Jẹnẹsis 40:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọmọke vwọ wanre, omuidi rẹ ovie rẹ Ijipt kugbe okakemu rọye da chọ urhi rẹ ọrovwayen ovie rẹ Ijipt na.

Jẹnẹsis 40:1 Referans Kwoze

Jẹnẹsis 40:13

vwẹ evun rẹ ẹdẹ erha na Fero kọ kpare uyovwi wẹn kpenu kọ rhoma phi we phihọ edia wẹn, ku wo mu uko phihọ obọ ri Fero kirobo ri wo ruẹ jovwo, ọke ru wọ vwọ omuidi rọye.

Ẹsta 6:1

Vwẹ ason yena ovie na gbẹ sa vwerhẹ-ẹ, ọ da tanẹ a reyọ ẹbe rẹ ekarohọ rẹ uruemu esiri na rhe, ẹbe rẹ ikun na, e de se ayen kẹ ovie.

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

Jẹnẹsis 40:2

Ivun de miovwo Fero kpahe inotu rọye ivẹ na, omuidi na kugbe okakemu na,

Jẹnẹsis 40:5

Ason ọvo ayen ivẹ na da vwerhẹ evwerhẹ–omuidi na kugbe okakemu na rẹ ovie rẹ Ijipt re mu phihọ uwodi na, dohwo devwerhẹ rọye, dohwo dotọ rọye.

Jẹnẹsis 40:11

Yẹ uko ri Fero rhe vwe obọ; Me da reyọ otie na mi de mi ayen phihọ uko ri Fero na, mi de mu uko na phihọ obọ ri Fero.

Jẹnẹsis 40:16

Ọke rẹ olori rẹ ekakemu na vwọ mrẹ nẹ ọ fan otọ rọye yoyovwi, ọ da ta ki Josẹf, Me je vwerhẹ evwerhẹ rhe: ibere rẹ ikara erha da enu rẹ uyovwi mẹ,

Jẹnẹsis 41:9

Etiyin onotu rẹ omuidi na da ta ki Fero, Me karophihọ obrabra mẹ nonẹ na.