Jẹnẹsis 47:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Josẹf kọye re ghẹrẹ ọsẹ rọye vẹ emesẹ rọye kugbe evwruwevwi rẹ ọsẹ rọye ejobi, ọtiobo rẹ unu re ria emu vwẹ uwevwi rayen bute.

Jẹnẹsis 47:12 Referans Kwoze

Jẹnẹsis 45:11

kẹ Etiyin Me da ghẹre owẹ, kidie ikpe iyori soso rẹ owẹvwe na ji chekọ, ọ rha dia eriyi-in te owẹ te evwruwevwi wẹn ejobi, kugbe obo wo vwori ejobi da rhe kpẹn abọ rẹ.

1 Timoti 5:8

Ohwo rọ rha kọn okọn phihọ otọ kẹ imoni rọye-e, marho kẹ ekru rohọ rọye, yọ yọnrọn esegbuyota na-a yẹ ohwo yena hra nọ ohwo ro ji segbuyota-a.

1 Timoti 5:4

Ọ da dianẹ ayeuku de vwiẹ emọ eyẹ ivwrọmọ, e jẹn ayen ke yono iruo rẹ egagọ na tavwe re ayen ga esẹ vẹ ini rayen re ayen bwa osa rẹ ẹghẹrẹ rayen kẹ ayen; kidie ona ri fo ẹreyọ vwẹ obaro rẹ Ọghẹnẹ.

1 Timoti 4:8

kidie rẹ cha ẹha vwo vwo eme erere na, uyoyovwi kọye me vwo erere vwẹ idjerhe kidjerhe, o vwo osa vwẹ akpọ nana nu o ki ji vwo osa vwẹ akpọ rọ cha.

1 Tẹsalonaika 2:7

Ẹkẹvuọvo avwanre ruru dẹndẹn vwẹ ohri rẹ ovwan, kerẹsiẹ rẹ ọmiọvwọ a da ghẹrẹ emọ rọye.

Rutu 4:15

Kọ cha dia ohwo rọ rhọvwọ arhọ wẹn kugbe ohwo ro ni we ghwo; fiki rẹ aye rẹ ọmọ wẹ rọ guọnọ owẹ, rọ ghare kẹ wẹ nọ emeshare ighwrẹ, re vwiẹ kẹ.

Ẹyano 20:12

Mu ọghọ kẹ ọsẹ wẹn vẹ oni wẹn, rere ẹdẹ wẹn vwo gro vwẹ otọ rẹ Ọrovwohwo Ọghẹnẹ wẹn vwọ kẹ wẹ na.

Jẹnẹsis 47:24

Vwẹ ọke orhọ we gbe toro akuori vwọ ki Fero, akuẹne ri chekọ ke re ovwan, kẹ Etiyin wa da re kugbe Etiyin wa da je kọn, Etiyin uwevwi rẹ ovwan da re kugbe imitete rẹ ovwan ejobi.

Jẹnẹsis 47:21

vwọ kẹ irere na, ọ da vwẹ ayen ru eviẹn nẹ oba rẹ Ijipt ọvo re te ọrivẹ.

Jẹnẹsis 47:1

Etiyin Josẹf da yanran ra ta ki Fero, Ọsẹ mẹ vẹ emesẹ mẹ vẹ uchuru rayen vẹ eranvwe kugbe eyere rayen ejobi, nẹ otọ ri Kenan rhire, ayen obi Goshẹn Asakiephana.

Jẹnẹsis 50:21

Ọtiọye na wa dje oshọ-ọ, Me je ghere ovwan vẹ emọ re ovwan. Kẹnẹ o phi udu phihọ ayen awọ o de bru ayen uche.

Jẹnẹsis 45:7

Ọghẹnẹ ko ji vwe ka obaro rere e vwo sivwi umuku rẹ ihwo vwẹ akpọ na, rere ihwo rẹ ovwan buebu vwọ sa rhọ.

Jẹnẹsis 45:10

wọ cha dia otọ ri Goshẹn, ku wo si kẹrẹ ovwẹ, re owẹ te emọ wẹn kugbe emọ wẹn vẹ emọ rayen, te igodẹ wẹn, vẹ uchuru wẹn, kugbe obo wo vwori ejobi,

Aizaya 22:24

Ayen ki mu oghwa rẹ uwevwi rẹ ọsẹ rọye ejobi vwọ ya te emọuyovwi te ivwrọmọ, te emekuakua na ejobi, nẹ iko ra ro etoto.