Jẹnẹsis 47:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Josẹf da kpahe, Kẹ vwẹ uchuru wẹn, ki mi vwẹ emuọre wene uchuru na kẹ wẹ, o da dianẹ igho wẹn reri.

Jẹnẹsis 47:16 Referans Kwoze

Kolose 4:5

Vwẹ aghwanre nene ihwo rẹ obada yeri we kuẹ ọke fia-a.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

1 Kọrẹnt 10:32

Wọ sua eshe kẹ ihwo ri Ju eyẹ ihwo ri Grik eyẹ vwọ kẹ ishọshi rẹ Ọghẹnẹ-ẹ.

Isẹ 12:17

Ohwo rọ ta uyota ọye ri se oseri rẹ uyota, ẹkẹvuọvo ọvwọron efian ophiẹvwẹ ọye oguẹ.

Jẹnẹsis 47:15

Ọke rẹ igho rẹ otọ rẹ Ijipt kugbe otọ ri Kenan vwo re nu, ihwo rẹ Ijipt ejobi de bru Josẹf rhe, ayen da ta, Kẹ avwanre emu, die avwanre di vwo ghwu vwẹ irharo wẹn? Kidie igho rẹ avwanre reri.

Jẹnẹsis 47:17

Etiyin ayen da ghwẹ uchuru rayen rhe Josẹf; Josẹf da vwẹ emuọre wene iyesi, igodẹ, uchuru vẹ ekẹtẹkẹtẹ rayen, ọ da vwẹ emu wene uchuru rayen ejobi ukpe yena.