Jẹnẹsis 4:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Nighe wọ djẹ vwẹ nonẹ na vwo nẹ otọ na re, Me da mrẹ opharo wẹn ki mi sioma nẹ, ke Me dia ọvwisusu kugbe osoghoro vwẹ evun rẹ akpọ na, ohwo kohwo rọ mrẹ vwẹ ejobi ko hwe vwe.

Jẹnẹsis 4:14 Referans Kwoze

Ukeri 35:19

Ọreihri rẹ ọbara na ọvo re vwẹ obọ rọye hwe ozighẹ na; ọke rọ da vwa, ko hwe ghwu.

Une rẹ Ejiro 143:7

Jọphẹre kpahe kẹ vwẹ, E Ọrovwohwo! Oma ro erhi mẹ! Wo si opharo wẹn nẹ kẹ vwẹ-ẹ, Me da rha họhọ otu ri kpo obo Ukpotọ na.

Isẹ 28:1

Orumwemwu de djẹ yẹ ohwo ọvuọvo vwọ tua-a, ẹkẹvuọvo udu rẹ ọvwata epha kokoroko kerẹ okpohrokpo.

Urhi Rivẹ 28:65

Oma che se fu ovwan vwẹ ohri rẹ ẹgborho nana-a, urovwoma je sa dia kẹ ẹhẹrhowọ rẹ ovwa-an, ẹkẹvuọvo Ọrovwohwo cha vwẹ ofianvwe kẹ ovwan, kugbe ibiaro idjedje, vẹ ẹnwẹn ọphapharhe;

2 Tẹsalonaika 1:9

Kẹ ayen cha reoja rẹ ehwe kugbe ẹghwọrọ ri bẹdẹ ka djẹ ayen nẹ obaro rẹ Ọrovwohwo kugbe urinrin rẹ ẹgba rọye.

Matiu 25:46

Ihwo nana ki kpo ehwe ri bẹdẹ ẹkẹvuọvo otu rẹ evwata ki kpo arhọ ri bẹdẹ.

Jerimaya 52:3

Ghine uyota fiki rẹ ophu rẹ Ọrovwohwo na eravwọ da rhe gbaphihọ vwi Jerusalẹm vi Juda te obo ro de phi ayen kufia nẹ obaro rọye. Zedikaya de rhi mu kpahe ovie ri Babilọn.

Ukeri 35:27

rẹ ọreihri rẹ ọbara na da mrẹ vwẹ otafe rẹ ughwru rẹ orere ra djẹrhọ na, rẹ ọreihri rẹ ọbara na de hwe ọ rẹ obọ chọre na, ọ sa re abe rẹ ọbara na-a.

Ukeri 35:21

eyẹrẹ vwẹ eghrẹ ọ da vwẹ ubi vwọ ghwiẹ, ro de ghwu, ọtiọye na ohwo rọ ghwiẹ ubi na ke hwe; ozighẹ o ruẹ; Ọreihri rẹ ọbara na ko hwe ozighẹ na, vwẹ ọke rọ da vwa.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Hosia 13:3

Fiki rẹ ọtiọye ayen ke cha dia kerẹ evwru rẹ irhiọke yẹrẹ irho ro krẹ ọke ya-a, kerẹ iphopho ri tuẹ nẹ utuwevwi rẹ de wuye ọka eyẹ kerẹ ivwirhi re wan evakpo ruẹ otafe.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Isẹ 14:32

E gere ohwo umwemwu she fiki rẹ umiovwo rọye, ẹkẹvuọvo ọvwata mrẹ odjahọ fiki rẹ iruo esiri rọye.

Une rẹ Ejiro 109:12

E ja mrẹ ohwo ro ru ẹse kẹ-ẹ, eyẹ ohwo rọ re ehrọre kẹ emephrorivwi rọye-e!

Une rẹ Ejiro 109:10

Jẹn emọ rọye suosuo yan, re yaremu yan, jẹn a dje ayen ro otafe nẹ ehwehwe uwevwi rẹ ayen vwẹ oma da!

2 Samuẹl 14:7

Asakiephana orua ejobi de rhi gbe kpahọ odibo wẹn, ayen da ra, A vwẹ o ro hwe ohwo na rhe re ehwe fikiridie o hwe omoni rọye, e gbe ji hwe oreuku na rhe; kẹ ayen furhie umwerhanre mẹ ro chekọ, ọ gbe jẹn odẹ rẹ ọshare mẹ yẹrẹ ẹkarophihọ rọye dia akpọ-ọ.

Livitikọs 26:36

Ovwan otu ra kua chekọ vwe otọ na, oma ko che bruro ovwan vwẹ otọ rẹ ivwighrẹ re ovwan na, edo re ọbe rẹ odju djuẹ ghevweghe kọ nẹrhẹ ayen mu onẹ dje, ke ayen cha djẹ kere ihwo ra vwe ọlọkọ vwọ tua, ke ayen che muẹ she ghwiotọ yẹ ohwo ovuọvo vwọ tua aye-en.

Livitikọs 26:17

ki mi che hirhe opharo mẹ ku ovwan, ivwighrẹn rẹ ovwan ke vwẹ ovwan chiyi awọ; ihwo ri mu kpahe ovwan ki che sun ovwan, ke ovwan che muẹ dje ye ohwo ọvuọvo djẹ ovwa-an.

Jẹnẹsis 3:24

Ọ da djẹ ohwo na ruẹ afe, vwẹ obọrhe rẹ udju rẹ Idẹn na, o de phi chẹrobim, ọ vẹ ọnọkọ rẹ erhanre rọ rhẹriẹ kpenẹ kpenẹ, rọ rhẹrẹ urhe rẹ arhọ na.

Jẹnẹsis 4:13

Ken da ta kẹ Ọrovwohwo, Oja mẹ ọ rhonọ obo ri mi se chiri.

Urhi Rivẹ 28:64

Ọrovwohwo kọ hra ovwan ro uherevie rẹ ihwo na ejobi, nẹ oba rẹ akpọ na re te oba rẹ ivẹ; oboyi wọ da ga edjọ, edjọ rẹ irhe vẹ e rẹ elalọ e rẹ ovwan vẹ esẹ rẹ ovwan riẹnre-e.