Jẹnẹsis 44:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Juda da ta, Kidie avwanre cha ta kẹ ọrovwovwe? Die avwanre mrẹ ta? Eyẹ komavọ avwanre se si oma rẹ avwanre no? Ọghẹnẹ guọnọ otọ rẹ abe rẹ idibo wẹn mrẹ nure; nighe, avwanre ke dia eviẹn rẹ ọrovwovwe, te avwanre te ekpuyovwi re ohwo ra mrẹ uko na vwẹ obọ rọye.

Jẹnẹsis 44:16 Referans Kwoze

Jẹnẹsis 44:9

Obọ ri kohwo kohwo ru wọ da mrẹ, e jo ghwu, avwanre ri chekọ na ke dia eviẹn rẹ ọrovwovwe.

Daniẹl 9:7

Ọvwata, E Ọrovwohwo, obọ wẹn ọ epha, ẹkẹvuọvo vwọ kẹ avwanre ozighi vọn avwanre opharo, kirobo rọ epha vwẹ ẹdọke ri nonẹ, kẹ ihwo ri Juda, vẹ ihwo re dia Jerusalẹm, kugbe Izrẹl ejobi, te e re kẹrẹ vẹ e re hẹ ogboko, vwẹ otọ ejobi ru wọ djẹ ayen ra fiki rẹ ozighi rẹ ayen gbe kpahe owẹ.

Iyẹnrẹ Esiri ri Luk 12:2

O vwo emu ọvuọvo re rhurhuru ro jẹ phia-a, eyẹ re sinu re jẹ riẹ-ẹn.

Ukeri 32:23

Ẹkẹvuọvo we rhe ru ọtiọye-e, nighere, yu we ru umwemwu kpahe Ọrovwohwo; jo mu we ẹro nẹ umwemwu wẹn ọvo che tu we phia.

Iruo rẹ Iyinkọn na 2:37

Ọke rẹ ayen vwo nyo onana udu de bru ayen, ayen da ta kẹ Pita vẹ iyinkọn ri chekọ na nẹ, Imoni, Kidie avwanre che ru?

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Aizaya 5:3

Enẹna, ovwa ihwo ri Jerusalẹm kugbe ihwo ri Juda, Me rẹn ovwan gbe brorhiẹ mẹ vẹ ogba ri vain mẹ na.

Isẹ 28:17

Ohwo ro kru oghwa rẹ ọbara rẹ ohwo ọfa ghwa, gbe jọ dia osoghoro tẹ ẹdẹ ughwu rọye; e jẹ ohwo ọvuọvo cha uko-o.

Isẹ 17:15

Ohwo ro brorhiẹ kẹ oruimwemwu vẹ ohwo ro bruhwe ọvwata, ayen ihwo ivẹ na ẹgua kẹ Ọrovwohwo.

ỌBE RẸ JOB 40:4

Nighe, mi fi emuọvo-o; Kidie me kpahe kẹ wẹ? me vwẹ obọ rhurhu unu mẹ.

Ezra 9:15

E Ọrovwohwo Ọghẹnẹ rẹ Izrẹl, wẹwẹ ohwo rẹ ọsoso, kidie a yan jẹ umuku re vabọ na vwo kẹ avwanre kirobo rọ epha nonẹ na. Nighe, avwanre mudia vwẹ obaro wẹn vwẹ evun rẹ abe rẹ avwanre, kidie o vwo ohwo ro se mudia vwẹ obaro wẹn fiki rẹ ọnana-a.

Ezra 9:10

Vwẹ asakiephana, E Ọghẹnẹ rẹ avwanre, kidie avwanre ta vwẹ ọnana? Kidie irhi wẹn chọrọ avwanre ẹro,

Iguẹdjọ 1:7

Etiyin Adonibẹzẹk da ta nẹ Me nyavwe irhiabọ ride kugbe irhiawọ ride rẹ ivie ujorha gbe ihwe kufia dẹvure re rhọrọ ivwuvwu rẹ emu ria vwẹ obotọ rẹ imẹjẹ mẹ, kirobo ri mi ru ihwo, ọye Ọghẹnẹ hwosa rọye ke vwẹ na. Ayen de muo rhe obi Jerusalẹm, o de ghwu phihọ oboyi.

Joshua 7:18

ọ da reyọ evwruwevwi rọye rhe ohwo ọvuọvo, o de mu Ekan rẹ ọmọ ri Karmi, ọmọ ri Zabdi, ọmọ ri Zerah, rẹ orua ri Juda.

Joshua 7:1

Ẹkẹvuọvo ihwo rẹ Izrẹl de gbe oma rayen ẹgua vwẹ oma rẹ ẹravwo re vwo ze na; kidie Ekan rẹ ọmọ ri Karmi, ọmọ ri Zabdi, ọmọ ri Zerah, ohwo rẹ orua ri Juda, da reyọ evo vwẹ eravwọ re vwo ze na; ophu rẹ Ọrovwohwo da tua kpahe ihwo rẹ Izrẹl.

Urhi Rivẹ 25:1

Ọ da dianẹ ẹghwọ herọ vwẹ uherevie rẹ ihwo, rọ ghwa ayen kpo ẹguare, rẹ de brorhiẹ rẹ ayen ivẹ, re de brorhiẹ ohwo rọ rease re de bruhwe ọ rọ reabe,

Jẹnẹsis 44:32

Odibo wẹn kọ re esarobọ rẹ ọmọ na kẹ ọsẹ mẹ tanẹ ọ da dianẹ Me rha reyọ ọmọ na rhe we-e, ke Me riabe rẹ ọsẹ mẹ vwẹ ẹdẹ rẹ akpọ mẹ ejobi.

Jẹnẹsis 37:9

Ọ da rhoma vwerhe evwerhẹ ọfa, ọ da je ta kẹ imoni rọye, ọ da ta, Nighere, Me rha vwerhe evwerhẹ ọfa re, mi vwo ni, ọnre, emeranvwe, kugbe isio uhwọvo da vwẹ uyovwi te otọ kẹ vwẹ.

Jẹnẹsis 37:7

nighe, avwanre ke gba eka vwe obo udju, e vwo ni, erhagha rẹ ọka mẹ de vrẹn mudia goro, nighere erhagha rẹ ovwan na de rhi bi riariẹ ọ mẹ na, i de gbe uyovwi kpotọ kẹ erhagha mẹ na.

Jẹnẹsis 44:17

Ẹkẹvuọvo o da ta, Si ota yena nu oma mi se ru ọtiọye-e; Ohwo ra mrẹ uko na vwẹ obọ rọye ọye re dia ọviẹn mẹ; ẹkẹvuọvo vwọ kẹ wẹ, we kpo bru ọsẹ wẹn egberhẹnẹdẹ.

1 Ivie 17:18

ọ da ta kẹ Ilaija, Die wọ mrẹ kpahe ovwẹ, E ohwo rẹ ọfuanfon na? Wọ rhere re a vwọ karophihọ umwemwu mẹ, re e si ughwu hwe ọmọ mẹ.