Jẹnẹsis 41:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Mi rhe vwo ni, eduru rẹ eka ighwrẹ re vwara ẹbe gẹngẹn rẹ odju bẹre de rhe mu kpahe erẹ ẹsosuọ na.

Jẹnẹsis 41:6 Referans Kwoze

Hosia 13:15

Owenẹ ọ rho bodo bodo kerẹ ẹgon, odju rẹ obaro ọnre, odju rẹ Ọrovwohwo cha rhe, ọ kpara nẹ obo aghwa cha; ogbugbu rọye cha kpọ, imigbo rọye cha yamu, o che hwerhe kemu kemu esiri rọ sẹro rọye nu ejobi kufia.

Izikiẹl 19:12

Ẹkẹvuọvo a da vwẹ ophu ghwie vain na kufia, a da kparọ phihọ otọ, ọ da yamu vwẹ odju rẹ obaro ọnre, a da kpare ibi rọye kufia, ugboma rọye rọ ma gan ejobi na da yamu; erhanre da torhẹ.

Izikiẹl 17:10

Nighe, ọke re de ghwie kọn, kọ je sa djẹ? O rhe vwioro tototo vwẹ ọke rẹ odju rẹ obaro ọnre de djuo-o ro vwioro kufia vwẹ enu rẹ umukpe rọ da djẹ na?

Jẹnẹsis 41:5

O de sheruo ovwerhẹ o da vwerhẹ evwerhẹ obo rivẹ; o vwo ni, eduru rẹ eka ighwrẹ gbuke yoyovwi, da djẹ vwẹ ugbẹn rẹ ọka ọvo.

Jẹnẹsis 41:7

Ere pha gẹngẹn na de mu ighwrẹ re pha gbuke na rọ Fero da rhọvwọ rhe,

Jẹnẹsis 41:23

eduru rẹ eka ighwrẹ efa, gẹngẹn, re vwara ẹbe, rẹ odju bẹre, ri mu kpahe ighwrẹ rẹ ẹsosuọ na,

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Jona 4:8

Ọke rẹ ọnre vwọ varhe, Ọghẹnẹ da vwẹ odju ọyaya rẹ obaro ọnre rhe, uvo na ko rhovwa mu Jona uyovwi ọtiọye na oma ko ron, kọ guọnọ nẹ ughwu gbe ghwe hwe ọye sievo, ọ da ta O yoma kẹ vwẹ ri mi vwo ghwu nọ ọ re me vwọ rhọ.