Jẹnẹsis 49:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Jẹnẹsis 49:10 Referans Kwoze

Ukeri 24:17

Me mrẹrẹ, ẹkẹvuọvo yọ dia asakiephana-a, mi niro ẹkẹvuọvo o si kẹrẹ-ẹ isio ọvo che nẹ oma ri Jekọp rhe ọkpọ ọvo che nẹ evun rẹ Izrẹl rhe; Kọ cha guọghọ uyovwi ri Moab, ko che vwirhi emọ ri Shet kuotọ.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Une rẹ Ejiro 60:7

Giliad ọ mẹ, Manasse ọ mẹ; Ifrem ọye erhu mẹ; Juda ọye ọkpọ mẹ.

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Hibru 7:14

Kidie o muẹro nẹ orua ri Juda ọye Ọrovwavwanre nurhe, yi Mosis ta ota rẹ orherẹn ọvuọvo kpahe orua yena-a.

Zekaraya 10:11

Ayen cha wan urhie rẹ Ijipt vrẹn, ka teye ọgbogho rẹ urhie na, ru ikokodo rẹ Nile ejobi yamu. A vwẹ eheri rẹ Asiria totọ, ọkpọ rẹ uvie rẹ Ijipt gbe dia-a.

Izikiẹl 21:27

Eghwọrọ, eghwọrọ, eghwọrọ, mi che ruo; omogẹngẹn rọye che chekọ-ọ bẹsiẹ re ọ ro vwo asan na cha vwọ rhe, ọye me cha vwọ kẹ.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ọbe ri Pọl si rhe Ihwo ri Rom 15:12

Ọfa, Aizaya tare nẹ, Vwẹ evun rẹ uvwiẹ ri Jẹsse na ohwo ọvo che mu ro che sun ihwo ri Keferi; ọye ihwo ri Keferi na che phiẹrohọ.

Iyẹnrẹ Esiri ri Jọn 12:32

mẹvwẹ dẹn, ọke ra da kpare ovwẹ kpenu nẹ akpọ na, ki mi si ihwo buebu nene oma mẹ.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Jerimaya 30:21

Ovie rayen kọ dia ohwo ro nẹ ohri rayen rhe, uherevie rayen osun rayen nurhe. Mi sio kẹro oma, ko si kẹrẹ ovwẹ, kidie ono sa vwẹ ọhọrobọ rọye si kẹrẹ ovwẹ? eriyin Ọrovwohwo tare.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Iyẹnrẹ Esiri ri Jọn 19:15

Ayen de kuvwie, A vwọ yanran, a vwọ yanran, kanrọ mu agbagba! Pailet da ta kẹ ayen, Ke me kanre Ovie rẹ ovwan mu agbagba? Ilori rẹ irherẹn na da kpahe, Avwanre vwo ovie-e jokpa rẹ Siza.

Matiu 1:21

O che vwiẹ ọmọ ku wo se odẹ rọye Jesu, fikiridie ọye che sivwi ihwo rọye nẹ umwemwu.

Aizaya 62:11

Nighere, Ọrovwohwo na ghwoghwo nure ke oba re akpọ na duvwu. Ta kẹ ọmọtẹ ri Zayọn, Nighere, esivwo wẹn na rhire; nighere, osa ẹhwa rọye rhere, ẹse ẹkpẹvwẹ rọye ji rhe.

Hosia 11:12

Ifrem vwọron efia rhurhu uvwe uwevwi rẹ Izrẹl vẹ ọphiẹnvwẹ; ẹkẹvuọvo Ọghẹnẹ je riẹn Juda, ọ je hẹ ohwo rẹ uyota kẹ Ọfuanfon Ọvuọvo na.

Aizaya 60:1

Vrẹn lo, kidie urhukpẹ wẹn rhire, urinrin rẹ Ọrovwohwo bẹre mu we re.

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Une rẹ Ejiro 108:8

Giliad ọ mẹ; Manasse ọ mẹ, Ifrem ọye erhu mẹ; Juda ọye ọkpọ mẹ.

Ukeri 21:18

orhare rẹ isun tọnre; rẹ ehọnvwọre rẹ ihwo na ghwẹre, vẹ ọkpọ kugbe ugbọphogho rayen. Nẹ aton na ayen da yan kpo Mattanah,

Matiu 25:32

Ka cha ghwẹ ẹgborho rẹ akpọ na ejobi koko obaro rọye; ko hẹriẹ ayen ohwohwo nohwo kerẹsiẹ rẹ osuigodẹ a da hẹriẹ igode nẹ usun rẹ ẹvwe.

Matiu 21:9

Usun rẹ ihwo ri nenire vwẹ obaro vẹ obuko, de kuvwie, Hozana kẹ Ọmọ ri Devid; Ebruphihọ kẹ ohwo rọ rhere vwẹ odẹ rẹ Ọrovwohwo; Hozana vwẹ asan ro kpenu.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Daniẹl 9:25

gba mrẹ vughe rọ je ro wẹ nẹ, eyanran rẹ ota na ro phio phihọ edia kugbe erhuẹrẹ phihọ ri Jerusalẹm re te ẹcha rẹ osun na, ọ ra vwẹ ori te na, ẹdidjana ighwrẹn re cha dia. Edidjana ujorha gbe ivẹ ka cha rhuẹrẹ tọn phihọ vẹ irhuvwu rọye ra ka ugbo phihọ, ke dia ọke rẹ ukpokpogho.

Izikiẹl 19:14

Erhanre da la nẹ ugboma rọye rhe, ọ da ra torhẹ eghọn rọye vẹ emamọ rọye, omamọ rẹ ugboma rọ ganre gbi rhe-e, o rhe vwo ọkpọ rẹ ovie-e. Ọnana hẹ uvwerhe, ọ da rhe dia uvwerhe.

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

Iyẹnrẹ Esiri ri Jọn 19:12

Vwẹ ọnana kọye Pailet vwọ guọnọ siobọ no, ẹkẹvuọvo ihwo ri Ju na de kuvwie, Wo de siobọ nẹ ohwo nana, yu wọ gbe dia ugbeyan rẹ Siza-a; kohwo kohwo rọ vwẹ oma rọye ru ovie yo gbe kpahe Siza.

Iyẹnrẹ Esiri ri Jọn 18:31

Pailet da ta kẹ ayen, Ekpuyovwi rẹ ovwan ọvo reyọ vwo gu ẹdjọ nene urhi rẹ ovwan. Ihwo ri Ju na da ta kẹ, Ọ fori kẹ avwanre re vwo hwe ohwo ghwu-u.

Izikiẹl 19:11

Ugboma rọye rọ ma gan ejobi de rhi hirhe phihọ ọkpọ rẹ ovie, ọ da tan gogorogo kpenu vwẹ ohri rẹ eghọn ri chekọ na, a da mrẹ vwe asan ro kpenu te vẹ eghọn rọye re pha gbidi na.

Iyẹnrẹ Esiri ri Jọn 9:7

ọ da ta kẹ, Yanran, ra họ vwẹ ẹtẹrhe si Sailom (otọ rọye Ejo). Ọtiọye ọ da yanran ra họ ọ da rhe ọ da mrẹ orẹ.

Urhi Rivẹ 28:57

ubrevwiẹ rọye kugbe emọ rọye ro vwiẹri, kidie ọ cha bẹbẹ re ayen, fiki rẹ ọkarovwẹ re emu ejobi, vwẹ ẹgbariariẹ vẹ ukpokpogho rẹ ovweghrẹ rẹ ovwan cha vwọ kẹ ovwan vwẹ irho rẹ ovwan na.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Ukeri 24:19

Oma ri Jekọp etiyin ogangan rẹ isuesun che nurhe ihwo re djẹ rhọ vwẹ irere na ka ghwọrọ ayen.

2 Samuẹl 7:13

Kọ bọn uwevwi phihọ vwẹ odẹ mẹ ke Me vwẹ uvie rọye muotọ bẹdẹ.

2 Samuẹl 7:16

Uwevwi wẹn vẹ uvie wẹn vẹ ekete wẹn kọ dia bẹdẹ.

1 Ikun rẹ Ivie 12:24

Ihwo ri Juda re ghwa ekpọfia vẹ oshuẹ da dia ihwo uriori esan gbẹ ujori ẹne ri mu oda.

1 Ikun rẹ Ivie 12:39

Ayen vi Devid da dia etiyin ẹdẹ erha re ria re da, fikiridie imoni rayen choma hẹrhẹ ayen.

Une rẹ Ejiro 60:9

Kono sa vwẹ ovwẹ tẹ orere ra gba ogba phihọ na? Kono se sun vwe kpo Idọm?

Une rẹ Ejiro 78:68

ẹkẹvuọvo ọ da je orua ri Juda reyọ, Ugbenu ri Zayọn, rọ guọnọre.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Izikiẹl 21:32

Ka vwẹ owẹ roro irhe vwo mu erhanre; ọbara wẹn kọ cha dia uherevie rẹ otọ na, a gbe karohọ owẹ ọfa-a, kidie mẹvwẹ Ọrovwohwo tarọ nure.

Maika 5:1

Asakiephana e mu ogba rẹ ekpẹn riariẹ owẹ phihọ a gba ohẹrhẹ riariẹ avwanre phihọ ukpokpo kọye ayen vwọ fa ọhwa rẹ isun rẹ Izrẹl.