Jẹnẹsis 41:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

Jẹnẹsis 41:8 Referans Kwoze

Daniẹl 4:7

Etiyin otu rẹ egbẹnẹkẹ, vẹ idjene, ihwo ri Kaldia, Kugbe otu re fan otọ rẹ isio da rhe, me da ta evwerhẹ na kẹ ayen, ẹkẹvuọvo ayen sa vwẹ evwerhẹ na vẹ otọ rọye phia kẹ vwẹ-ẹ.

Ẹyano 7:22

Ẹkẹvuọvo ihwo ri ruẹ eghẹnẹkẹ vwẹ Ijipt na da je vwẹ abọ rayen ru ọtiọye na, ọtiọye na udu ri Fero da je gau phihọ, ọ gbe kerhọ raye-en, kirobo rẹ Ọrovwohwo tare na.

Matiu 2:1

Ọke re vwo vwiẹ Jesu vwi Bẹtlẹhẹm ri Judia vwẹ ọke ri Herọd vwọ hẹ ovie, nighere, evwaghwanre rẹ eshare erha de nẹ obaro ọnre rhe Jerusalẹm,

Daniẹl 4:5

Me da vwerhẹ evwerhẹ ro mu vwẹ oshọ, ri mi vwo shevwerhẹ ehwa mẹ, eroro vẹ emramrẹ re kọn ro vwẹ uyovwi da nẹrhẹ oshọ mu vwẹ.

Daniẹl 1:20

Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye.

Aizaya 29:14

fiki rẹ ọtiọye na, nighe, me cha rhoma vwẹ ihwo nana ru emu rẹ igbunu, emu rẹ igbunu rode, aghwanre rẹ ọvwaghwanre rayen na ejobi ke guọghọ, evughe rẹ ihwo re mrẹ emu vughe ejobi ke che sionu.

Ẹyano 7:11

Etiyin Fero de se aghwaire na kugbe ẹboepha na, ayen otu ri ruẹ egbẹnẹkẹ vwẹ Ijipt na, ayen da je vwẹ abọ rayen ji ru egbẹnẹkẹ ọtiọye rhe.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Aizaya 8:19

Ọke rẹ ayen da ta kẹ ovwan nẹ, Eru ẹboepha kugbe otu re azẹ ri tue, ihwo rhe brẹ Ọghẹnẹ rayen ra kpo epha-a? Kẹ ihwo ra bọ epha vwẹ obọ rẹ ohwo ghweghwu fiki rẹ ohwo ọkpokpọ?

Livitikọs 19:31

We rhivwi bru otu re eboepha-a, eyẹ erieda-a; wọ guọnọ ayen phia-a, ayen de gbe we ẹgua: Mẹvwẹ Ọrovwohwo Ọghẹnẹ wẹn.

Ẹyano 8:7

Ẹkẹvuọvo ihwo rẹ egbẹnẹkẹ na da rhe ayen de ji ru ọtiọye na vẹ egbẹnẹkẹ rayen, igoro da rhe otọ rẹ Ijipt na.

Jẹnẹsis 40:8

Ayen da ta kẹ, Avwanre vwerhẹ evwerhẹ, a rha mrẹ ohwo rọ faotọ rọye kẹ avwanre-e. Josẹf da ta kẹ ayen; Ọ dia Ọghẹnẹ re faotọ rẹ evwerhẹ? Gba ta kẹ vwẹ, Me rẹ wẹ.

Jẹnẹsis 40:6

Ri Josẹf vwo bru ayen rhe irhiọke re mrẹ ayen, ayen de muomahọ.

1 Kọrẹnt 1:19

Kidie e siro, Me ghwọrọ aghwanre rẹ ọvwẹghwanre, erianriẹn rẹ ọ rọ mariẹn ko she fia.

Iruo rẹ Iyinkọn na 17:18

Evo vwẹ otu rẹ Epikuirian kugbe otu ri Stọik egbaghwanre da vwa. Evo da ta, Die ọbrẹbrẹ na tobọ ta? Efa herọ tanẹ, Ọ họhọ ohwo ro ghwoghwo ẹdjọ rẹ isiorho fikiridie o ghwoghwo Jesu kugbe ohwo ro vrẹnushi.

Iruo rẹ Iyinkọn na 7:22

E de yono Mosis phihọ aghwanre rẹ ihwo rẹ Ijipt ejobi, ọ da rhe dia ọgba vwẹ eta kugbe uruemu.

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 5:11

Ohwo ọvo herọ vwẹ evun rẹ uvie wẹn na ro vwo erhi rẹ eghẹnẹ efuanfon na. Vwẹ ọke rẹ ọsẹ wẹn, orẹmrẹ vẹ ọhọ vẹ aghwanre, kerẹ aghwanre rẹ eghẹnẹ na, obọ rọye a da mrẹ. Ovie na Nebukadreza ọsẹ wẹn, de vwo ru onotu kẹ otu ri ruẹ egbẹnẹkẹ, otu rẹ idjene, otu ihwo ri Kaldia kugbe otu rẹ ihwo ri nẹ isio.

Aizaya 19:3

Erhi re ihwo re ljipt na kọ rhan nẹ ayen oma, ki mi phi ozighi phihọ iroro rayen; ke ayen diotọ rọye vwẹ obọ rẹ ema vẹ ebọepha, vwẹ obọ rẹ irivwi vẹ erieda;

Une rẹ Ejiro 25:14

Ugbeyan re Ọrovwohwo eye ihwo re djẹ oshọ rọye, kọ cha vwẹ ọphọ rọye phia kẹ ayen.

Livitikọs 20:6

Ohwo de bru ẹboepha vẹ eriedan, keye ọ vọye gbe ruẹ kugbe, ki mi hirhe opharo Me ku ohwo yena, ki mi bro nẹ ohri rẹ ihwo rọye.

Ẹyano 9:11

Otu rẹ egbẹnẹkẹ na gbi se dede Mosis fiki rẹ iribẹ na-a, kidie iribẹ na ji mu ihwo rẹ eghẹnẹkẹ na vẹ ihwo rẹ Ijipt ejobi.

Jẹnẹsis 41:7

Ere pha gẹngẹn na de mu ighwrẹ re pha gbuke na rọ Fero da rhọvwọ rhe,

Jẹnẹsis 41:15

Fero da ta ki Josẹf, Me vwerhẹ evwerhẹ, a rha mrẹ ohwo ọvuọvo rọ sa fan otọ rọye-e; mi nyori nẹ a da ta evwerhẹ kẹ wẹ ku wọ sa fan otọ rọye.

1 Samuẹl 6:2

Ihwo ri Filistia de se irherẹn na kugbe eboepha na tanẹ, Kidie avwanre ru ekpeti rẹ Ọrovwohwo na? Ta kẹ avwanre kidie avwanre vwo suo kpo asan rọye?

Daniẹl 4:6

Kọye mi de ghwoghwo nẹ e se evwaghwanre ri Babilọn ejobi rhe vwe, rere ayen fan otọ rẹ evwerhẹ na kẹ vwẹ.

Daniẹl 4:18

Evwerhẹ nana kọye mẹvwẹ, Ovie Nebukadneza, vwerhẹre. We, E Belteshaza, fan otọ rọye, fikiridie ihwo ri vwo aghwanre vwẹ uvie mẹ na, sa fan otọ rọye kẹ vwẹ-ẹ ẹkẹvuọvo wo se ruo, kidie erhi rẹ eghẹnẹ efuanfon na hẹ evun wẹn.

Jẹnẹsis 41:24

eduru rẹ eka re gẹngẹn na da rọ iri gbuke yoyovwi na. Me tarọ kẹ ẹboepha ejobi, ẹkẹvuọvo o vwo ohwo rọ sa fan otọ rọye kẹ vwẹ-ẹ.