Jẹnẹsis 45:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọtiọye na ọ gbe dianẹ ovwan ri ji vwe rhe obonẹ-ẹ, ẹkẹvuọvo Ọghẹnẹ; ọ da vwẹ ovwẹ ru ọsẹ ki Fero, kugbe olori rẹ uwevwi rọye ejobi vẹ osun rẹ otọ rẹ Ijipt ejobi.

Jẹnẹsis 45:8 Referans Kwoze

Iyẹnrẹ Esiri ri Jọn 15:16

Ọ dia ovwan re jẹ vwẹ-ẹ, ẹkẹvuọvo mẹvwẹ re jẹ ovwan me da vwẹ ovwan mu rere ovwan yanran ra mọ ubi rere ubi rẹ ovwan vwọ dia; ọtiọye na emu kemu rẹ ovwan nọ Ọsẹ na vwẹ odẹ mẹ, ọ sa vwọ kẹ ovwan.

Ọbe ri Pọl si rhe Ihwo ri Rom 9:16

Vwẹ ọtiọye na ọ dianẹ kẹ obo rẹ ohwo guọnọ te-e eyẹ obo rọ wian te-e, ẹkẹvuọvo arodọvwẹ rẹ Ọghẹnẹ.

Iyẹnrẹ Esiri ri Jọn 19:11

Jesu da kpahe kẹ, Wo vwo ogangan vwẹ enu mẹ-ẹ jokpa nẹ a vwe rọ kẹ wẹ nẹ obenu rhe; fiki rẹ ọtiọye na ọ ro mu uvwe rhe we ọye ri me ru umwemwu rode na.

ỌBE RẸ JOB 29:16

Mẹvwẹ kẹ ọsẹ kẹ ovwiogbere na, me da guọnọ otọ rẹ ohwo re me riẹnre-e.

Iguẹdjọ 17:10

Mika da ta kẹ nẹ, Nene uvwe dia rere me vwẹ owẹ ru ọsẹ kugbe orherẹn mẹ, me kẹ wẹ ibro rẹ idọnọ ihwe, kugbe iwun kugbe emu ra ria rẹ ẹgbukpe. Etiyin ohwo ri Livae na da ro uwevwi.

Jẹnẹsis 45:5

We jẹn oma ro ovwa-an, eyẹ we jẹn ivun rẹ oma rẹ ovwan miovwo ovwa-an, fikiridie wa shẹ vwẹ rhe obonẹ, kidie Ọghẹnẹ ji vwe ka obaro re vwo sivwi arhọ.

Filimọn 1:15

Ọkeọvo yi fiki rẹ ọtiọnana ọ vwọ djẹ nẹ uwe obọ rhawẹrhẹye, rere ọke ro de rhivwi rhe ọ vwọ sa dia owẹ bẹdẹ,

Aizaya 22:21

ki mi che ku adagba wẹn phihọ oma, ke me vwẹ umuamwa wẹn vwo muo, ki mi phi ogangan wẹn phihọ obọ, kọ cha dia ọsẹ kẹ ihwo ri Jerusalẹm kugbe uwevwi rẹ Juda.

Jẹnẹsis 45:26

Ayen da vuẹ, ni Josẹf je akpọ, kọye osun vwẹ otọ rẹ Ijipt. Oma de ro, kidie o se ayen gbuyota-a.