Jẹnẹsis 48:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọ nẹ ẹrhovwo ki Josẹf, ọ da ta, Ọghẹnẹ rẹ Ebraham vẹ Aizik rẹ esẹ mẹ yan nene, Ọghẹnẹ ro sun vwe vwẹ akpọ mẹ rhi te nonẹ,

Jẹnẹsis 48:15 Referans Kwoze

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Kolose 2:6

Kirobo rẹ ovwan reyọ Jesu Kristi Ọrovwohwo na ovwan yan nene ọtiọye.

Hibru 11:21

Vwẹ esegbuyota ọye Jekọp vwọ nẹ ẹrhovwo kẹ emọ ri Josẹf vwẹ ọke ro vwo ghwẹ, rọ vwọ ghwoma nyẹ ọkpọ rọye ọ da ga Ọghẹnẹ rọye.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

1 Kọrẹnt 10:31

Ọtiọye na, owenẹ wọ rere eyẹ wọ dare, eyẹ kemu kemu wo ruru, ru ayen ejobi vwọ kẹ urinrin rẹ Ọghẹnẹ.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

Jerimaya 8:2

ka hra ayen phihọ kẹ ọnre vẹ emeranvwe kugbe otu re hẹ obenu ejobi, e rẹ ayen guọnọre rẹ ayen je ga na, rẹ ayen yan nene na, rẹ ayen nenesi rọye, rẹ ayen vwẹ uyovwi kpotọ kẹ; a gbe sa ghwẹ ayen koko-o, e ji se shi ayẹ-ẹn ayen ke họhọ isọn vwẹ otọ na.

Aizaya 33:16

Kọ cha dia asan ro kpenu; asan ekpọfia rọye ọye uwevwi rẹ oragha, a vwe emuọre rọye ke, ame rọye ro da omuero

Aizaya 30:21

Erhọn wẹn ki che nyo ota vwẹ obuko wẹn, tanẹ. Ọnana he Idjerhe na, yan nene, vwe ọke wọ da rhẹriẹ oma kpo obọrhe kugbe ọke wọ da rhẹriẹ oma kpọ ọhọhwere.

Aghwoghwo 6:7

Unu ọye ohwo wian owian na ejobi kẹ, yẹ urhuru sivwe rọye se fue-e.

Aghwoghwo 5:18

Nighe, obo me mrẹre nẹ oyovwiri nẹ o fori rere a re rere a da rere e vwo omavwerhovwẹ vwẹ owian na ejobi rẹ ohwo wianre vwẹ uchẹ ẹdẹ rẹ Ọghẹnẹ vwọ kẹ vwẹ otọ rẹ ọnre na, kidie ọnana ẹkẹn ro tere.

Aghwoghwo 5:12

Ovwerhẹ rẹ ọgbowian miẹmiẹ, owenẹ ọ re emu bu eyẹ ọ re bu-u; ẹkẹvuọvo efe obuebu ja mrẹ ovwerhẹ vwerhẹ-ẹ.

Une rẹ Ejiro 37:3

Vwẹ ẹro so Ọrovwohwo, ru wo ru ọ re esiri ko wọ dia otọ na, oma ko fu we.

Une rẹ Ejiro 23:1

Ọrovwohwo hẹ osuigodẹ mẹ, me gbe guọnọ ọfa-a,

Une rẹ Ejiro 16:8

Mi phi Ọrovwohwo phihọ obaro mẹ vwẹ ọke ejobi, fikiridie ọ he obọrhe mẹ, mi gbi se ghwie-e.

1 Ivie 3:6

Solomọn da ta, Wọ nabọ vwẹ ẹguọnọ ro jẹ rhẹriẹ kẹ odibo wẹn Devid ọsẹ mẹ, fikiridie ọ yan nene uwe vwẹ esegbuyota, ọvwata kugbe udu esiri ro vwo kpahe owẹ. wo de ji vwo ẹguọnọ ro jẹ rhẹriẹ rode na kẹ, wọ da vwẹ ọmọ kẹ rere o tidia vwẹ ekete rọye kirobo rọ epha nonẹ na.

Urhi Rivẹ 33:1

Ọnana ẹrhovwo ri Mosis rẹ ohwo rẹ Ọghẹnẹ nẹ kẹ emọ rẹ Izrẹl tavwe ro ki ghwu.

Jẹnẹsis 49:28

Enana ejobi na eye orua ihwivẹ rẹ Izrẹl; Ọnana kọye obo rẹ ọsẹ rayen ta kẹ ayen rọ vwọ nẹ ẹrhovwo kẹ ayen, dohwo dẹrhovwo ro foro.

Jẹnẹsis 49:24

dede na umurhabọ rọye yegherii, Etiyin abọ rọye ke tua vwẹ obọ rẹ Ogangan ọvuọvo ri Jekọp (vwẹ odẹ rẹ Osuigodẹ, Orhaga rẹ Izrẹl).

Jẹnẹsis 48:16

amakashe rọ tan vwẹ nẹ idẹbono ejobi, bruphihọ kẹ emọ nana; jẹn odẹ mẹ wan oma rayen va phia, kugbe odẹ rẹ esẹ mẹ Ebraham vẹ Aizik; jẹn ayen bu phihọ ẹgborho vwẹ enu rẹ akpọ na.

Jẹnẹsis 28:22

ubioragha nana, ri mi vwo vi na, kọ dia uwevwi rẹ Ọghẹnẹ, kemu kemu ejobi ru wọ vwọ kẹ vwẹ ke Me reyọ ẹkihwe vwọ kẹ wẹ.

Jẹnẹsis 28:20

Etiyin Jekọp de vẹ ive tanẹ, O da dianẹ Ọghẹnẹ vẹ ovwẹ da dia, rọ da sẹro mẹ vwẹ idjerhe re Me cha wan na, rọ da kẹ vwẹ emuọre kugbe amwa vwo rhuo,

Jẹnẹsis 28:3

Ọghẹnẹ ro vwo Ẹgba o bruphihọ kẹ wẹ ro ru we ogbaọmiọvwọ ru wo bu, ru wọ rhe dia egbotu.

Jẹnẹsis 27:4

ru wo chere emu ọvwevwerhe kẹ vwẹ, emu rọ vwerhe ovwẹ, ru wo muo rhe vwe re Me re, rere Me nẹ ẹrhovwo kẹ wẹ mi ki ghwu.

Jẹnẹsis 24:20

Kpata kpata na o de ghwe rhurie ame na phihọ odo, ọ da ghwa djẹ yanran re vo vwọ kẹ iyesi na.

Jẹnẹsis 6:9

Enana ke ye orua ri Noa. Noa kẹ ọvwata oruẹ, o vwo eka vwẹ orua rọye na-a; Noa da yan kpahọ Ọghẹnẹ.

1 Tẹsalonaika 2:12

Avwanre rẹre rere eyere rẹ ovwan se vwo she phihọ kerẹ emọ rẹ Ọghẹnẹ re se rhe re uvie robọ rọye kugbe urinrin rọye.

Ẹyano 3:16

Yanran ra ghwẹ ekpako rẹ Izrẹl na koko, re wọ ta kẹ ayen, Ọrovwohwo na, Ọghẹnẹ rẹ ọsẹ rẹ ovwan, Ọghẹnẹ rẹ Ebraham, ọ rẹ Aizik, vẹ ọ rẹ Jekọp, vwẹ oma phia kẹ vwẹ, tanẹ, me nabọ ni we mu vẹ obo rẹ e ruẹ uwe vwẹ Ijipt;

Ẹyano 4:5

Ọnana kọye ayen vwo segbuyota nẹ Ọrovwohwo Ọghẹnẹ rẹ esẹ rayen, Ọghẹnẹ rẹ Ebraham, Ọghẹnẹ rẹ Aizik, kugbe Ọghẹnẹ rẹ Jekọp, vwẹ oma phia kẹ wẹ.

1 Ikun rẹ Ivie 5:1

Emọ ri Rubẹn rẹ ọmọkpako rẹ Izrẹl, (fikiridie ọye ọmọkpako; kidie o miovwi ehwa rẹ ọsẹ rọye ku, a da reyọ ọmọkpako rọye vwọ kẹ emọ ri Josẹf rẹ ọmọ rẹ Izrẹl fiki rẹ ọtiọye o gbi je kere phihọ orua rẹ ọmọkpako-o kirobo rẹ urhi rẹ ọmọkpako epha,

Jẹnẹsis 24:40

Ẹkẹvuọvo ọ da ta kẹ vwẹ, Ọrovwohwo na re Me yan nene na, ko ji amakashe rọye nene uwe kọ kẹ wẹ aruesiri rọye vwẹ idjerhe wẹn ejobi, ku wọ reyọ aye kẹ ọmọ mẹ vwẹ evun rẹ ekru mẹ kugbe uwevwi rẹ ọsẹ mẹ;

Jẹnẹsis 27:27

O de si kẹrẹ ọ da fiọnfiọn, ọ da vwẹ ewu rọye gbọrhe ọ da nẹ ẹrhovwo kẹ, ọ da ta, No, ọnrhẹn rẹ ọmọ mẹ kiri ọnrhe rẹ okogbe rẹ Ọrovwohwo bruphihọ kẹ,

Jẹnẹsis 35:3

we jẹn avwanre vrẹn re e kpo Bẹtẹl, re Me dia oboyi so agbada kẹ Ọghẹnẹ ro nyo vwe vwẹ ọke rẹ ukpokpogho, rọ vẹ ovwẹ herọ vwẹ asan kasan Me rare ejobi.

Jẹnẹsis 49:22

Josẹf abọ rẹ urhe rọ riẹmọ, abọ re urhe rọ riẹmọ vwẹ orhoma rẹ urhie, abọ rọye de gro vrẹn enu rẹ ogba.