kọ vwara gbae fiki ri wain, ako rọye kọ fon toto fiki rẹ ameivie.

Urhi Rivẹ 8:7

Kidie Ọrovwohwo Ọghẹnẹ wẹn na, reyọ owẹ rhe otọ esiri na, otọ rẹ uto rẹ ame, ọ rẹ ogbugbu vẹ erhare ri hwẹ nẹ iyara vẹ ugbenu cha;

Urhi Rivẹ 8:8

otọ rẹ ọka vi bali, irhe ri vain, vẹ irhe ri fig kugbe pomegranate, otọ rẹ evwri rẹ oliv vẹ ọnyọn;

Urhi Rivẹ 32:14

Ameivie orhierhi rẹ ẹvwe, kugbe ameivie ro nẹ igegede rhe kugbe ivwri rẹ emọ rẹ igegede vẹ egbo, uchuru ri Bashan kugbe ẹvwe kugbe eka ri Me yovwi ejobi vwẹ evun rẹ ọbara ri otie wọ da da wain

Emọs 9:13

Nighere, ẹdẹ cha, eriyin Ọrovwohwo na tare, rẹ ovorivoro de che voro wan ihwo ri vuẹ orhọ rẹ ohwo ro chiyi edi da ra yan mu ohwo rọ kọn ibiedi, igbenu na ke cha djẹ ọkẹre rẹ udi rẹ ọmiẹmiẹ. igbenu rẹ itete na ejobi ki che hwerhe ọkẹre rọye.

Ẹvwọphia 7:7

orua ri Simiọn a ka oka phihọ uriori ihwivẹ orua ri Livae a ka oka phihọ uriori ihwivẹ orua rẹ Isaka a ka oka phihọ uriori ihwivẹ