Jẹnẹsis 44:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọke rẹ ayen je ghwa yan sheri nẹ orere na-a, Josẹf de se omuemu rọye, Vrẹn vwọ tua ihwo na; wọ da djẹ mu ayen, ta kẹ ayen, Die wa vwọ vwẹ umwemwu hwosa rẹ ẹse mẹ kẹ vwẹ?

Jẹnẹsis 44:4 Referans Kwoze

Iyẹnrẹ Esiri ri Jọn 10:32

Jesu da kpahe kẹ ayen, Me vwẹ iruo rẹ esiri buebu phia kẹ ovwan nẹ obọ rẹ Ọsẹ na rhe; kẹ ọrhọ vwẹ usun rẹ enana we che vwo phi vwe na?

Une rẹ Ejiro 35:12

Ayen vwẹ umwemwu hwa osa rẹ ẹse kẹ vwẹ; erhi mẹ serọ.

Isẹ 17:13

Ohwo da vwẹ umwemwu hwa osa rẹ ẹse, o rhe vwo ọke rẹ umiovwo vwo nẹ uwevwi rọye-e.

Une rẹ Ejiro 109:5

Ọtiọye na ke ayen vwẹ umwemwu hwa osa rẹ erhuvwu, omaetuo vwọ kẹ ẹguọnọ mẹ.

2 Ikun rẹ Ivie 20:11

Nighe, osa rẹ ayen hwa kẹ avwanre kọye ẹcha nana rẹ ayen rhere rhe djẹ avwanre nẹ ughwẹ rẹ avwanre re wọ vwọ kẹ avwanre vwo reuku na.

1 Samuẹl 24:17

ọ da ta kẹ Devid, Wẹ re ma dia ọvwata nọ vwẹ; kidie wọ vwẹ uyoyovwi hwa osa kẹ vwẹ, yẹ me vwẹ umwemwu hwa osa kẹ wẹ.

Urhi Rivẹ 2:16

O vwo rure, rẹ egba ofovwi na ejobi rhe vwọ ghwọrọ ghwu nẹ ohri rẹ ihwo na nu,

Jẹnẹsis 44:3

Rẹ ọke ghwe vwo rhie nu, ihwo na ghwe krẹn te ayen te ekẹtẹkẹtẹ rayen ghwe vrẹn kọye oyan.

Jẹnẹsis 44:13

Ayen da bẹrẹ emwa rayen, ohwo ọvuọvo de kru oghwa kpahe ekẹtẹkẹtẹ rọye, ayen de rhivwi rhe obo orere na.