Jẹnẹsis 4:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Vwẹ enẹna a harhe owẹ eka nẹ otọ na rhe, ọto rhie unu rọye vwọ da ọbara rẹ oniọvo wẹn mie we.

Jẹnẹsis 4:11 Referans Kwoze

Galesha 3:10

Kidie ayen ejobi re vwẹ oma da urhi na ayen hẹ otọ rẹ ekan kidie e siro, Ekan kẹ ohwo kohwo rọ yọnrọn emu ejobi re siri phihọ ọbe rẹ urhi na, ro ru ayen gba-a.

ỌBE RẸ JOB 16:18

E otọ, wo rhurhu ọbara mẹ-ẹ, wo jẹ oviẹ mẹ mrẹ asan rẹ urovwoma-a.

Jẹnẹsis 3:14

Ọrovwohwo Ọghẹnẹ da ta kẹ ọrọdekọ na, Fiki robo wo vwo ru emu nana, eka kẹ wẹ vwẹ ohri rẹ uchuru ejobi, kugbe ohri rẹ eranvwe ejobi; evun wẹn kọye wo vwo kpono yan, ekpẹn kọye wọ cha re vwẹ ẹdẹ rẹ akpọ wẹn ejobi.

Ẹvwọphia 12:16

Ẹkẹvuọvo akpọ na da cha aye na uko, otọ na de rhie o de se ame na rẹ ukpodje wo rhe na kpọ.

Aizaya 26:21

Kidie nighere, Ọrovwohwo na re nẹ ẹdia rọye cha ro che vwo hwe ihwo rẹ akpọ na fiki rẹ umwemwu rayen, akpọ na kọ cha vwẹ ọbara re hweri vwẹ evun rọye phia, o gbi che rhurhu ihwo re hweri na ọfa-a.

Jẹnẹsis 4:14

Nighe wọ djẹ vwẹ nonẹ na vwo nẹ otọ na re, Me da mrẹ opharo wẹn ki mi sioma nẹ, ke Me dia ọvwisusu kugbe osoghoro vwẹ evun rẹ akpọ na, ohwo kohwo rọ mrẹ vwẹ ejobi ko hwe vwe.

Jẹnẹsis 5:29

o de se odẹ rọye Noa, tanẹ, Vwẹ evun rẹ otọ rẹ Ọrovwohwo harhere na ọye Ọnana che nurhe rhe kẹ avwanre omaerovwo nẹ iruo vẹ owian rẹ abọ rẹ avwanre.