Jẹnẹsis 44:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin ọ da vuẹ omuemu rẹ uwevwi rọye nẹ, Kru emu vọn ibo rẹ ihwo na, uche oghwa rẹ ayen sa ghwa, kru igho rẹ ohwo ọvuọvo phihọ ebo rọye,

Jẹnẹsis 44:1 Referans Kwoze

Jẹnẹsis 42:25

Josẹf da ta kẹ emọ nẹ a ghwẹ eka vọ ebo rayen, re ji kru igho rayen phihọ ebo kẹ ayen, ra je vwẹ emu kẹ ayen re ayen re vwẹ idjerhe. E de ru Ọnana kẹ ayen.

Jẹnẹsis 43:16

Ri Josẹf vwọ mrẹ Bẹnjamin vẹ ayen, ọ da ta kẹ omuemu rẹ uwevwi rọye, Reyọ ihwo na kpo obo uwevwi, hwe eranvwe vwo chere emu, kidie ihwo na vo vwẹ cha re emu oghẹruvo na.

Aizaya 3:1

Gbe nighe, Ọrovwohwo na, Ọrovwohwo rẹ ofovwi na, o cha reyọ echoma kugbe ọkpọ nẹ Jerusalẹm kugbe Juda rhe echoma rẹ ikara ejobi, echoma rẹ ame ejobi,

Jẹnẹsis 43:19

Kọye ayen da yan bru omuemu rẹ uwevwi ri Josẹf na, ayen de nene ta ota vwẹ anurhoro rẹ uwevwi na,

Jẹnẹsis 43:2

Rẹ ayen rha vwọ re emu rẹ ayen dẹ nẹ otọ rẹ Ijipt rhe re nu, ọsẹ rayen da ta kẹ ayen, Wa rhoma yanran, ra de ememu rhe.

Jẹnẹsis 24:2

Ebraham da ta kẹ odibo rọye, rọ dia ọkpako vwẹ uwevwi rọye, rọ vwẹ ẹro te emu ro vwori ejobi, Phi obọ wẹn phihọ obotọ rẹ ekpoghowọ mẹ,

Jẹnẹsis 44:2

phi uko mẹ, uko rẹ idọnọ na, phihọ unu rẹ ebo rẹ ọrotete na kugbe igho rọ rhe vwọ dẹ ọka na. O de ru kirobo ra vuẹrẹ na.

Jẹnẹsis 42:35

Rẹ ayen vwo ku eghwa nẹ ebo na, nighe dohwo dọko rẹ igho rọye evun rẹ ebo rọye, te ayen te ọsẹ rayen vwọ mrẹ ọko rẹ igho rayen o de gbe ayen unu.